2019-06-07 14:44
Зара ГEВОРКЯН
ՎԵՐՋՆԱԳԻՐ «ՈՂՋ ԺՈՂՈՎՐԴԻ» ԱՆՈՒՆԻՑ
Հետհեղափոխական Հայաստանում հասարակական-քաղաքական խորապատկերի ամենատարբերիչ գիծը, թերևս, «ողջ ժողովրդի» վկայակոչումն է։ Այն ամենը, ինչ ասվում է, անկախ բովանդակությունից, գործողության վայրից, պատճառից, շարժառիթից, կողմնակիցների թվից և այլն, ասվում է ամբողջ ժողովրդի անունից։
Մերթ վարչապետ Փաշինյանն անձամբ ուղևորվում է Աբովյան և, մասնակցելով երթին, բնակիչներին կոչ անում հաստատել «ժողովրդի իշխանությունը» հունիսի 9-ին նախատեսված քաղաքապետի ընտրություններում, քվեարկելով իշխանության կողմից լոբբինգավորվող քաղաքապետի թեկնածու Գրիգոր Գուլյանի օգտին։ Թեև դա անմիջական ճնշում է ընտրողների վրա, և նրանք, ովքեր կորոշեն ընտրություններում աջակցել մեկ ուրիշին, պետք է ենթադրել, նույնպես ժողովրդի ներկայացուցիչներ են և սեփական երկրի քաղաքացիներ։ Մերթ կառավարության ղեկավարի անունից կոչեր են հնչում արգելափակել դատարանները, որպեսզի հաստատվի ժողովրդի իշխանությունը դատական համակարգում, դարձյալ «ողջ ժողովրդի» անունից։ Ընդ որում, թե ինչ է նշանակում «ժողովրդի իշխանություն» հասկացությունը տվյալ համատեքստում, ոչ ոք չգիտի, քանզի դա ինքնին անհեթեթ է։ Մերթ ինչ-որ ակտիվիստներ, որոնք ներկայանում են իբրև հեղափոխության գործի շարունակողներ, հանդես են գալիս որպես ժողովրդական տրիբուններ, չհայհոյելով թերևս միայն ներկայիս իշխանություններին, «Քաղաքացիական պայմանագրին», «Իմ քայլին», այսինքն՝ բոլոր նրանց, ում վարչապետն անվանում է «ժողովրդի իշխանություն»։
Եթե Ռոբերտ Քոչարյանին կալանքից ազատելու դեմ մայիսի 25-ին Թատերական հրապարակում կազմակերպված միտինգը հավաքեց չափազանց սակավաթիվ «ողջ ժողովուրդ», ապա հունիսի 4-ին նույն վայրում դրա շարունակությունը դարձավ պարզապես «երեքը նավակում, չհաշված շանը»։ Այնուհետ ամեն ինչ ընթացավ դարձյալ ըստ Ջ.Ջերոմի. «Նրանք սկսեցին զվարթ, ըստ երևույթին՝ մտադրվելով ցույց տալ, թե ինչպես է պետք հավաքել իրերը…»։
«Հավաքել իրերն» ու հեռանալ երկրից ժողովրդի անունից հրամայվեց բոլորին. դատավորներից մինչև Հանրային խորհուրդ՝ իր նախագահ Վազգեն Մանուկյանի գլխավորությամբ, որն ավելի վաղ հանդես էր եկել դատարանների արգելափակման վարչապետի ակցիայի դատապարտումով, մինչև «ադեկվադներ» և այլն։ Մյուս պահանջը՝ անսիջապես ձերբակալել Ռոբերտ Քոչարյանին, ցմահ բանտարկության անհապաղ դատավճռով։ Ամեն ինչի համար տալով 14 օր ժամանակ։
Ինչպես հայտարարեց ակտիվիստ Ջիվան Աբրահամյանը, հենց նա, որը սպառնում էր Արցախի նախագահ Բակո Սահակյանի «գլուխը քարով ցխել» և որին բռնեցին ու արագ բաց թողեցին (ինչը, ակնհայտորեն, ոգևորեց նրան նորանոր «սխրանքների»), եթե 14 օրվա ընթացքում չկատարվի դատավորների և ամբողջությամբ ու անհատապես ողջ Հանրային խորհրդի հրաժարականի պահանջը, ապա «ողջ ժողովուրդը», լինելով երկրում իրական իշխանություն, կաթվածահար կանի դատարանների աշխատանքը և ընդհանրապես ցույց կտա, թե ինչն ինչոց է։ Ասել է թե՝ եթե չհասցնեն տրված ժամկետում, մեղքն իրենց վիզը։ Իսկ եթե 14 օրվա ընթացքում տեղի ունենա ինչ-որ ֆորս-մաժոր, ապա ակտիվիստները խոստանում են արագացնել իրենց գործողությունները։ Հանրային խորհրդի վերաբերյալ, մասնավորապես ասվեց, որ եթե դա (ՀԽ-ը) չի ընդունում դատարանների արգելափակման ակցիան, ուրեմն չի ընդունում ժողովրդի կամքը։
Ընդ որում, անդրադառնալով հավաքվածների սակավաթվության թեմային, արվեց ուշագրավ հայտարարություն. իբր՝ ներկայիս միտինգը նախորդներից տարբերվում է նրանով, որ հրապարակում կանգնած է ժողովուրդը, որն իսկապես «պայքարել է հեղափոխության համար»։ Ուրեմն երկու տասնյակ մա՞րդ է պայքարել, ինչ է։
Փոխվարչապետ Տիգրան Ավինյանի համար, որը մայիսի 25-ի միտինգի նկատմամբ իր վերաբերմունքն արտահայտել էր «ղալաթ են անում» բառերով,ակտիվիստները պահանջ հնչեցրին այսուհետ չօգտագործել օտար բառեր և երկրի քաղաքացիների հետ խոսել պետական լեզվով, որպիսին հայերենն է։ Իրենք՝ հռետորները ելույթ էին ունենում հայկական ժարգոնի ու ռուսերենի հրեշավոր խառնուրդով…
