2019-08-19 13:14
Информагентства
0
Բաղրամյան 26-ում Ամուլսարի թեմայով քննարկում, իսկ դրսում՝ բողոքի ակցիա
ԱԺ «Բարգավաճ Հայաստան» խմբակցության պատգամավոր Սերգեյ Բագրատյանը, ով պատգամավոր է ընտրվել Վայոց ձորի մարզից, լրագրողների հետ զրույցում ասաց, որ այսօր եկել է Բաղրամյան 26՝ կանգնելու ջերմուկցիների կողքին։ «Ես այն կարծիքին եմ, որ առնվազն Դարփ-Արփա-Որոտան գետերի մասով ծրագիրը թերի է, հետևաբար, եթե այդ խնդիրները լուծված չեն, ինչ շահագործման մասին է խոսքը։ Միայն դա բավարար է, որ ընդհանրապես հանքը չշահագործվի»,- ասաց Սերգեյ Բագրատյանը։
Լրագրողների հետ զրույցում ջերմուկցիներն ասացին, որ եթե Ամուլսարի խնդրին լուծում չտրվի, Կառավարությունը որոշի, որ հանքը պետք է շահագործվի, ապա իրենք չեն նահանջելու, փակելու են բոլոր ճանապարհները։
«Եթե Նիկոլը մերժեց Սերժին, ուրեմն ավտոմատ պետք է մերժի Սերժի կողմից եկած բոլոր բացասական ծրագրերը»,- ասաց ակցիայի մասնակիցներից մեկը։
«Իմ ընտանիքի անդամներով՝ 14 հոգի, եկել ենք այստեղ, որ պաշտպանենք մեր սարը, որ մեր էրեխեքը մաքուր օդ շնչեն․ Չենք թողնելու, որ մեր սարը քանդեն, ոսկին էլ եսիմ ով տանի։ Մենք մինչև վերջ պայքարելու ենք մեր հողի, մեր սարի համար։ Մեր ոսկին պիտի տանեն, իսկ դրա դիմաց մեր ջուրն է պղտորվելու, իսկ Ռուսաստանում 1 լիտր հանքային ջուրը հավասար է 1,5 լիտր բենզինի»,- ասաց բնակիչներից մեկը։
Նրա խոսքով՝ հայկական բարձրավանդակներից մեկը՝ Ամուլսարը, որը գտնվում է ծովի մակարդակից 3000 մետր բարձրության վրա, 6 ամիս պատված է ձյան շերտով, դա նշանակում է, որ ձնհալից առաջացած ծանր մետաղներով աղտոտված ջրերը լցվելով Արփա գետը էկոլոգիական աղետ կստեղծեն։ «Սա Հայաստանի կործանման սկիզբն է։ Արտասահմանցի մասնագետների հետ եմ խոսել, որոնք ասում են՝ ո՞նց եք թույլ տալիս, որ ձեր ընդերքը հոշոտեն ու դուք ապրեք թույնի մեջ։ Բոլորս պետք է համախմբվենք ու թույլ չենք տա, որ ազգագործման որոշում կայացվի»,- վրդովված ասաց Ջերմուկի բնակիչը՝ միևնույն ժամանակ հույս հայտնելով, որ երկրի ղեկավարությունը ճիշտ որոշում կկայացնի և Ամուլսարը կպահպանվի։
Այսօր Բաղրամյան 26 հասցեում վարչապետ Նիկոլ Փաշինյանն Ամուլսարի հարցով հանդիպում է հրավիրել: Հրավիրյալների թվում կան բնապահպաններ, Ջերմուկ համայնքի ավագանին, դպրոցներն ու Ամուլսարի համար պայքարող ակտիվիստները։
Հանդիպմանը զուգահեռ, Բաղրամյան 26-ում բողոքի ակցիա է ընթանում՝ Ամուլսարի հանքի շահագործման դեմ պայքարող ակտիվիստների մասնակցությամբ։
Նշենք, որ ակտիվիստներն այսօր ավտոերթով եկել են Երևան։
Տեղեկացնենք նաև, որ Կասկադի հարակից տարածքում էլ մի խումբ կանայք մանկասայլակներով ակցիա են իրականացնում՝ ընդդեմ Ամուլսարի հանքի շահագործման, տեղեկացնում է Panorama.am-ը:
ПОСЛЕДНИЕ ОТ АВТОРА
-
New2024-11-22 19:41В Ереване в концертном зале им. Арама Хачатуряна 24 ноября пройдет концерт, посвященный 100-летию квартета им. Комитаса. С музыкальными приветствиями выступят государственный камерный оркестр Армении, джаз-трио Арега Арустамяна, Барсег Туманян, Грачуи Басенц, пианист и дирижер Ваагн Папян, пианистка Карин-Хелльман Геворкян, и, конечно, сам квартет им. Комитаса.
-
New2024-11-22 19:38Суд оправдал еще двоих арестованных сторонников «Священной борьбы». Об этом сообщил адвокат Ваге Еприкян.
-
New2024-11-22 19:35Популярный актер, народный артист Армении Грант Тохатян два месяца находился в медцентре Микаеляна, однако сейчас он уже дома. Об этом изданию Tert.am сообщила супруга Тохатяна, актриса Луиза Нерсисян.
-
New2024-11-22 19:33Бывший чиновник из Арцаха, обвиняемый в шпионаже, Саргис Галстян, переехавший в Армению после почти полугодового пребывания в Степанакерте (после его оккупации Азербайджаном – ред), признан виновным и приговорен к 18 годам лишения свободы. Об этом сообщает прокуратура.