Փաշինյանի տրամաբանությունը. Օրենքով երաշխավորելը նշանակում է ազդեցություն դատարանի վրա
ՀՀ վարչապետ Նիկոլ Փաշինյանը «Շանթ» հեռուստաընկերությանը տված հարցազրույցում պատասխանել է հարցին, թե որքան են իրականությանը համապատասխանում այն տեղեկությունները, որ Հայաստանի և Ղարաբաղի իշխանությունների միջև տարաձայնություններ են առաջացել Արցախի նախագահ Բակո Սահակյանի կողմից Հայաստանի երկրորդ նախագահ Ռոբերտ Քոչարյանի օգտին դատարան երաշխավորագիր ներկայացնելուց հետո:
Հիշացնենք, որ մայիսի 18-ին դատարանը փոխեց Ռոբերտ Քոչարյանի խափանման միջոցն` ազատելով կալանքից։ Քոչարյանի համար երաշխավորություն էին ներկայացրել Արցախի Հանրապետության ներկա և նախկին նախագահներ Բակո Սահակյանն ու Արկադի Ղուկասյանը։ Հայաստանի նախկին նախագահ Ռոբերտ Քոչարյանը մեղադրվում է ՀՀ քրեական օրենսգրքի 300.1-րդ հոդվածի 1-ին մասով և 311-րդ հոդվածի 4-րդ մասի 2-րդ կետով` ՀՀ սահմանադրական կարգը տապալելու և առանձնապես խոշոր չափերով կաշառք ստանալու մեջ։
«Ի ՞նչ հակասությունների մասին է խոսքը: Մենք հրապարակային կերպով խոսել ենք դրա մասին: Կարող են հարցեն լինեն, որոնց շուրջ մենք կունենանք տարբեր կարծիքներ: Այդ թվում՝ ձեր կողմից նշված հարցի շուրջ: Ես նշել եմ արդեն, որ մարդկային առումով դա կարող է ընդունելի լինել, սակայն քաղաքակայն առումով պետք է ճիշտ գնահատական տալ: Սակայն որքանով է դա ճիշտ, որպեսզի գործող նախագահը ազդեցություն գործադրի դատարանի վրա», - հարցրեց Փաշինյանը:
Ըստ նրա, դատական գործընթացում ամենաբարձր կարգավիճակը պետք է ունենա դատավորը:
«Իսկ տվյալ դեպքում նիստերի դահլիճում գտնվում էր ավելի բարձր կարգավիճակով մարդ, ով միջնորդում էր որոշակի լուծման համար: Որքանո ՞ վ է նման դեպքում տեղին խոսել օբյեկտիվ դատավարության մասին», - ասաց Փաշինյանը:
Վերջին շրջանում հայկական ԶԼՄ-ները ակտիվորեն հայտարարում են Հայաստանի և Արցախի իշխանությունների միջև առկա տարաձայնությունների մասին: Ավելին, նշվում էր, որ իբր վարչապետ Նիկոլ Փաշինյանն Արցածի նածագահ Բակո Սահակյանից պահանջել է գործից ազատել Արցախի անվտանգության խորհրդի քարտուղար Վիտալի Բալասանյանին, հակառակ դեպքում սպառնացել է դադարեցնել ֆինանսական աջակցությունը երկրին: Ավելի ուշ այս տեղեկությունը պաշտոնապես հերքել է ՀՀ ֆինանսների նախարարությունը՝ նշելով, որ բոլոր միջոցները փոխանցվում են ճիշտ ժամանակին:
Փաշինյանը խոսացել է նաև բանակցային գործընթացի մասին, հիշացնելով, որ արցախյան կողմին է փոխանցել բանակցային այն փաթեթը, որը ստացել է որպես ժառանգություն: Նա նշել է նաև, որ բոլոր բանակցությունները պետք է իրականացվեն բաց ձևով, քանի որ դա համազգային հարց է և հնարավորինս շատ մարդ ու հնարավորինս շատ բան պետք է իմանա այդ բանակցությունների մասին:
«Շարունակում եմ պնդել, որ ի վերջո ղարաբաղյան հարցը պետք է լուծի ժողովուրդը: Պարզապես միամիտ է մտածել, որ կարելի է կարգավորման այնպիսի տարբերակ ընդունել, որը անընդունելի կլինի ժողովուրդի համար», - ասաց Փաշինյանը:
Ինչ վերաբերում է Արցախի բանակցային սեղանի վերադարձին, ապա Փաշինյանը կրկին նշել է, որ Արցախի ժողովուրդը իրեն չի ընտրել, ուստի նա չի կարող ներկայացնել Արցախն այդ բանակցություններում, իսկ Ղարաբաղի ադրբեջանական համայնքը մասնակցել է Ադրբեջանի նախագահական ընտրություներում, տեղեկացնում է newsarmenia.am-ը:
ПОСЛЕДНИЕ ОТ АВТОРА
-
2025-06-14 15:51
Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48
Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47
Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44
Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.