Հեղափոխական իշխանությունների ջանքերով հասարակությանը բաժանեցին «սևերի» ու «սպիտակների», այդ կերպ «ժողովուրդ» հասկացությունից բացառելով յուրաքանչյուրին, ով հանդգնում է քննադատել իշխանությանը կամ ունենալ այլընտրանքային տեսակետ։ Այժմ տարաձայնություններ և տատանումներ են սկսվել հենց «սպիտակների՞» միջավայրում։ Հնարավոր է։ Մյուս կողմից, մոտիկից զննելիս տպավորություն է ստեղծվում, որ դա բավական լավ բեմադրված ներկայացում է։ Այլապես ինչո՞վ բացատրել իրավապահ մարմինների քնկոտ բարեհոգությունը՝ ի պատասխան վերոնշյալ միտինգի ընթացքում հնչած վերջնագրերի, դատարանները կաթվածահար անելու խոստումների, Հանրային խորհրդի նախագահ Վազգեն Մանուկյանի հասցեին սպառնալիքների և Բակո Սահակյանի նկատմամբ ֆիզիկական հաշվեհարդարի մասին հոխորտանքների։ Իշխանությունը չքմեղանում է, իբր՝ դրանք մեր կերպարները չեն, բայց չէ՞ որ դժվար է վիճարկել այն փաստը, որ «կրակից շագանակներ հանողների» դերում նրանք միանգամայն ձեռնտու են իշխանությանը և առաջին հերթին իրեն՝ Փաշինյանին։
Եվ ո՞ւր են անհետացել, մի հարցնող լինի, մեր իրավապաշտպանները։ Ոչ ոք տվյալ դեպքում չհայտարարեց նման ագրեսիվ հռետորաբանության և սպառնալից հայտարարությունների անթույլատրելիության մասին։ Փոխարենը՝ ամբողջ 66 ՀԿ-ներ անմիջապես իրենց կոլեկտիվ վրդովմունքն արտահայտեցին Հայաստանում Սորոսի հիմնադրամի գործունեության դեմ բողոքի ակցիայի կապակցությամբ, կոչ անելով իրավապահ մարմիններին միջամտել։ Եվ դա այն դեպքում, երբ օրենքի պահապաններն առանց այդ էլ անխորտակելի պատվարի պես շարվել էին «Բաց հասարակություն-Հայաստան» հիմնադրամի շենքի մուտքի առջև, զրկելով ցուցարարներին ներս մտնելու հնարավորությունից։ Չէ՞ որ վերջիններս «ողջ ժողովուրդ» չեն…
ПОСЛЕДНИЕ ОТ АВТОРА
-
2025-06-03 09:13«Ни одно из обвинений против Рубена Варданяна в азербайджанском суде не имеет оснований – ни одно!», - говорит в интервью «ГА» известный публицист, писатель Ваан ЗАНОЯН. «Судьба наша предначертана Богом, а дороги выбираем всегда мы…» - пожалуй, именно эту фразу из голосового послания Рубена Варданяна из бакинской тюрьмы можно было бы поставить в качестве эпиграфа к встрече-обсуждению «Диалог с Рубеном», прошедшей 31 мая во дворе дома на Баграмяна, 6, в Ереване – встрече, инициированной друзьями Рубена Варданяна и приуроченной ко дню его рождения. Мы поговорили с одним из друзей Рубена Варданяна – известным армянским публицистом, писателем из Спюрка Вааном Занояном.
-
2025-05-31 11:27«Турецкие кураторы поставили перед Пашиняном задачу минимизировать роль Армянской Апостольской Церкви в обществе и сменить нынешних иерархов», - говорит в интервью «ГА» иподиакон Армянской Апостольской Церкви Вартан ПОГОСЯН.
-
2025-05-30 13:13Ранним утром, наткнувшись на пост премьера Пашиняна в Фейсбуке: «Святой отец, иди и продолжай иметь свою тетю, какое тебе дело до меня?», подумалось, что до какой бы степени низости ни пал руководитель страны, это чересчур, и скорее всего страницу Пашиняна в соцсети взломали. Но нет, никаких опровержений не последовало, более того, через короткое время последовал следующий пост не менее подзаборного содержания. Общество в очередной раз впало в шок, все обсуждают премьерские статусы – в центре общественного внимания вновь оказался этот субъект, представляющий Республику Армения – страну с древнейшей историей и культурой, который сегодня занят уже не просто обливанием грязью Армянской Апостольской Церкви, а банально публичным оскорблением духовных пастырей матом.
-
2025-05-29 09:45В Бишкеке состоялось очередное заседание Совета министров обороны ОДКБ 2025 года. Армянское руководство в очередной раз проигнорировало мероприятие – это уже действительно выглядит крайне нелепо, особенно если учесть, что на вышеупомянутом заседании обсуждались и были утверждены документы, касающиеся планирования военного сотрудничества государств – членов ОДКБ на 2026-2030 годы, совершенствования вопросов управления войсками ОДКБ, и т.д. Напомню: будучи в Ереване неделю назад, глава МИД РФ Сергей Лавров заявил, что Россия заинтересована в активном участии Армении в ОДКБ, на что глава МИД РА Арарат Мирзоян ответил, что в Армении есть опасения, что механизмы отношений между Москвой и Ереваном не всегда работали в полной мере, и Ереван не удовлетворен работой ОДКБ.