Սվիտալսկին վեթինգից հրաժարվե՞ց

Ամենուրք վեթինգի գործընթացը շատ զգայուն է, որին պետք է մոտենալ չափազանց զգուշորեն։ Այս մասին այսօր՝ մայիսի 26-ին, Եվրոպայի օրվան նվիրված միջոցառումների ամփոփման ժամանակ լրագրողներին ասաց ԵՄ դեսպան Պյոտր Սվիտալսկին։

«Ամենուրք վեթինգի գործընթացը շատ զգայուն է։ Այսինքն՝ մի երևույթ է, որին պետք է մոտենալ չափազանց զգուշորեն՝ որոշ ակնհայտ պատճառներից ելնելով, այնքան ակնհայտ, որ կարծես խոսելու կարիք չկա դրանց մասին»,- նշեց ԵՄ դեսպանը։

Նա ընդգծեց, որ իրենք ՀՀ–ում չեն մասնակցում ներքին քնարկումներին, թե ինչպես է պետք իրականցնել դատաիրավական բարեփոխումները․ «ընդամենը ասում ենք այն, ինչ մեր հայտարարությամբ է ամարգրված, մենք չենք վերլուծում տարբեր մտքեր, որոնք այս պահին շրջանառվում են հանրային դիսկուրսում, մենք պատրաստ ենք կիսվել այլ երկրների փորձով, ես կրկին հղում եմ անում ձեր արդարդարտութան նախարարին, որ խոսել էր ալբանական մոդելի մասին, և կարող ենք կիսվել մեր փորձով, որովհետև ԵՄ-ն խորապես ներգավված է Ալբանիայում իրականացվող բարեփոխումենր գործընթացում ։

ԵՄ դեսպանի խոսքով՝ բարեփոխումների նախընտրելի մոդելը պետք է Հայաստանն ինքը որոշի․ «Բայց ես վստահ եմ, որ ՀՀ-ն պետք է ինքը որոշի, որևէ մոդել չի կարող դիտվել որպես ձեր խնդիրների համադարման, որովհետև դուք տարբեր եք։ Հետևաբար երբ խոսքը վեթինգի մասին, այդ նույն վեթինգի տարբեր մոդելներ կան։

Որպես փորձագետ, իսկ ես 10 տարի Ստրասգբուգում ԵԽ-ի հետ աշխատել եմ, այսինքն՝ հնարավորությւոն եմ ունեցել ծանոթանալու այլ երկրների փորձին դատաիրավական բարեփոխումների գորխընթացում, կարող եմ ասել տարբեր մոդելներ կան, տարբեր փորձեր կան՝ դրական, թե բացասական։

Ես կարծում եմ, որ եթե նայենք ալբանական փորձին, այն դիտվում է որպես դրական։ Իհարկե բավականին բարդ ընթացակարգ է՝ և իրավական, և սահմանադրական տեսանկյունից, ժամանակատար է, ծախսատար։ Նույնիսկ Եմ–ի պաշտոնական կայքերում կարող եք կարդալ հոդվածներ ալբանական փորձի մասին և տեսնել, որ ընդհանուր պատկերը դրական է։

Հետևաբար կառավարությունը ԱԺ–ի հետ պետք է նստեն, այսինքն՝ հայերը պետք է նստեն սեղանի շուրջ և հասկանան, թե Հայաստանի համար որն է լավագույնը, ոչ ոք դրսից չի փորձի որևէ բան պարտադրել։

Փորձագետներ կլինեն, որոնք խորհուդրներ կտան, կասեն, թե ինչն է լավ աշխատել, ինչը լավ չի աշխատել, և վստահ եմ՝ կան նման մարդիկ, և պատրաստ են դա անել, Եվրախորհրդից փորձագետներ կգան, որոնք կարող են ասել ձեզ, թե որոնք են միջազգային չափանիշները այս գործընթացը համապատասխանեցնելու ձեր պարտավորություններին Եվրախորհրդի շրջանակում, ստանդարտները վենետիկյան հանձնաժովի կողմից մշակված, բայց դուք դա ինքներդ պետք է անեք»,- եզրափակեց Պյոտր Սվիտալսկին։

Նշենք, որ այսօր Հայաստանում Եվրոպական միության պատվիրակության նախաձեռնությամբ Հյուսիսային պողոտայում տեղի է ունենում Եվրոպայի օրվան նվիրված միջոցառումների ամփոփումը:

Եվրոպայի օրվա շրջանակում կազմակերպվել է տեղեկատվական ցուցահանդես, իսկ 20։00-ին՝ մեծ բացօթյա համերգ հայաստանյան և եվրոպացի արտիստների մասնակցությամբ:

Հիշեցնենք, որ այս տարի Եվրոպայի օրվան նվիրված միջոցառումներ անց են կացվել Հայաստանի 5 քաղաքներում և մայրաքաղաք Երևանում:

«Եվրոպայի օր 2019»-ի տոնական միջոցառումները կրել են «Ճանապարհ դեպի Եվրոպա» խորագիրը, տեղեկացնում է News.am-ը: