Բունդեսթագի վավերացումը
Գերմանիայի Բունդեսթագը վավերացրել է Հայաստան-ԵՄ Համապարփակ եւ ընդլայնված գործընկերության համաձայնագիրը (CEPA), տեղեկացնում է Newsarmenia.am-ը:
Ինչպես հաղորդում է ՀՀ-ում Գերմանիայի դեսպանատունը, համաձայնագրի վավերացմանը կողմ է քվեարկել Բունդեսթագի պատգամավորների գերակշիռ մեծամասնությունը, եւ դա նշանակալի օր է ինչպես Հայաստան-ԵՄ, այնպես էլ Գերմանիա-Հայաստան հարաբերություններում:
Հայաստանում Գերմանիայի դեսպան Մաթիաս Քիսլերն այս կապակցությամբ մասնավորապես ասել է. <Բազային պայմանները հրաշալի էին Համաձայնագրի համար համար <թավշյա հեղափոխության> դրական գործընթացներից հետո ։ Ուրախ ենք, որ Նիկոլ Փաշինյանի կառավարությունը ներկայացրել է համաձայնագրի իրականացման համար բովանդակալից ճանապարհային քարտեզ։ Մենք հաճույքով մասնակցում ենք համաձայնագրի իրականացմանը> ։
Դեսպանության հաղորդագրության մեջ նաև նշվում է, որ Հայաստանի եւ Գերմանիայի միջեւ հրաշալի հարաբերությունների վկայությունն են դաշնային կանցլեր Անգելա Մերկելի պատմական այցը Հայաստան եւ դրան հաջորդած բարձրաստիճան այցերը: <Նոյեմբերին ՀՀ նախագահ Արմեն Սարգսյանն այցելեց Գերմանիա, փետրվարին ՝ վարչապետ Փաշինյան, մարտին ՝ Ազգային ժողովի նախագահ Միրզոյան։ Այսօր Երևան է ժամանել Դաշնային Սահմանադրական դատարանի վեց դատավորներից բաղկացած պատվիրակությունը>- նշել են ՀՀ-ում ԳԴՀ դեսպանատանը:
Նշենք, որ Գերմանիան ԵՄ 11-րդ երկիրն է, որը վավերացրել է համաձայնագիրը ։ Մոտ ապագայում սպասվում է նաև Շվեդիայի կողմից համաձայնագրի վավերացում ։
ПОСЛЕДНИЕ ОТ АВТОРА
-
2024-04-26 20:45
На перекрестке улиц Лео-Пароняна в Ереване проходит церемония зажжения свеч в память о скончавшейся беременной Соне Мнацаканян.
-
2024-04-26 19:48
В Армении прошел первый за долгое время армяно-кипрский бизнес-форум, в рамках которого в Ереван прибыли менеджеры 15 компаний разных отраслей.
-
2024-04-26 19:45
Следственный комитет Армении объявил в розыск двух граждан Республики Армения В.М. и С.Дж. по обвинению в госизмене, шпионаже и вражеской деятельности против Армении.
-
2024-04-26 19:42
Школьники из Армении вернулись с тремя медалями с 58-й международной Менделеевской олимпиады по химии. Об этом сообщает пресс-служба министерства образования, науки, культуры и спорта Армении.