2019-06-20 13:57
Информагентства
Առողջապահական ոլորտում ավելի շատ արդարություն կա
Առողջապահության ոլորտում գումարները սկսել են ավելի արդար բաշխվել։ Այսօր ԱԺ–ում 2018 թվականի պետբյուջեի կատարողականի քննարկման ժամանակ այս մասին ասաց ՀՀ առողջապահության նախարար Արսեն Թորոսյանը։
Անցած տարվա ծախսերը կազմել են 79,6 մլրդ դրամ կամ ծրագրածի 95,6%–ը։
«Իշխանափոխությունից առաջ հանրապետությունում մի շարք բուժկենտրոններ գումար էին ստանում կեղծ ծառայությունների համար, որոնք թղթի վրա էին մնում։ Այժմ այդ «դրամական ալիքները» փակվել են», – ասաց նախարարը։
Թորոսյանի խոսքով` հակատուբերկուլյոզային դիսպանսերը վերածվել է հասարակ հանգստյան տան, որն աշխատում է բացառապես շահույթի վրա։ «Սուրբ Գրիգոր Լուսավորիչ» պետական բուժկենտրոնը 4 մլրդ դրամի ծառայություն է մատուցել, իսկ բյուջեից ստացել 5 մլրդ։
Հավելյալ մեկ միլիարդ դրամը, ինչպես նաև տնտեսած մյուս գումարներն ուղղվել են մարզերի հիվանդանոցների աջակցմանը, որոնց համար նախարարությունը լրացուցիչ դեղամիջոցներ է ձեռք բերել։
Կոռուպցիոն սխեմաները վերացնելու արդյունքում հաջողվել է բարձրացնել նաև պոլիկլինիկաների շուրջ 10 հազար բժիշկների աշխատավարձը։ 2018 թվականի օգոստոսից նրանք սկսել են 15-20%–ով շատ գումար ստանալ։
Գումարները, ինչպես նշեց նախարարը, այլևս անհայտ ուղղությամբ չեն գնում և ավելի հավասարաչափ են բաշխվում։ Ամեն տարի գումարների մնացորդը պետական հիվանդանոցներից պետբյուջե է վերադարձվում։ Սակայն մայրաքաղաքի հիվանդանոցներին ավելի շատ դոտացիա էր մնում, քան մարզերի բուժհաստատություններին։
«Ստացվում է` երևանյան հիվանդանոցները որոշակի առումով «խլում» էին մարզերի գումարները։ Այդ պատճառով այժմ մենք որոշեցինք ավելի շատ գումար թողնել մարզերում։ Այդպես ավելի արդար կլինի», – ընդգծեց նախարարը։
Ընդհանուր առմամբ 2019 թվականին առողջապահության ընդհանուր բյուջեն ավելացել է 9 մլրդ դրամով, իսկ 2020 թվականին կբարձրանա ևս 16 միլիարդով` գերազանցելով 100 մլրդ դրամը և կազմելով շուրջ 108 մլրդ, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-06-06 05:31Правительство Армении не приняло основные предложения карабахцев по жилищной программе, сообщает Совет по защите прав арцахцев.
-
New2025-06-06 05:27Верховный лидер Ирана Аятолла Сейед Али Хаменеи заявил, что мусульманские страны должны прекратить всякую помощь Израилю и помешать ему «совершать дальнейшие жестокие действия против палестинцев в секторе Газа», сообщает Mehr.
-
New2025-06-06 05:23Президент США Дональд Трамп и богатейший человек в мире, предприниматель Илон Маск начали критиковать друг друга из-за неоднозначного налогового проекта американского лидера.
-
New2025-06-06 05:20Мои полномочия на посту исполнительного директора Всеармянского фонда «Айастан» завершились в связи с переходом на дипломатическую службу. Об этом написал на своей странице в Facebook Айкак Аршамян.