2019-08-27 15:27
Информагентства
Սամվել Մարտիրոսյան. Համացանցում տեղեկատվական հոսքերը կարող են ժամանակի ընթացքում հանգեցնել սերունդների պառակտման
Ներկայիս տեղեկատվական հոսքերը կարող են ժամանակի ընթացքում հանգեցնել սերունդների պառակտման՝ կապված համացանցում կամ լրատվամիջոցներում մատուցվող այս կամ այն իրադարձության տարբեր ընկալման հետ: Այս մասին օգոստոսի 27-ին լրագրողների հետ հանդիպման ժամանակ հայտարարեց տեղեկատվական անվտանգության փորձագետ Սամվել Մարտիրոսյանը՝ հավելելով, որ սա ուղեկցվում է համացանցում երիտասարդների աստիճանական արտահոսքով դեպի ոչ քաղաքական հարթակներ:
Նրա խոսքով՝ քանի որ իշխանությունների կողմից վերացել է տեղեկատվական հոսքերի վերահսկողությունը, համացանցում կոնֆլիկտը սրվել է: Դրանից բացի, լրատվամիջոցներն ազատվել են ֆինանսական հոսքերի վերահսկողությունից և գովազդատուների հետ ազատ են համագործակցում: «Այսօր մենք տեսնում ենք, որ տեղեկատվական դաշտում պայքարը ծավալվում է ոչ միայն իշխանության և ընդդիմության միջև, այլև տարբեր ընդդիմադիր ուժերի միջև: Այս ամենը հանգեցնում է քաղաքական օրակարգի ձևավորմանը, որն առաջ է մղվում այս կամ այն ուժի կողմից: Սա էլ հանգեցնում է տեղեկատվության բազմազանությանը»,- նշեց նա:
Փորձագետի կարծիքով՝ համացանցում և լրատվամիջոցներում տեղակատվական հոսքի քաղաքական հագեցվածությունն ավելի երկար է տևում, քան սովորաբար, և այս միտումը նկատվում է հեղափոխությունից հետո ընկած ժամանակահատվածում: «Այն, ըստ էության, վերածվել է երկարատև նախընտրական մրցապայքարի, որը սովորաբար դիտվում էր ընտրություններից առաջ վերջին 1-2 ամսում: Ամբողջ տեղեկատվությունը պտտվում է քաղաքականության շուրջը, նույնիսկ եթե քննարկվում է քաղաքականությանը չառնչվող խնդիր: Այս տարվա աշնանից կսկսվի ակտիվության նոր փուլ, ինչը կապված է ակնկալվող նոր քաղաքական օրակարգի ձևավորման հետ»,- հավելեց նա, տեղեկացնում է NEWS.am-ը:
ПОСЛЕДНИЕ ОТ АВТОРА
-
New2025-07-29 13:01Организация продовольствия и сельского хозяйства ООН (FAO) поможет фермерам Тавушской и Лорийской областей Армении освоить вспомогательные цифровые инструменты для ведения сельского хозяйства. Об этом сообщила Sputnik Армения специалист по цифровому сельскому хозяйству офиса FAO по Европе и Центральной Азии Айдай Анарбек кызы в ходе форума Sevan Startup Summit 2025.
-
New2025-07-29 12:5830 лет назад братья Карапетяны построили первую церковь Святого Саркиса после распада Советского Союза.
-
New2025-07-29 12:57Пашинян (премьер-министр Армении – ред.) поручил своим соратникам до конца его отпуска положить ему на стол список сторонников среди священнослужителей с конкретными фактами, чтобы они успели достичь своей цели в вопросе церкви к последнему религиозному празднику года – воздвижению честного и животворящего Креста Господня (Хачверац).
-
New2025-07-29 12:55Очевидно, что николизм постепенно приобретает черты не христианской секты, а совершенно новой религии. Об этом на своей странице в «Facebook» написал адвокат Рубен Меликян.