Նիկոլ Փաշինյանի ֆեյք նամակը ՆԱՏՕ–ի գլխավոր քարտուղարին
Համացանցում մի նամակ է տարածվում, որն իբր գրել է ՀՀ վարաչպետ Նիկոլ Փաշինյանը ՆԱՏՕ–ի գլխավոր քարտուղար Յենս Ստոլտենբերգին։ Նամակում ՀՀ վարչապետը իբր պատրաստակամություն է հայտնում ավելի սերտ կապեր հաստատել դաշինքի հետ` միևնույն ժամանակ ընդգծելով, որ դրա համար խոչընդոտ է հանդիսանում ղարաբաղյան հակամարտությունը։
Կառավարության ղեկավարն իբր խոստանում է մեկ տարվա ընթացքում «հայկական զորքերը դուրս բերել Արցախից»։
Մասնավորապես նամակում գրված է. «Հայաստանի և ՆԱՏՕ–ի մերձեցման ճանապարհին հիմնական խոչընդոտը Ադրբեջանի հետ վիճահարույց տարածքներում հայկական զորքերի ներկայությունն է։ Այդ խոչընդոտը կվերացվի մեկ տարվա ընթացքում։ Հակամարտության գոտուց ՀՀ ԶՈւ–ն դուրս բերելու և տարածքների վերահսկողությունն ադրբեջանական կողմին հանձնելու վերաբերյալ մշակված ծրագրի շրջանակում կառաջարկվի համաժողովրդական հանրաքվեի դնել Երևանի կողմից Արցախին հետագայում աջակցելու նպատակահարմարության հարցը»։
Նամակին անդրադարձել է եեղեկատվական անվտանգության ոլորտի փորձագետ Սամվել Մարտիրոսյանը։ Նրան դեռ չի հաջողվել պարզել, թե ով է այդ կեղծ նամակի հեղինակը, միայն կասկած կա, որ նրանք, ամենայն հավանականությամբ, Հայաստանի սահմաններից դուրս են գտնվում։
Մենք խնդրեցինք ԱԱԾ–ին մեկնաբանել իրավիճակը։ Գերատեսչության մամուլի քարտուղար Սամսոն Գալստյանը նշեց, որ նամակի մասին տեղյակ են, բայց որևէ մեկնաբանություն չունեն։
Այն մասին, որ նամակն ակնհայտ ֆեյք է, Sputnik Արմենիայի թղթակցին հայտնեցին նաև երկրի ԱԳՆ–ում։ Սակայն այստեղ էլ զերծ մնացին մեկնաբանություններից։
Մեզ հետ զրույցում Մարտիրոսյանն ընդգծեց, որ տեխնիկական տեսանկյունից այս ֆեյքը բավական գրագետ է կազմված` գրեթե անթերի։ Եվ այդ հանգամանքը գրեթե բացառում է այն հնարավորությունը, որ ֆեյքի աղբյուրները երկրի ներսում են գտնվում։
«Արտաքին հետք է նկատվում։ Մի քանի տարբերակ կա, սակայն հիմա ես դրանք չեմ նշի, քանի որ ապացույցներ չունեմ։ Սակայն ակնհայտ է, որ նամակը Հայաստանում չի գրվել։ Այստեղ Փաշինյանի նույնիսկ ամենաոխերիմ թշնամիները ֆորումներում նշում են, որ նամակը ֆեյք է», – ասաց Մարտիրոսյանը։
Նշենք, որ անկախ տեխնիկական գրագիտությունից, «ուղերձի» բուն տեքստը, որն ագլերեն է գրված, անթերի չէ։
Նամակը` ոմն Արթուր Գրիգորյանի մեկնաբանությամբ, հրապարակվել է Gosnews.ru կայքում հուլիսի 1-ին «Հեղափոխությունը Հայաստանում անխուսափելի է» վերնագրով։
Մենք կհետևենք Հայաստանի իրավասու կառույցների արձագանքին։ Այս պահին դեռ չի հաջողվել կապ հաստատել Փաշինյանի մամուլի քարտուղարի հետ։
ПОСЛЕДНИЕ ОТ АВТОРА
-
2024-04-19 19:27
Причина нынешней хрупкости безопасности и угрожающей риторики связана с дисбалансом сил в регионе. Мы твердо убеждены, что в регионе Южного Кавказа должен быть установлен баланс сил. Об этом во время международного экспертного форума «Воротан» 19 апреля заявил Чрезвычайный и полномочный посол Ирана в Армении Мехди Собхани.
-
2024-04-19 19:13
Опубликованный азербайджанскими СМИ документ касательно трехсторонней встречи Армения-ЕС-США в Брюсселе 5 апреля не имеет ничего общего с реальностью, заявил спикер Службы внешних связей и политики безопасности ЕС Питер Стано.
-
2024-04-19 19:10
Начавшийся несколько дней назад процесс вывода российских миротворческих войск с оккупированной Азербайджаном территории Арцаха вызывает тревогу 150 000 арцахцев, которые несколько месяцев назад под реальной угрозой геноцида были вынуждены покинуть свою Родину. Об этом говорится в заявлении, распространенном тремя фракциями парламента Арцаха.
-
2024-04-19 19:10
Главы МИД стран G7 на встрече в Италии выступили с заявлением в адрес Армении и Азербайджана с призывом сохранять полную приверженность мирному процессу.