Последние новости

Ռուսական ԶԼՄ-ները Քոչարյանի գործի վերաբերյալ (ՏԵՍԱՆՅՈՒԹ)

Քոչարյանի գործում խառնվել են քաղաքական վրեժը, դատարանի վրա ճնշումը և Սահմանադրության խախտումը։



Ռուսաստանյան մի շարք լրատվամիջոցներ այսօր անդրադարձել են Հայաստանի երկրորդ նախագահ Ռոբերտ Քոչարյանի գործին։ «Ուղիղ ութ ամիս առաջ՝ 2018 թվականի հուլիսի 28-ին, Հայաստանում ձերբակալեցին հանրապետության նախկին նախագահ Ռոբերտ Քոչարյանին։ Սկզբից ևեթ նրա կալանումն ու առաջադրված մեղադրանքները սահմանադրական կարգի տապալման վերաբերյալ հանգեցնում էին այն մտքին, որ Երևանում իշխանության եկած Նիկոլ Փաշինյանը տառացիորեն վրեժ է լուծում։ Չէ՞ որ Փաշինյանն անկարգությունների ակտիվ մասնակիցն էր, որոնք Քոչարյանը կասեցրեց բավական կոշտ միջոցներով։ Ժամանակի ընթացքում կասկածները հաստատվեցին փաստերով», գրում է, մասնավորապես, «Կոմսոմոլսկայա պրավդա»-ն։

«Youtube-ում հրապարակվեց Փաշինյանի և երկրի Ազգային անվտանգության ծառայության (ԱԱԾ) տնօրենի, ինչպես նաև հատուկ ծառայությունների այլ ղեկավարների խոսակցության ձայնագրությունը։ Գաղտնալսումից միանշանակ հետևում է, որ հենց Փաշինյանն է հրաման տվել ինչ գնով էլ լինի նստեցնել Ռոբերտ Քոչարյանին։ Բայց չէ՞ որ նախկին նախագահի կալանումից անմիջապես հետո հատուկ հայտարարությամբ հանդես եկավ ոչ միայն Ռուսաստանի ԱԳՆ-ն, այլ նաև հայ և օտարերկրացի իրավապաշտպանները։ Բայց Երևանում այդ ամենի վրա ոչ մի ուշադրություն չդարձրին։ Փաշինյանի կամքով հայ իրավապահները մի ամբողջ շարք խախտումներ թույլ տվեցին։ Օրինակ, թքեցին նախագահի իմունիտետի մասին սահմանադրական նորմի վրա»,- գրում են հեղինակները՝ նշելով, որ «Ռոբերտ Քոչարյանը համապատասխանում է ԵԽԽՎ 1900 բանաձևի առանցքային պահանջներին, որպեսզի ճանաչվի քաղաքական բանտարկյալ։ Նա կալանքի տակ է վերցվել Մարդու իրավունքների եվրոպական կոնվենցիայի նախատեսած երաշխիքների խախտմամբ։ Նա կալանքի տակ է պահվում քաղաքական պատճառներով, անկախ կոնկրետ իրավախախտումից։ Նա, ի վերջո, կալանվել է ակնհայտորեն անարդար դատավճռի հետևանքով։ «Դեմոկրատ» Փաշինյանը սեփական քաղբանտարկյալ ունի»։

Իր հերթին, «Ռոսիա 24» հեռուստաալիքի «Վեստի»-ի ռեպորտաժում նշվում է, որ այս գործում «իրար են խառնվել քաղաքական վրեժը, դատարանի վրա ճնշումը և Սահմանադրության ուղղակի խախտումը»։ Ընդ որում, իրեն՝ Փաշինյանին, անվանում են 2008 թվականի մարտի 1-ի «անկարգությունների կազմակերպիչներից մեկը»։ Ռեպորտաժում, որն ավելի քան 4 ժամ է տևում, բավական մանրամասն ներկայացվում է հայտնի հեռախոսազրույցների փաստը, ինչից հետո նշվում է, որ Քոչարյանը կալանվել է այն բանից գրեթե անմիջապես հետո, երբ հայտարարել է մեծ քաղաքականություն վերադառնալու որոշման մասին, տեղեկացնում է - NEWS.am-ը։ 

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