2019-05-17 16:00
Информагентства
0
Քոչարյանի փաստաբան. Գլխավոր դատախազը սպառնում է դատավարությանը
«Ցավոք սրտի, Հայաստանի Հանրապետությունը շարունակում է ունենալ սովետական տիպի դատախազություն ու սովետական մոտեցում, որ բոլորին պետք է ձերբակալել ու կալանքի տակ պահել, որովհետև բոլոր մարդիկ հանցագործ են կամ պոտենցիալ հանցագործ են»,-լրագրողների հետ հանդիպմանը նման կարծիք հայտնեց ՀՀ երկրորդ նախագահ Ռոբերտ Քոչարյանի փաստաբաներից Արամ Օրբելյանը։
Հիշեցնենք, որ դատավարության անացած չորս օրերի ընթացքում դատախազությունը պնդում է՝ Քոչարյանը պետք է մնա կալանքի տակ։
Փաստաբանն ասաց՝ հույս ուներ, որ անցած տարի նման մոտեցումը կփոխվի, բայց չեղավ, հույսը դեռ կա, որ վաղը Հայաստանում կլինի ավելի լավ քրեապատժողական համակարգ, որ մարդու կալանքը չլինի ինքնանպատակ։
Փաստաբաններ Արամ Օրբելյանն ու Հովհաննես Խուդոյանը պնդում են, որ երեկ գլխավոր դատախազի եզրափակիչ ելույթում հնչած հայտարարությունները նման էին դատարանին ուղղված սպառնալիքին ու լրացուցիչ լարվածության մեջ են դնում դատավորին, և ամենևին էլ իրավական բնույթի չէին։
«Կոչեր հնչեցին՝ չհետևել պաշտպանների առաջարկություններին, ընդ որում խեղաթյուրվեցին պաշտպան Ալումյանի խոսքերը»,-նշեց Խուդոյանը։
Օրբելյանը, թվարկելով կոնցեպտուալ խնդիրները, նկատեց, որ դատախազությունը դեռևս չի ստանում իրավական պետության ընկալումը։
«Դատախազներից մեկն իր առարկությունների մեջ մի հինգ անգամ ասեց, պաշտպանները ձևական... ձևական... ձևական... պահանջներով, մոտեցումներով են հանդես գալիս։ Ուզում եմ ուշադրություն հրավիրել, որ Քրեական դատավարության օրենսգիրքը առաջին տառից մինչև վերջ ձևականություն է։ Քանի որ մենք չենք իմանում, ով է մեղավոր, ով է անմեղ, և կա անմեղության կանխավարկած, այդ օրենսգիրքը նախատեսում է այն ընթացակարգը, մոտեցումները, որոնց շրջանակում պետք է անձի մեղավորությունը հաստատվի, հակառակ դեպքում դատավարություն չենք ունենա։ Հետևաբար, նման արտահայտությունները, թե ձևի հետևից են ընկել, ձևական բաներ են անում, չեն համապատասխանում իրավական պետության կոնցեպտին»,-մանրամասնեց փաստաբանը։
Նա ընգծեց, իրավական պետությունը ենթադրում է ընթացակարգ, իսկ ընթացակարգերի բարձրաձայնումը ձևական լինել չի կարող։
«Երբ մենք ասում ենք, որ անձին չի պարզաբանվել մեղադրանքի էությունը, սա ոչ թե մի բան ենք գտել, դրա շուրջ խոսում ենք, այլ պարոն Ալումյանը մանրամասն նկարագրեց, թե այդ չպարզաբանելն ինչպես է ազդում անձի՝ պաշտպանվելու իրավունքի իրացման վրա։ Եթե չգիտես՝ քեզ ինչում են մեղադրում, ապա դժվար է պաշտպանվել։ Ավելին ասեմ, մի շարք արգումենտների, օրինակ, որ Ռոբերտ Քոչարյանը մեղադրյալի կարգավիճակ չունի, այդպես էլ որևէ անդրադարձ չկատարեց մեղադրական կողմը, որովհետև ենթադրում եմ, պատասխան չունեին»,-ասաց նա, տեղեկացնում է Panorama.am-ը։
ПОСЛЕДНИЕ ОТ АВТОРА
-
New2024-11-22 19:41В Ереване в концертном зале им. Арама Хачатуряна 24 ноября пройдет концерт, посвященный 100-летию квартета им. Комитаса. С музыкальными приветствиями выступят государственный камерный оркестр Армении, джаз-трио Арега Арустамяна, Барсег Туманян, Грачуи Басенц, пианист и дирижер Ваагн Папян, пианистка Карин-Хелльман Геворкян, и, конечно, сам квартет им. Комитаса.
-
New2024-11-22 19:38Суд оправдал еще двоих арестованных сторонников «Священной борьбы». Об этом сообщил адвокат Ваге Еприкян.
-
New2024-11-22 19:35Популярный актер, народный артист Армении Грант Тохатян два месяца находился в медцентре Микаеляна, однако сейчас он уже дома. Об этом изданию Tert.am сообщила супруга Тохатяна, актриса Луиза Нерсисян.
-
New2024-11-22 19:33Бывший чиновник из Арцаха, обвиняемый в шпионаже, Саргис Галстян, переехавший в Армению после почти полугодового пребывания в Степанакерте (после его оккупации Азербайджаном – ред), признан виновным и приговорен к 18 годам лишения свободы. Об этом сообщает прокуратура.