Ոստիկանությունը պարզաբանում է
Հայաստանի Հանրապետության ոստիկանությունը պարզաբանում է տարածել սոցիալական ցանցերում տարածված տեղեկատվության վերաբերյալ, թե ոստիկանության Նոր Նորքի բաժնում դաժան ծեծի է ենթարկվել Երևանի բնակիչ Էդգար Ծատինյանը, ապա կուլ է տվել թմրանյութով տոպրակը, տեղափոխվել է «Սուրբ Գրիգոր Լուսավորիչ» բժշկական կենտրոն, այնտեղից՝ «Արմենիա» բ/կ, որտեղ ապրիլի 8-ին մահացել է:
«Արմենպրես»-ը ներկայացնում է ոստիկանության տարածած պարզաբանումը.
«Սոցցանցում տեղեկատվություն է տարածվել, թե իբր ոստիկանության Նոր Նորքի բաժնում դաժան ծեծի է ենթարկվել Երևանի բնակիչ Էդգար Ծատինյանը, ապա կուլ է տվել թմրանյութով տոպրակը, որն իբր ոստիկանները փորձել են «գրպանը գցել», այնուհետև տեղափոխվել է «Սուրբ Գրիգոր Լուսավորիչ» բժշկական կենտրոն, այնտեղից՝ «Արմենիա» բ/կ, որտեղ ապրիլի 8-ին մահացել է:
Ըստ նախնական բժշկական եզրակացության՝ մահվան պատճառն է սուր սիրտ-անոթային և շնչառական անբավարարությունը, սուր թունավորում ամֆետամինով, տոքսիկ կոմա:
Նախնական տվյալների համաձայն՝ մի քրեական գործի շրջանակում, սպանության կասկածանքով, Երևան քաղաքի Գյուլիքեխվյան փողոցից ապրիլի 7-ին ոստիկանության Նոր Նորքի բաժին է բերման ենթարկվել նախկինում բազմաթիվ անգամներ դատապարտված Էդգար Ծատինյանը, որի ինքնազգացողությունը բաժնում կտրուկ վատացել է, ինչի պատճառով շտապօգնության կանչ է ձևակերպվել, ու վերջինս տեղափոխվել է «Սուրբ Գրիգոր Լուսավորիչ» բ/կ, որտեղ հայտնել է, թե չի հիշում՝ ինչ է կուլ տվել: Էդգար Ծատինյանը այնուհետև տեղափոխվել է «Արմենիա» բ/կ, որտեղ էլ ապրիլի 8-ի առավոտյան մահացել է:
Ապրիլի 14-ին ոստիկանություն հաղորդում է տվել Էդգար Ծատինյանի հարազատը՝ հայտնելով, թե ոստիկանները նրան ծեծելով սպանել են, իսկ բժիշկներն օգնություն ցույց չեն տվել:
Հետաքննության մարմնին հանձնարարվել է ստուգել նաև ոստիկանության ծառայողների նկատմամբ՝ հանցագործության մասին հաղորդում ներկայացրած անձի արարքում ՀՀ քրեական օրենսգրքի 333-րդ հոդվածով նախատեսված արարքի, այն է՝ սուտ մատնության հատկանիշների առկայությունը:
Միաժամանակ, ոստիկանության պետ Վալերիյ Օսիպյանի հանձնարարությամբ նշանակվել է ծառայողական քննություն՝ հաղորդման մեջ նշված հանգամանքների ներգերատեսչական ստուգում իրականացնելու համար»:
ПОСЛЕДНИЕ ОТ АВТОРА
-
2023-02-07 19:353237 февраля состоялся телефонный разговор президента Республики Арцах Араика Арутюняна с Католикосом Великого Дома Киликийского Арамом Первым.
-
2023-02-07 19:32274Парламентская фракция оппозиционного блока «Армения» выступит с ходатайством о создании Комиссии по вопросам депутатской этики. Об это на заседании Национального Собрания во время часа объявлений 7 февраля заявила депутат от оппозиционного блока Лилит Галстян.
-
2023-02-07 19:28358Введя блокаду против Арцаха, азербайджанская сторона пытается создать невыносимые условия жизни, оказать психологическое давление на народ Арцаха и, в конечном итоге, заставить людей покинуть свою родину. Об этом заявил глава МИД Республики Арцах Сергей Казарян в интервью Арцахпресс.
-
2023-02-07 19:27326Католикос Всех Армян Гарегин II принял в Первопрестольном Св. Эчмиадзине делегацию во главе с министром иностранных и европейских дел Хорватии Горданом Грличем Радманом.
