2019-08-30 15:11
Информагентства
0
Նոր մանրամասներ Բարսեղ Բեգլարյանի դատական գործով
«Ֆլեշ» ՍՊԸ նախագահ Բարսեղ Բեգլարյանի դատական գործով նիստում որոշ մանրամասներ է ներկայացրել որպես վկա հրավիրված տեխնիկական գծով նախկին տնօրեն Արմեն Խալաթյանը։
«Ֆլեշ մոթորսի» տնօրեն Հրայր Հովսեփյանը ընկերության կոմերցիոն տնօրեն Արման Մկրտումյանին ժողովի ժամանակ հարվածել է, գցել գետնին ու քարշ տվել։
Այս մասին Ավան և Նոր Նորք համայնքների ընդհանուր իրավասության դատարանում «Ֆլեշ» ՍՊԸ նախագահ Բարսեղ Բեգլարյանի դատական գործի ժամանակ հայտարարեց որպես վկա հրավիրված ընկերության տեխնիկական գծով նախկին տնօրեն Արմեն Խալաթյանը։
«Ես ժողովին ներկա չեմ եղել, բայց նիստերի դահլիճի մոտ գտնվող սրճարանից տեսել եմ, թե ներսում ինչ էր կատարվում։ Ապակիներից տեսա, որ խոսակցության ընթացքում Հրայր Հովսեփյանը տեղից վեր կացավ, մոտեցավ Արմանին և հարվածեց, գցեց նրան գետնին ու քարշ տալով տարավ դռան մոտ։ Ժողովից հետո իջա, տեսա Արմանի դեմքը կարմրած էր, վախեցած էր: Հետո մոտեցավ Հրայր Հովսեփյանի մեքենային, Արմանի հետ գնացին»,- պատմեց վկան։
Վկան նաև պատմեց, որ Արման Մկրտումյանին 20-30 րոպե հետո դարձյալ հանդիպել է գրասենյակում, և զրույցի ընթացքում Արմանն իրեն պատմել է, որ Հրայր Հովսեփյանը զենքով սպառնացել է` պահանջելով տունն իրենց անունով ձևակերպել։ Արմանն ասել է նաև, որ զանգահարել է մորը, ասել, որ իրենից նման բան են պահանջում:
Վկան պատմեց նաև, որ Արման Մկրտումյանն իր ներկայությամբ բարձրախոսով զանգահարել է Բարսեղ Բեգլարյանին ու հայտնել, որ գնացել է տունը գնահատելու: «Բեգլարյանն էլ ասաց՝ շուտ արեք, արագացրեք»,– հայտնեց վկան։
Նախկին տնօրենը դատարանում հայտնեց նաև, որ մեկ ուրիշ անգամ Բարսեղ և Նարեկ Բեգլարյաններն իրեն, Արման Մկրտումյանին և ընկերության հաշվապահին սպառնացել են ու պահանջել, որ գումարները բերեն, դնեն տեղը, այլապես իրենք ստիպված կլինեն անձամբ վերցնել։
Ի դեպ, Արմեն Խալաթյանը նաև հայտնեց, որ աշխատանքից ազատվելուց հետո Նարեկ Բեգլարյանն իրեն 2 մլն դրամ աշխատավարձ չի վճարել, իսկ երբ ինքը բողոքել է, իրեն ասել են, որ մենակ չէ, «հենա՝ Արմանի ձեռքից տունն ենք վերցրել»:
Հիշեցնենք` ՀՀ քննչական կոմիտեն 2018 թվականի հունիսի 28-ին հաղորդագրություն էր տարածել` հայտնելով, որ Երևան քաղաքի քննչական վարչության (ԵՔՔՎ) Կենտրոն և Նորք-Մարաշ վարչական շրջանների քննչական բաժնում ավարտվել է բռնության գործադրմամբ զուգորդված ինքնիրավչության դեպքի առթիվ հարուցված քրեական գործի նախաքննությունը, և մեղադրանք է առաջադրվել «Ֆլեշ» ՍՊԸ-ի նախագահ Բարսեղ Բեգլարյանին և «Ֆլեշ» ՍՊԸ-ի բազայի պետ Հ.Հովսեփյանին։
Իրավապահները պարզել են, որ «Ֆլեշ Մոտորս» ընկերությունից առանձնապես խոշոր չափերի գույքի հափշտակության մեջ «Ֆլեշ Մոտորս», ինչպես նաև «Ֆլեշ» ընկերությունների հիմնադիրները և ընկերության այլ պաշտոնատար անձինք, ի թիվս այլ անձանց, մեղադրել են նաև «Ֆլեշ Մոտորս» ՍՊ ընկերության նախկին կոմերցիոն տնօրենին և պահանջել վերականգնել ենթադրաբար պատճառված գույքային վնասը։ Վերջինիս սպառնացել են բռնության ենթարկել, ինչից դրդված, այլ ելք չունենալով, նախկին կոմերցիոն տնօրենն իր սեփականություն հանդիսացող բնակարանը 2016 թվականի ապրիլ ամսին գրավադրել է, իսկ գրավի 9.700.000 ՀՀ դրամը փոխանցել է ընկերությանը:
Բեգլարյանը չի ընդունում իրեն առաջադրված մեղադրանքը:
ПОСЛЕДНИЕ ОТ АВТОРА
-
New2024-04-18 14:02Согласно распространенной информации, российские миротворческие силы уходят из Арцаха. Передвижение произойдет (происходит) через территорию Азербайджана в Российскую Федерацию (Дагестан), что свидетельствует о том, что очерченная ранее миссия для миротворческого контингента в этом регионе уже не актуальна, а «формирование» новых миссий уже невозможно. Об этом написал на своей странице в Facebook экс-глава КГД Армении Давид Ананян, передает NEWS.am.
-
New2024-04-18 14:02Глава администрации общины Киранц Камо Шагинян сообщил "Грапараку", что местные жители села недовольны заявлениями Никола Пашиняна и теперь думают, что делать дальше, передает Aysor.am.
-
New2024-04-18 14:00Американский конгрессмен, сопредседатель комитета Конгресса США по армянским вопросам Гас Билиракис коснулся шагов, предпринятых Турцией на Южном Кавказе, назвав их продолжающимися злодеяниями, упомянув при этом об их непростительности.
-
New2024-04-18 13:56Правительство Армении сократило перечень заболеваний, дающих право на освобождение от воинской службы. Соответствующее решение было принято на заседании кабмина в четверг, передает Sputnik Армения.
