2019-08-06 16:37
Информагентства
Փաստաբաններ․ Արգելափակվում է Ռոբերտ Քոչարյանի գրքի գովազդը
Երևանի քաղաքապետարանն արգելափակում է Ռոբերտ Քոչարյանի «Կյանք և ազատություն» գրքի գովազդը: Այս մասին հայտարարվեց երկրորդ նախագահի գրասենյակի համակարգող Բագրատ Միկոյանի և փաստաբան Ալեքսանդր Կոչուբաևի համատեղ մամուլի ասուլիսում, տեղեկացնում է News.am-ը:
Բագրատ Միկոյանի խոսքով՝ գովազդի թույլտվության համար քաղաքապետարան դիմելու հերոսապատումը շարունակվում է արդեն մոտ կես տարի: Ընդ որում՝ գրքի վաճառքի հետ կապված խնդիրներ չկան՝ Հայաստանում գիրքը ամենատարածված գրքերի տասնյակում է և բեսթսելեր է Մոսկվայում: Հիշեցնենք, որ գիրքը հրատարակվել է հայերեն և ռուսերեն:
Խնդիրն ավելի մանրամասն ներկայացրեց Ալեքսանդր Կոչուբաևը: Նրա խոսքով՝ դեռևս ապրիլին իրենք դիմել են քաղաքապետարան գովազդի թույլտվություն ստանալու համար: «Ես զարմացած եմ վարչարարության խնդրի հետ կապված քաղաքապետարանում տեղի ունեցողից: Սա այն բանի քրեստոմատիական օրինակն է, թե ինչպես չպետք է լինի»,- արձանագրեց փաստաբանը:
Պարզվել է, որ դիմումը ներկայացվել է ապրիլի վերջին: Քաղաքապետարանը մինչև հիմա ոչ մերժել է, ոչ բավարարել: Պարզվել է նաև, որ հենց այս դեպքում է նախկինում գործող կարգը՝ դիմում, այնուհետև տուրքի վճարում, հանկարծ փոխվել, և անհրաժեշտ էր նախ վճարել տուրքը և անդորրագիրը ներկայացնել դիմումի հետ միասին: Խնդիրը շտկվել է, տուրքը վճարված է, բայց սայլը տեղից չի շարժվում: Ուշագրավ է, որ քաղաքապետարում չեն մտահոգվել պարզաբանելու առաջին դիմումի մերժման պատճառը՝ սահմանափակվելով պահանջներին չհամապատասխանելու ձևական նշումով:
Արաբկիր և Կենտրոն շրջանների թաղապետարանների միջոցով դիմելու փորձերը նույն արդյունքն ունեցան՝ պատասխան չկա:
Քանի որ օրենքով սահմանված բոլոր ժամկետներն անցել են, իսկ պետական մարմինն ՝ ի դեմս քաղաքապետարանի, շարունակում է անգործության մատնվել, նույն օրենքի համաձայն, դիմող կողմը գովազդի իրավունք է ստանում՝ անկախ քաղաքապետարանի հետագա գործողություններից, հիշեցրեց փաստաբանը:
Միևնույն ժամանակ, քանի որ «Սփեյս մենեջմենթ» ՍՊԸ-ն մտադիր է հետագայում էլ գործել ըստ օրենքի, նույնն ակնկալում է նաև քաղաքապետարանից և խնդրում է տրամադրել փաստաթուղթ, որը թույլատրում է գրքի գովազդը:
Այն տրամադրելու համար որպես խելամիտ ժամկետ ՍՊԸ ներկայացուցիչները պատրաստ են 24 ժամ հատկացնել՝ հակառակ դեպքում վաղը օրվա երկրոդ կեսին փաստաբանը դիմում կներկայացնի Վարչական դատարան:
ПОСЛЕДНИЕ ОТ АВТОРА
-
New2025-06-05 09:08Научно-аналитический фонд «Гегард» направил официальное заявление-протест в ректорат Томского государственного университета Российской Федерации, а также в редакционные советы научных журналов ТГУ в связи с рядом антиармянских публикаций, опубликованных в данных изданиях.
-
New2025-06-05 09:05Следственный комитет Армении возбудил уголовное дело по признакам государственной измены и шпионажа в связи с передачей материалов из Национального архива республики в Азербайджан. Об этом сообщает издание PastInfo со ссылкой на СК.
-
New2025-06-05 09:03Президент США Дональд Трамп сообщил в своей соцсети Truth Social , что провел телефонный разговор с президентом России Владимиром Путиным. По словам Трампа, беседа длилась около часа и 15 минут.
-
New2025-06-05 09:01Президент России Владимир Путин и президент США Дональд Трамп провели телефонный разговор, в центре которого оказалась ситуация на Украине, удары по российской территории, переговорный процесс и международная повестка. Разговор длился около часа и 15 минут, о его содержании журналистам сообщил помощник президента РФ Юрий Ушаков.