ՀԲ-ն նվազեցնում է Հայաստանի տնտեսության աճի կանխատեսումը
Համաշխարհային բանկի կանխատեսման համաձայն Հայաստանում ՀՆԱ-ի աճը 2019թ․ կկազմի 4,3 տոկոս։ Բանկի Global Economic Prospects: Darkening Skies զեկույցում նշվում է, որ 2020թ․ Հայաստանում ՀՆԱ-ի աճը կկազմի 4,6 տոկոս, նույն կանխատեսումն արվել է 2021թ․ համար, տեղեկացնում է ARKA-ն։
Վրաստանը 2019թ․ կապահովի ՀՆԱ-ի 5 տոկոս աճ՝ այդ տեմպը պահպանելով նաեւ 2020թ․, Ադրբեջանը՝ 3,6 տոկոս՝ 2020թ․ դանդաղեցնելով մինչեւ 3,3 տոկոս։
Եվրոպայի եւ Կենտրոնական Ասիայի (ԵԿԱ) երկրներում ՀԲ-ն 2019թ․ կանխատեսում է 2,3 տոկոս աճ (2018թ․ 3,1 տոկոսի դիմաց), 2020թ․ մինչեւ 2,7 տոկոս եւ 2021թ․ մինչեւ 2,9 տոկոս արագացումով։
«Կառուցվածքային բարեփոխումների ներկայիս ընթացքի դանդաղումը կամ փոփոխությունը ռիսկային են տարածաշրջանի շատ երկրներում, մանավանդ Հայաստանում, Ադրբեջանում, Բելառուսում, Ուկրաինայում եւ Թուրքիայում։ Սիրիայում կամ Ուկրաինայում լարվածությունը կարող է նոր պատժամիջոցների առիթ հանդիսանալ։ Եվրամիության եւ Կենտրոնական Եվրոպայի որոշ երկրների միջեւ տարաձայնությունների քաղաքականությունը կարող է զսպել միջազգային ներդրողներին եւ կրճատել ֆիսկալային տրանսֆերները։ ԱՄՆ-ի եւ Եվրոգոտու միջեւ առեւտրային սահմանափակումների լարվածությունը կարող է բացասաբար ազդել ԵԿԱ արեւմտյան երկրների վրա, քանի որ Եվրոգոտին առեւտրային խոշորագույն գործընկեր է ենթատարածաշրջանային բոլոր երկրների համար»,- նշվում է զեկույցում։
ՀԲ-ն համարում է, թե 2019թ․ սպասվում է, որ «Եվրոպա եւ Կենտրոնական Ասիա» տարածաշրջանի տնտեսական աճի տեմպերի վրա բացասաբար կազդեն Թուրքիայում ֆինանսական ցնցումների պահպանվող հետեւանքները։ «Գնահատականների համաձայն՝ 2018թ․ Եվրոպայում եւ Կենտրոնական Ասիայում տնտեսական աճի տեմպերը դանդաղել են մինչեւ 3,1 տոկոս, ինչը տարվա երկրորդ կեսին Թուրքիայում տնտեսական ակտիվության թուլացման արտացոլումն է։ Տարածաշրջանի երկրներում տնտեսական աճի տեմպերը, բացառությամբ Թուրքիայի, մնացել են նույն՝ 2,9 տոկոս մակարդակի վրա, քանի որ տարածաշրջանի արեւմտյան մասի, այդ թվում Բուլղարիայի եւ Ռումինիայի, տնտեսական ակտիվության դանդաղումը փոխհատուցվել է տարածաշրջանի արեւելյան մասի տնտեսական աճի տեմպերի արագացմամբ՝ նավթի գների բարձրացման շնորհիվ»։
ПОСЛЕДНИЕ ОТ АВТОРА
-
2022-01-16 09:15332Обвинения в наш адрес о попытках «захвата власти» – это вопиющее искажение действительности, особенно со стороны человека с подобным опытом в недавнем прошлом. Об этом на своей странице в Facebook написал заместитель председателя РПА Армен Ашотян, комментируя выступление первого президента РА.
-
2022-01-15 15:1354914 января Католикос Великого Дома Киликийского Арам I в Антилиасе провел встречу-консультацию с армянской интеллигенцией Ливана по случаю объявления 2022 года «Годом Диаспоры».
-
2022-01-15 15:12687Бельгийское онлайн-издание Le Vif Weekend опубликовало список лучших архитектурных памятников, относящихся к наследию периода Древнего Рима (754/753 гг. до н. э. — 476 гг. н. э.).
-
2022-01-15 13:14595Госдепартамент США приветствует первый диалог между Арменией и турецкой делегацией в Москве.
