2019-08-26 20:05
Информагентства
Լուսանկարչական միջազգային փառատոնի շրջանակներում
Օգոստոսի 26-ին Ազգային ժողովին կից այգու տարածքում, ինչպես նաև խորհրդարանի շենքում բացվեց լուսանկարչական ցուցահանդես, որը կազմակերպվել է Հայկական առաջին լուսանկարչական միջազգային փառատոնի շրջանակում (Armenian International Photo Fest):
Միջոցառմանը մասնակցեցին ամբողջ աշխարհից Երևան ժամանած լուսանկարիչներ, ինչպես նաև պատգամավորներ, մայրաքաղաքի բնակիչներ և հյուրեր:
Ցուցահանդեսի մասնակիցներին և հյուրերին բացման խոսքով դիմեց «Իմ քայլը» խմբակցությունից Ազգային ժողովի փոխնախագահ Լենա Նազարյանը:
«Հարգելի հյուրեր, ուզում եմ շնորհավորել ձեզ Հայաստանում առաջին հայկական միջազգային լուսանկարչական փառատոնի բացման կապակցությամբ, որտեղ ներկայացված են 20 երկրներից լուսանկարիչների աշխատանքներ:
Ազգային ժողովը ուրախությամբ համաձայնեց այս լուսանկարչական փառատոնը անցկացնել խորհրդարանի շենքի հարակից այգում, որտեղ կցուցադրվեն քաղաքական գործիչների, մշակութային հուշարձանների լուսանկարներ... Հուսով եմ, որ նման իրադարձությունները կշարունակվեն նաև հետագայում, և խորհրդարանն իսկապես կդառնա այն հարթակը, որտեղ նման միջոցառումները կանցկացվեն նախանձելի պարբերականությամբ», - շեշտեց Նազարյանը:
Նշենք, որ հայկական լուսանկարչական միջազգային փառատոնի մասնակիցների աշխատանքները կներկայացվեն Երևանի կենտրոնում՝ 38 ցուցահանդեսային հարթակներում:
Այսպիսով Հայաստանի մայրաքաղաքը կվերածվի բաց երկնքի տակ լուսանկարչական ցուցահանդեսի, որտեղ 30 օրվա ընթացքում բազմաթիվ վարպետության դասեր, նկարիչների հետ հանդիպումներ և սեմինարներ կանցկացվեն: Հարթակների թվում Երևանի քաղաքապետարանի շենքն է, Ազգային ժողովի այգին, Հյուսիսային պողոտան, մետրոյի կայարաննները, թանգարանները և այլ վայրեր:
Բացման պաշտոնական և հաղթողներին պարգևատրման արարողությունը կանցկացվի այօսր ուշ երեկոյան Dvin Music Hall-ում:
Թովմասյանի բարեգործական հիմնադրամը, all.me-ն և Dvin Music Hall-ը փառատոնի հիմնական գործընկերներից են: Փառատոնը կանցկացվի քաղաքապետարանի հովանու ներքո, տեղեկացնում է News.am-ը:
ПОСЛЕДНИЕ ОТ АВТОРА
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.