2019-06-12 10:41
Информагентства
Իվան Գոլունովը ազատ է արձակվել
Ռուսաստանցի հետաքննող լրագրող Իվան Գոլունովի նկատմամբ հարուցված և հանրային բազմաթիվ բողոքների առիթ դարձած քրեական գործը կարճվել է՝ ամբաստանյալի մեղավորության ապացույցների բացակայության հիմքով:
Նրա նկատմամբ սահմանված խափանման միջոցը՝ տնային կալանքը չեղարկվում է:
Ռուսաստանի ներքին գործերի նախարար Վլադիմիր Կոլոկոլցևն ասել է, որ Մոկսվայի արևմտյան տարածքի ներքին գործերի վարչության պետ, ոստիկանության գեներալ-մայոր Անդրեյ Պուչկովին և թմրանյութերի շրջանառության վերահսկողության վարչության պետ, գեներալ-մայոր Յուրի Դևյատկինին պաշտոնանկ անելու միջնորդություններ կներկայացնի նախագահ Վլադիմիր Պուտինին:
Գոլունովին ձերբակալել են հունիսի 6-ին Ցվետնոյ Բուլվարում: Ոստիկանները պնդում են, թե լրագրողի մոտ հայտնաբերել են 4 գրամ մետիլէֆեդրոն տեսակի նյութ, ապա զննել են բնակարանը, որտեղ իբր գտել են նաև 5 գրամ կոկաին:
Իրավապաշտպանների համոզմամբ, ոստիկանները հին սովետական մեթոդով թմրանյութը պարզապես գցել են լրագրողի գրպանը և նույն ձևով էլ այն «հայտնաբերել» բնակարանում:
Ընդ որում, ըստ փաստաբանների, առգրավված իրերի վրա Գոլունովի մատնահետքերը չեն եղել:
Գոլունովին բացահայտ կեղծ մեղադրանքով ձերբակալելու և բաժանմունքում նրա նկատմամբ բռնություն կիրառելու հանգամանքը հունից հանել է նրա գործընկերներից շատերին:
Ոստիկանների ցինիզմի և լկտիության մասին են խոսել ոչ միայն ընդդիմադիր կայքերի մեկնաբանները, այլև Կրեմլի պարտադրած խաղի կանոններին, որպես կանոն, հլու-հնազանդ ենթարկվող լրագրողներից մի քանիսը:
Բողոքներին են միացել նաև անվանի մտավորականներ և շոու բիզնեսի աստղեր:
Մոսկվայի լրագրողական շրջանակներում համոզված են, որ կոռուպցիայի թեմայով բազմաթիվ վերլուծություններ պատրաստած լրագրողին հետապնդում են մասնագիտական գործունեության համար:
Ռուսաստանի ՆԳՆ-ում ներքին վարույթ է հարուցվել Գոլունովի ձերբակալության հանգամանքները հետաքննելու համար:
Վարույթի արդյունքները կուղարկվեն ՌԴ քննչական կոմիտե: Բուն ձերբակալությունն իրականացրած ոստիկանների լիազորությունները դադարեցվել են:
«Ես համզված եմ, որ Գոլունովի գործը կարճելու որոշումը քաղաքացիական հասարակության հաղթանակն է և լրագրողական համայնի մեծ նվաճում», - ասել է «Մոսկովսկի կոմսոմոլեց» պարբերականի գլխավոր խմբագիր, ՌԴ նախագահին կից մարդու իրավունքների խորհրդի մամուլի հարցերով հանձնաժողովի ղեկավար Պավել Գուսևը, տեղեկացնում է azatutyun.am-ը:
ПОСЛЕДНИЕ ОТ АВТОРА
-
New2025-02-22 09:26Затраты на лечение травм, полученных в результате падения, будут возмещены в рамках госзаказа. Об этом в соцсетях написала министр здравоохранения Армении Анаит Аванесян.
-
New2025-02-22 09:21Член Комитета «Ай Дата» Иерусалима Сероб Саакян в беседе с Alpha News коснулся вопроса армянских земельных владений в Иерусалиме.
-
New2025-02-22 09:18Эдгару Казаряну предъявили обвинение по статье, которая предусматривает лишение свободы до 5 лет.
-
New2025-02-22 09:15Процессы в Украине протекают в той же логике, что и в Армении, разве, что там война ведется немного по-другому, но логика политики та же. Об этом в беседе с корреспондентом Новости Армении–NEWS.am заявил координатор национального гражданского объединения «Айакве» Аветик Чалабян.