2019-07-10 16:19
Информагентства
0
Ռուսաստանը մտադիր է վերականգնել Վրաստանի հետ ավիահաղորդակցությունը
Ռուսաստանի և Վրաստանի միջև ավիահաղորդակցությունը կարող է վերականգնվել, գրում է «Կոմերսանտ»-ը՝ վկայակոչելով Ռուսաստանի Դաշնության արտգործնախարարությունում աղբյուրի:
Աղբյուրի հաղորդմամբ՝ Մոսկվային բավարարել է վրացական «Ռուսթավի 2» հեռուստաալիքի հաղորդավար Գեորգի Գաբունիայի՝ Ռուսաստանի նախագահ Վլադիմիր Պուտինի հասցեին հնչեցրած անպարկեշտ արտահայտությունների վերաբերյալ պաշտոնական Թբիլիսիի արձագանքը:
ՌԴ ԱԳՆ-ում նշել են, որ եթե «ռուսատյացությունը Վրաստանում դադարի, իսկ երկրի իշխանությունները հետևողական լինեն», ապա չի բացառվում երկու երկրների միջև ավիահաղորդակցության վերականգնումը:
Բացի այդ, ռուսական կողմը պատրաստ է սկսել Վրաստանի քաղաքացիների համար վիզային ռեժիմի չեղարկման թեմայի շուրջ քննարկումները: Գերատեսչությունում նշել են, որ նախքան Թբիլիսիում հակառուսական ցույցերը՝ Վրաստանում վիզային ռեժիմի չեղարկման վերաբերյալ հրամանագիրը մշակվել էր և մնում էր միայն ստորագրել:
Ավելի վաղ Պուտինը, մեկնաբանելով Վրաստանի նկատմամբ տնտեսական սահմանափակումներ մտցնելու հնարավորությունը, հայտարարել էր. «Ես դա չէի անի՝ հենց վրաց ժողովրդի հանդեպ հարգանքից ելնելով»:
Վրաստանի ԱԳ նախարար Դավիթ Զալկալիանին ողջունել է Պուտինի հայտարարությունը։ «Ռուսաստանի նախագահի որոշումը միակն է և ճիշտը։ Այդ որոշումը կարելի է միայն ողջունել», - հայտարարել է նախարարը:
Հիշեցնենք, որ Թբիլիսիում հակառուսական բողոքի ակցիաների ֆոնին Ռուսաստանի Դաշնության նախագահ Վլադիմիր Պուտինը հրամանագիր էր ստորագրել, որը ռուսական ավիաընկերություններին արգելում է հուլիսի 8-ից սկսած ՌԴ քաղաքացիներին փոխադրել Վրաստանի տարածք: Նշվում է, որ հրամանագիրն ստորագրվել է Ռուսաստանի և նրա քաղաքացիների անվտանգության պահպանման նկատառումներով և գործելու է ժամանակավոր:
Սույն հրամանագրով տուրօպերատորներին խորհուրդ է տրվում արգելքի գործողության ժամանակահատվածում ուղեգրեր չվաճառել դեպի Վրաստան։ Այն նաև կառավարությանը կարգադրում է Վրաստանում գտնվող ՌԴ քաղաքացիներն օգնել, որպեսզի վերադառնան Ռուսաստան։
Ինչպես ավելի վաղ հայտնել էր tert.am-ը, կիրակի երեկոյան «Ռուսթավի 2» հեռուստաալիքի հեռուստահաղորդավար Գեորգի Գաբունիան իր «P.S.» հեղինակային ծրագիրը սկսել է ՌԴ նախագահի հասցեին հայհոյանքներ տեղալով: Մեծ թվով օգտատերեր քննադատել են Գաբունիային և մտավախություն հայտնել, որ վրաց-ռուսական հարաբերությունները կարող են է՛լ ավելի սրվել: Հեռուստաընկերության գլխավոր տնօրեն Նիկա Գվարամիան հայտարարել է, որ անթույլատրելի է համարում հայհոյանքը եթերում, թեև կիսում է հեռուստահաղորդավարի կարծիքը:
Վրաստանում մի քանի հարյուր մարդ եթերից հետո հավաքվել է «Ռուսթավի 2» հեռուստաընկերության շենքի մոտ՝ պահանջելով ազատել աշխատանքից հեռուստահաղորդավար Գեորգի Գաբունիային, որն ուղիղ եթերում հայհոյել ու վատ է արտահայտվել Ռուսաստանի Դաշնության նախագահի հասցեին: Այս առնչությամբ քննադատությամբ են հանդես եկել և՛ Վրաստանի նախագահ Սալոմե Զուրաբիշվիլին, և՛ երկրի ԱԳՆ-ն՝ քննադատելով հաղորդավարի ելույթը և այն սադրանք որակելով:
ПОСЛЕДНИЕ ОТ АВТОРА
-
New2024-04-19 06:45Церковь Воскепара – действующая церковь, поэтому там всегда проводятся литургии и службы. Об этом заявил в беседе с корреспондентом Новости Армении – NEWS.am предстоятель Ширакской епархии Армянской Апостольской Церкви, архиепископ Микаел Аджапахян, касаясь заявления премьер-министра Армении Никола Пашиняна о том, что несколько священников вдруг вспомнили, что в Воскепаре есть церковь, где проводят шоу-службу.
-
New2024-04-19 06:38Пока в руках Азербайджана оружие, ни о какой торговле с ним не может быть и речи. Об этом Sputnik Армения заявил доцент кафедры экономической теории Армянского государственного экономического университета Атом МАРКАРЯН, комментируя заявление премьер-министра Никола Пашиняна, сделанное им 17 апреля в Тавуше.
-
2024-04-18 20:23Церковь Сурб Ованнес Мкртич (Св. Иоанна Крестителя) в Шуши полностью разрушена. Об этом свидетельствуют снимки со спутника, опубликованные в сети Karabakh Records, передает Sputnik Армения.
-
2024-04-18 18:48Россия говорит полуправду, потому что тяжелая российская государственная машина не принимает исторические, геополитические решения на основе лишь одного заявления. Об этом в беседе с корреспондентом NEWS.am заявил член группы «Альтернативные проекты» Ваге Ованнисян.
