«Զարթոնք»-ի գյուղապետը հրաժարական է տվել
Նախօրեին Արմավիրի մարզպետ Համբարձում Մաթևոսյանը հանդիպում է ունեցել Զարթոնք համայնքի ղեկավար Պարույր Սարգսյանի հետ:
Հանդիպման ընթացքում քննարկվել են համայնքում ստեղծված լարված իրավիճակը հանգուցալուծելու հնարավոր տարբերակները:
Հիշեցնենք, որ Զարթոնք գյուղի բնակիչների մի մասը պահանջում է գյուղապետ Պարույր Սարգսյանի հրաժարականը, գյուղում կրակոցներ են հնչել։
ՀՀ ոստիկանության կայքում հրապարակված պաշտոնական հաղորդագրության համաձայն, Զարթոնք գյուղում մի խումբ անձանց մասնակցությամբ միջադեպ է եղել։ Այդ ընթացքում մասնակիցներից մեկը որսորդական հրացան է գործադրել։
Մարզպետի և Սարգսյանի քննարկման արդյունքում համայնքի ղեկավարը որոշում է կայացրել իր լիազորությունները վաղաժամկետ դադարեցնելու վերաբերյալ դիմում ներկայացնել մարզպետարան և այդ մասին նախօրեին հայտնել համայնքի բնակչությանը` հետագա բախումներից խուսափելու համար: Այս մասին հայտնում է Արմավիրի մարզպետարանի մամուլի ծառայությունը:
«Ավելի ուշ Զարթոնքի համայնքապետարանում մարզպետ Համբարձում Մաթևոսյանը և համայնքի ղեկավար Պարույր Սարգսյանը հանդիպում են ունեցել համայնքի ավագանու, համայնքապետարանի աշխատակիցների և համայնքի բնակիչների հետ, որի ընթացքում համայնքի ղեկավարը պաշտոնապես հայտարարել է իր լիազորությունները վաղաժամկետ դադարեցնելու մասին` վստահեցնելով, որ իր որոշումը կայացրել է առանց ճնշումների գործադրման և այդ որոշմանը հանգել է հանուն համայնքի բնակչության համերաշխության»,- ասվում է հաղորդման մեջ:
Ողջունելով Պարույր Սարգսյանի` համայնքում խաղաղության հաստատմանն ուղղված քայլը` մարզպետ Համբարձում Մաթևոսյանը վստահություն է հայտնել, որ իրավապահ մարմինները կարճ ժամանակահատվածում համարժեք իրավական գնահատական կտան ստեղծված իրավիճակին:
Ամփոփելով հանդիպումը` մարզպետը շուտափույթ ապաքինում է մաղթել կողմերի միջև տեղի ունեցած բախումների արդյունքում վիրավորված անձանց` հույս հայտնելով, որ նման դեպքեր այլևս չեն կրկնվի:
«Ազատությունը», հղում անելով ՀՀ ՔԿ–ին, հայտնել է, որ գյուղում տեղի ունեցած միջադեպի կապակցությամբ հարուցվել է քրեական գործ ՔՕ 258-րդ հոդվածի 4-րդ մասով` «խուլիգանությունը, որը կատարվել է զենքի կամ որպես զենք օգտագործվող առարկաների գործադրմամբ», տեղեկացնում է Newsarmenia.am-ը:
ПОСЛЕДНИЕ ОТ АВТОРА
-
New2020-12-05 12:353Армения все еще стоит перед серьезными угрозами. Азербайджанцы без каких-либо проблем входят в области Армении, в Степанакерт, написал на своей странице в Facebook международник Сурен Саркисян, представив вставшие перед страной вызовы.
-
New2020-12-05 11:5254Российские предприятия начали разработку новейшего комплекса дальнего радиолокационного дозора на базе беспилотника вертолетного типа, сообщил РИА Новости в субботу источник в оборонно-промышленном комплексе.
-
New2020-12-05 11:2664Число подтвержденных случаев заражения коронавирусом в Армении увеличилось до 140959, сообщает в субботу Национальный центр контроля и профилактики заболеваний.
-
New2020-12-05 10:1495Военнослужащие Международного противоминного центра Минобороны России продолжают работу по инженерной разведке и разминированию местности в зоне ответственности российских миротворческих сил в Карабахе.
