2019-07-26 12:39
Информагентства
«Մեղմ ուժը» կդառնա ազգային անվտանգության նոր ռազմավարության բաղադրիչը
«Մեղմ ուժը» կլինի Հայաստանի ազգային անվտանգության նոր ռազմավարության բաղադրիչներից մեկը։ Այսօր հրավիրված ասուլիսի ժամանակ այս մասին ասաց Հայաստանի ազգային անվտանգության խորհրդի քարտուղար Արմեն Գրիգորյանը, տեղեկացնում է Sputnik Armenia-ը։
Նա նշեց, որ վարչապետ Նիկոլ Փաշինյանի կարգադրությամբ ստեղծվել է համակարգող միջգերատեսչական խումբ, որն աշխատում է ազգային անվտանգության ռազմավարության նախագծի վրա։ Նախագիծը պետք է պատրաստվի տարվա ընթացքում։
«Ազգային անվտանգության ռազմավարությունը փաստաթուղթ է, որում նշված են ազգային անվտանգության գլխավոր մարտահրավերները, սպառնալիքները և թե պետությունն ինչպես է պատրաստվում դիմակայել այդ մարտահրավերներին ու չեզոքացնել սպառնալիքները», – ասաց Գրիգորյանը։
Նրա խոսքով` գործող ռազմավարությունն ընդունվել է 12 տարի առաջ, որից հետո աշխարհում հիմնարար փոփոխություններ են տեղի ունեցել: 2007-ից ի վեր Ռուսաստան-Արևմուտք հարաբերություններում զարգացման նոր միտումներ են արձանագրվել, տեղի է ունեցել ռուս-վրացական պատերազմը, Իրան-ԱՄՆ լարվածությամբ պայմանավորված մեր սահմանակից Իրանի համար առաջադրվել են այդ պատժամիջոցները հաղթահարելու նոր խնդիրներ, Հայաստանը դարձել է ԵԱՏՄ անդամ, ինչպես նաև ստորագրել է Հայաստան-ԵՄ համաձայնագիրը:
Գրիգորյանն ընդգծեց, որ իշխանության համար լրջագույն խնդիր է բացառել դեռևս հարկ եղած գնահատականների չարժանացած 2016-ի ապրիլյան իրադարձությունների կրկնությունը։
Նրա խոսքով` ազգային անվտանգության ռազմավարության իրական հենասյունն են լինելու ՀՀ զինված ուժերը, որոնց կատարելագործման և մարտունակության բարձրացման համար բազմաշերտ քննարկումներ են ընթանում:
Գրիգորյանի խոսքով` առանձին դեր կհատկացվի սփյուռքի հետ համագործակցությանը։
Նա նշեց, որ Հայաստանը պետք է ձևավորի այնպիսի փաստաթուղթ, որը կլինի ճկուն, կարձագանքի մեր երկրում, տարածաշրջանում և աշխարհում տեղի ունեցող փոփոխություններին: Այս ռազմավարությունը պետականաշինության ճանապարհային քարտեզն է։
Գրիգորյանն ասաց, որ աշխատանքում կներգրավվեն փորձագետներ Արցախից` հաշվի առնելով ընդհանուր սպառնալիքները։
ПОСЛЕДНИЕ ОТ АВТОРА
-
New2025-07-29 14:36Компания "Согласие Армения" намерена обжаловать решение Антикоррупционного суда о конфискации земельного участка в центре Еревана, где ранее располагался магазин "Детский мир". Об этом говорится в официальном заявлении компании.
-
New2025-07-29 14:35Фонд «Луйс» проанализировал социально-экономическое развитие экономики Армении за январь–июнь 2025 года. Вот основные выводы:
-
New2025-07-29 14:33Услуги национальной платежной системы Armenian Card (ArCa) временно недоступны. Об этом сообщила пресс-служба компании.
-
New2025-07-29 14:17«Мой мальчик, наша родина была священной. От каждого камня, от каждого куста исходил аромат ладана. Но мы покинули эту благословенную землю... убежали… оставили её турецкой шавке. Теперь от нашей земли пахнет псом. Если мы хотим, чтобы она снова благоухала ладаном — в носу каждого армянина должен стоять запах пороха».