2019-06-12 19:57
Информагентства
Ռոհանի․ Ճնշման պոտենցիալը սպառվել է
Իրանի նախագահ Հասան Ռոհանին հայտարարել է, որ Իրանի վրա ԱՄՆ-ի ճնշման պոտենցիալը սպառվել է, երկրում իրավիճակն անցած տարվա համեմատ բարելավել է, հաղորդում է ՌԻԱ Նովոստի-ն:
«Ճնշման պոտենցիալը սպառվել է: ԱՄՆ-ը վերջնակետին է հասցրել Իրանի վրա ճնշումները, և այս պահից այդ սպառնալիքն ու ճնշումը կորցրել են իրենց ուժը: Այժմ Իրանի ժողովուրդը զգալիորեն հանգիստ է»,- ասել է Ռոհանին:
Նրա խոսքով՝ Իրանի վրա ԱՄՆ-ի ճնշումն աննախադեպ է և նույնիսկ ՄԱԿ-ի ԱԽ-ի կողմից նախկին պատժամիջոցները չեն համեմատվի Վաշինգտոնի գործողությունների հետ: Սակայն Ռոհանին նշել է, որ չնայած դրան՝ Իրանում առավել լավ իրավիճակ է, և, այդուհանդերձ, մնում են որոշ խնդիրներ:
Անցած ամիս ԱՄՆ-Իրան հարաբերությունները սրվել են: ԱՄՆ իշխանությունները կոշտ պատժամիջոցներ են սահմանել Իրանի տնտեսության առանցքային ոլորտների դեմ և շարունակում են ճնշումները: Վաշինգտոնի նպատակն Իսլամական Հանրապետության «պահվածքի փոփոխությունն է»: ԱՄՆ-ը նաև Իսլմական հեղափոխության պահապանների կորպուսն ահաբեկչական կազմակերպություն է ճանաչել: Ի պատասխան դրան՝ Իրանն ԱՄՆ Կենտրոնական հրամանատարությունն ահաբեկչական կազմակերպություն է ճանաչել, իսկ ԱՄՆ-ը՝ «ահաբեկչության հովանավոր պետություն»:
Դրանից հետո ԱՄՆ նախագահի ազգային անվտանգության հարցերով խորհրդական Ջոն Բոլթոնը հայտնել է, որ ԱՄՆ-ն Իրանի ափերի մոտ «Աբրահամ Լինքոլն» ավիակիր և ռմբակոծիչներ է ուղարկել: Նրա խոսքով՝ այդպիսով Վաշինգտոնն իրանական ռեժիմին «հստակ և անսխալ ազդանշան է ուղարկում»:
Միևնույն ժամանակ, ԱՄՆ նախագահ Դոնալդ Թրամփը հայտարարել է, որ հույս ունի խուսափել Իրանի հետ պատերազմից, իսկ Իրանի հոգևոր առաջնորդ Ալի Համենեին ասել է, որ Իրանը մտադիր չէ պատերազմ սկսել ԱՄՆ-ի դեմ, սակայն կշարունակի Վաշինգտոնի դեմ պայքարը:
ПОСЛЕДНИЕ ОТ АВТОРА
-
New2025-06-04 19:37Евросоюз внес в санкционный список азербайджанский танкер «Zangazur», который, по информации европейских чиновников, относится к «теневому флоту» России.
-
New2025-06-04 19:35С июля посольство Германии в Ереване будет принимать заявки на шенгенскую визу не напрямую, а через систему TLScontact. Об этом сообщила пресс-служба диппредставительства.
-
New2025-06-04 19:34Армения и Азербайджан договорились о совместных поисках без вести пропавших. Об этом директор Службы национальной безопасности Армении Армен Абазян заявил журналистам.
-
New2025-06-04 19:32Украина несет огромные потери и отступает по всей линии фронта, поэтому пытается запугать Россию терактами, заявил президент Владимир Путин.