2019-07-15 15:34
Информагентства
0
Սևանի ճանապարհը բաց է, բայց պայմանով
Սևանի ափին գտնվող օբյեկտների տերերը, որոնք փակել էին Երևան–Սևան մայրուղին, բացեցին ճանապարհը` պայման դնելով իշխանության առաջ. մինչև հուլիսի 17–ը պաշտոնական դիրքորոշում հայտնել լճի ջրի որակի մասին։ Այս մասին հայտնում է Sputnik Արմենիայի թղթակիցը։
Սևանի ափին գտնվող օբյեկտների տերերն այսօր առավոտից բողոքի ակցիա էին անցկացնում։ Հավաքվածները դժգոհում էին իշխանության` Սևանում լողալուց խուսափելու կոչերից։ Ավելի վաղ լճի ջրի վտանգի մասին զգուշացրել էր ՀՀ առողջապահության նախարար Արսեն Թորոսյանը՝ նշելով, որ կապտականաչավուն ջրիմուռների ծաղկելու պատճառով ջուրը թունավոր է և սպառնում է մարդկանց առողջությանը։ Օբյեկտների տերերը վստահեցնում էին, որ ջուրը մաքուր է, իսկ կառավարության անդամների հայտարարությունները նյութական վնաս են հասցնում իրենց։
Ցուցարարների հետ հանդիպեց «Իմ քայլը» իշխող դաշինքի պատգամավոր Սասուն Միքայելյանը։ Նա համոզեց բացել ճանապարհը` խոստանալով, որ հուլիսի 17–ին կառավարությունը կպատասխանի նրանց հուզող բոլոր հարցերին։ Միքայելյանը հավաստիացրեց, որ հակառակ դեպքում անձամբ ինքը պատրաստ է ակցիայի մասնակիցների հետ փակել ճանապարհը։
Գեղարքունիքի մարզպետ Գնել Սանոսյանի կոչով որոշվեց ԶԼՄ–ների ներկայացուցիչների հետ շրջայց կազմակերպել որոշ լողափերում, որպեսզի լրագրողներն իրենց աչքերով տեսնեն, թե ինչ վիճակում է լիճը։
ПОСЛЕДНИЕ ОТ АВТОРА
-
New2024-11-25 09:36Стартовали совместные учения спецназов сухопутных подразделений КСИР Ирана и азербайджанской армии, сообщает Tasnim.
-
New2024-11-25 09:33Посол Франции в Армении Оливье Декотиньи опубликовал карту провинции Западный Азербайджан, расположенной на территории Ирана.
-
New2024-11-25 09:31По приглашению Его Святейшества Католикоса Великого Дома Киликийского Армянской Апостольской Святой Церкви Арама I на созванном в Антилиасе совещании с участием армянских политических партий и духовенства обсуждалась нынешняя ситуация в Ливане и возможности преодоления ее последствий.
-
New2024-11-25 09:29Парламент Грузии выступил с заявлением о дополнительных мерах безопасности, сообщает Первый канал Грузии.