2019-05-20 10:41
Информагентства
Քաղաքացիները սկսեցին արգելափակել դատարանների մուտքերը և ելքերը (ՏԵՍԱՆՅՈՒԹ)
Նիկոլ Փաշինյանի կոչին հետևող քաղաքացիները վաղ առավոտից հավաքվել են Երևանի տարբեր դատարանների մուտքերի մոտ։ Չնայած անձրևային եղանակին, մարդիկ, ովքեր հավատում են վարչապետին, շարունակում են կանգնած մնալ, տեղեկացնում է Sputnik Armenia-ն։
Երևանի ընդհանուր իրավասության Ավան և Նոր Նորք վարչական շրջանների դատարանի մոտ, որտեղ մայիսի 18–ին փոխվեց ՀՀ 2–րդ նախագահ Ռոբերտ Քոչարյանի խափանման միջոցը, տասնյակ մարդիկ են հավաքվել։ Նրանց հետ է նաև լիազորությունները ժամանակավորապես կասեցված ՊՎԾ պետ Դավիթ Սանասարյանը։
Լրագրողների հետ զրույցում նա հիշեցրեց, որ այս պահին որևէ պաշտոն չի զբաղեցնում և եկել է իր քաղաքացիական բողոքը իրականացնելու։
«Կարծում եմ, որ այս գործողությունները կարող էինք անմիջապես հետհեղափոխական շրջանում անեինք, բայց շանս տվեցինք, որ ուղղվեն, տեսանք` չեն ուղղվում։ Եկել ենք, մեր բողոքի ձայնը բարձրացնենք և սպասենք, որ մինչև 12–ին վարչապետը հայտարարությամբ հանդես գա։
Հայաստանում տեղի է ունենում հեղափոխության հաջորդ ալիքը։ Այն մարդիկ, ովքեր ժամանակին մասնակցել են դատական իշխանության խեղմանը, այսօր դրա պաշտպանությամբ են զբաղվում, նորմալ է»,–ասաց Սանասարյանը։
Հիշեցնենք, որ ՀՀ վարչապետ Նիկոլ Փաշինյանը մայիսի 19–ին հայտարարել էր, որ վաղն առավոտյան ժամը 08.30-ից պետք է արգելափակել հանրապետության՝ առանց բացառության բոլոր դատարանների ելքերն ու մուտքերը` այնպես, որ ոչ ոք ներս չմտնի։
Հիշեցնենք նաև, որ Երևանի ընդհանուր իրավասությունների Ավան և Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ, մայիսի 18–ին որոշեց ՀՀ երկրորդ նախագահ Ռոբերտ Քոչարյանին անձնական երաշխավորությամբ ազատ արձակել։
Մայիսի 14-ին ԼՂՀ նախկին և ներկա նախագահներ Բակո Սահակյանն ու Արկադի Ղուկասյանը ՀՀ երկրորդ նախագահ Ռոբերտ Քոչարյանին կալանքից ազատելու երաշխավորագիր էին ներկայացրել դատարան։ Մինչ այդ, գործի նախաքննության փուլում, Արցախի նախագահները նույնաբովանդակ միջնորդություն էին ներկայացրել նաև ՀՀ գլխավոր դատախազին։
ПОСЛЕДНИЕ ОТ АВТОРА
-
New2025-04-23 14:15«Можно долго говорить о целесообразности продолжения процесса международного признания Геноцида армян. Можно привести множество аргументов, научных, исторических и политических доказательств. Все это можно и нужно делать», - пишет экс-депутат НС РА, соучредитель гражданской инициативы «Мост» Арман Абовян.
-
New2025-04-23 14:12В преддверии 110-ой годовщины Геноцида армян 23 апреля в 19:15 с Площади Республики стартует традиционное факельное шествие. Приняв в нем участие, вы, по сути, получите возможность сказать, что не согласны с политикой отрицания Геноцида, проводимой сейчас действующими властями Армении.
-
New2025-04-23 14:10В целях обеспечения безопасности участников факельного шествия, посвященного 110-й годовщине Геноцида армян, 23 апреля, начиная с 18:30, будет ограничен въезд транспортных средств на площадь Республики в Ереване во всех направлениях. Об этом сообщает полиция МВД.
-
New2025-04-23 14:08Думаю, в ближайшее время обсудим и примем решение относительно участия армянских спортсменов в III играх СНГ. Об этом в беседе с журналистами 23 апреля заявила министр образования, науки, культуры и спорта Армении Жанна Андреасян.