2019-05-04 10:41
Информагентства
Պապիկյան․ Մամուլի ազատության պաշտպանությունն անդառնալի առաջընթաց է գրանցել
Մամուլի ազատության համաշխարհային օրվա կապակցությամբ մայիսի 2-ին Վիեննայում, ԵԱՀԿ Մշտական խորհրդի նիստի ընթացքում ԵԱՀԿ-ում ՀՀ մշտական ներկայացուցիչ, դեսպան Արմեն Պապիկյանը հանդես եկավ ելույթով։
Ինչպես «Արմենպրես»-ին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, իր ելույթում դեսպան Պապիկյանն ընդգծել է մամուլի առանցքային դերն անցած տարվա ապրիլին և մայիսին Հայաստանում տեղի ունեցած իրադարձությունների ժամանակ։ Նրա խոսքով՝ ժողովրդական ընդվզումը և Թավշյա հեղափոխությունն ի ցույց դրեցին խոսքի ազատության կարևորությունը, ինչպես նաև՝ հայ հանրության և քաղաքացիական հասարակության քաղաքական հասունությունը։
Դեսպան Պապիկյանը նշել է նաև, որ անցած մեկ տարվա ընթացքում Հայաստանում ժողովրդավարական փոփոխություններն անդառնալի առաջընթաց են գրանցել հատկապես խոսքի և մամուլի ազատության պաշտպանության բնագավառում։ Այս առաջընթացը հստակ արձանագրվել է Լրագրողներ առանց սահմանների (Reporters without borders) կազմակերպության կողմից հրապարակված 2019 թվականի Մամուլի ազատության համաշխարհային ցուցանիշային աղյուսակում, որտեղ Հայաստանը զբաղեցրել է 61-րդ հորիզոնականը շուրջ 180 երկրների շարքում՝ բարելավելով իր ցուցանիշը 19 կետով։
Դեսպանն ընդգծել է, որ անկախ և ազատ մամուլը կարող է դրական դերակատարում ունենալ նաև հակամարտությունների համատեքստում՝ արժանահավատ տեղեկատվության տրամադրման, խաղաղության, վստահության և հաշտեցման խրախուսման միջոցով։ Դեսպանը նաև նշել է լրագրողների պաշտպանության ուղղությամբ, ներառյալ՝ հակամարտությունների գոտիներում, անհրաժեշտ միջոցների ձեռնարկման կարևորությունը։
Դեսպան Պապիկյանն անդրադարձել է նաև Հայաստանի կառավարության և ԵԱՀԿ Մամուլի ազատության հարցերով ներկայացուցչի գրասենյակի միջև հաստատված սերտ համագործակցությանը՝ նշելով, որ այն իր նպաստն է բերում նաև Հայաստանում բազմակարծության և ազատ մամուլի հետագա զարգացմանը։
ПОСЛЕДНИЕ ОТ АВТОРА
-
New2025-05-23 17:51Генеральный докладчик ПАСЕ по политическим заключенным Азаде Рожан выступил с заявлением относительно осуждения талышского историка и этнографа Игбала Абилова по обвинению в государственной измене в Азербайджане.
-
New2025-05-23 17:50За что так строго наказывать несчастных людей, которые лишь хотели сближения России и Азербайджана? Мне кажется, что-то в Азербайджане идет совершено не так, как должно было бы идти. Об этом в соцсетях написал российский философ Александр Дугин.
-
New2025-05-23 17:44Компания "Согласие-Армения", аффилированная с председателем Союза армян России Ара Абрамяном, заявила о произволе со стороны ряда государственных структур Армении.
-
New2025-05-23 17:40Пятый раунд переговоров между Ираном и США по иранской ядерной программе начался в Риме, передает РИА Новости со ссылкой на иранское госагентство Tasnim.
ПОСЛЕДНЕЕ ПО ТЕМЕ
-
2019-09-30 22:55Վարչապետ Նիկոլ Փաշինյանը սկանդալային հայտարարություն հնչեցրեց դատավորների մասին, որոնք «վնգստում են դռների տակ»։ Այդ կարծիքին հրապարակավ համաձայնեց Բարձրագույն դատական խորհրդի նախագահը։