2019-05-13 11:28
Информагентства
Եվրոպան անհանգստացած է էսկալացիայի հնարավորությամբ
ԱՄՆ-ի ու Իրանի միջև կոնֆլիկտի սրումը միջազգային մակարդակում առաջացրել է մտահոգություններ Մերձավոր Արևելքում իրավիճակի հնարավոր էսկալացիայի հետ կապված, տեղեկացնում է News.am-ը:
Այսպես, Գերմանիայի արտաքին գործերի նախարար Հայկո Մասը մայիսի 12-ին Bild am Sonntag թերթում հրապարակված հարցազրույցում հայտարարել է, որ Գերմանիան իր եվրոպական գործընկերների հետ միասին պետք է ձեռնարկի միջոցներ զինված բախումները կանխելու համար, հաղորդում է DW-ը:
Ֆրանսիայի ԱԳ նախարար Ժան Իվ Լե Դրիանը, պատերազմի մասին խոսելիս, մատնանշել է Վաշինգտոնի պատասխանատվությունը, որը մայիսի 10-ին հաստատել էր դեպի այդ տարածաշրջան «Առլինգտոն» դեսանտային ուղղաթիռի և Patriot հրթիռային համալիրի ուղարկման որոշումը: Դրանից մի քանի օր առաջ Միացյալ Նահանգներն ուղարկել էին դեպի Մերձավոր Արևելք ավիակիր «Աբրահամ Լինքոլնի» գլխավորությամբ ավիակիր հարվածային խումբն ու ռմբակոծիչների տակտիկական խումբը:
Մերձարևելյան տարածաշրջանում ընդլայնելով ռազմական ներկայությունը՝ ամերիկյան վարչակազմն, իր պնդմամբ, արձագանքում է «Իրանի բարձր պատրաստվածությանը ԱՄՆ-ի զինված ուժերի վրա հարձակվելու համար»: Ընդ որում՝ մանրամասն ոչինչ չի ներկայացվել:
ԱՄՆ-ի նախագահ Դոնալդ Թրամփն ընդգծել է, որ իր երկիրը չի ցանկանում հակամարտություն Իրանի հետ, սակայն պատրաստ է պաշտպանել տարածաշրջանում իր զորքերն ու սեփական շահերը:
Իրանի նախագահ Հասան Ռուհանին իր հերթին հայտարարել է, որ երկիրը հայտնվել է աննախադեպ տնտեսա-քաղաքական ճնշման ներքո:
ПОСЛЕДНИЕ ОТ АВТОРА
-
New2025-06-04 19:37Евросоюз внес в санкционный список азербайджанский танкер «Zangazur», который, по информации европейских чиновников, относится к «теневому флоту» России.
-
New2025-06-04 19:35С июля посольство Германии в Ереване будет принимать заявки на шенгенскую визу не напрямую, а через систему TLScontact. Об этом сообщила пресс-служба диппредставительства.
-
New2025-06-04 19:34Армения и Азербайджан договорились о совместных поисках без вести пропавших. Об этом директор Службы национальной безопасности Армении Армен Абазян заявил журналистам.
-
New2025-06-04 19:32Украина несет огромные потери и отступает по всей линии фронта, поэтому пытается запугать Россию терактами, заявил президент Владимир Путин.