2019-09-06 10:56
Информагентства
0
Հայաստանը շարունակում է մնալ առաջատարը ԵԱՏՄ-ում տնտեսական աճի մակարդակով
2019 թվականի հունվար-հունիս ամիսներին նախորդ տարվա նույն ժամանակաշրջանի նկատմամբ ԵԱՏՄ անդամ երկրներում համախառն ներքին արդյունքն աճել է 1 տոկոսով։ Միության երկրների շարքում ամենաբարձր տնտեսական աճը, ինչպես անցած տարի, այնպես էլ՝ ընթացիկ տարում գրանցել է Հայաստանը՝ 6.8 տոկոս, այնուհետև Ղրղզստանը՝ 6.4 տոկոս։ Նշված ժամանակահատվածում միության ներսում ներդրումներն աճել են 2.1 տոկոսով, որի գծով ամենից բարձր աճը նկատվել է Ղազախստանում՝ 11.7 տոկոս։
«Արմենպրես»-ի հաղորդմամբ՝ Եվրասիական տնտեսական հանձնաժողովը հրապարակել է ԵԱՏՄ անդամ երկրների ընթացիկ տարվա հունվար-հուլիս ամիսների հիմնական սոցիալ-տնտեսական ցուցանիշները։ Ընթացիկ տարվա հունվար-հուլիսին նախորդ տարվա նույն ժամանակաշրջանի համեմատ, բացառությամբ արտաքին և փոխադարձ առևտրի, մնացած ցուցանիշների գծով ԵԱՏՄ-ում աճ է գրանցվել։
Դիտարկվող ժամանակահատվածում արդյունաբերական արտադրանքի ծավալն աճել է 2.6 տոկոսով՝ կազմելով 685.7 մլրդ ԱՄՆ դոլար։ Ռուսաստանի մասնաբաժինն ընդհանուր արդյունաբերական արտադրանքում 88,4% է, Ղազախստանինը՝ 6,5%, Բելառուսինը՝ 4,5%, իսկ Հայաստանի և Ղրղզստանի մասնաբաժինն առանձին-առանձին՝ 0,3%։ ԵԱՏՄ արդյունաբերական արտադրանքի կառուցվածքում ամենամեծ տեսակարար կշիռն ունի վերամշակող արդյունաբերությունը՝ 62 տոկոս, ինչը նախորդ տարվա հունվար-հուլիսի համեմատ նվազել է 0.6 տոկոսային կետով։
ԵԱՏՄ-ում գյուղատնտեսական արտադրանքի ծավալն աճել է 2.8 տոկոսով, ընդ որում համեմատաբար ամենամեծ աճը գրանցվել է Բելառուսում՝ 5.6 տոկոս։ Հայաստանի գյուղոլորտի տվյալները ներկայացված են առաջին կիսամյակի տվյալներով, որոնց համաձայն անկումը կազմել է 6.5 տոկոս։
Դիտարկվող ժամանակահատվածում Միության ներսում շինարարության ծավալներն աճել են 0.8 տոկոսով, սակայն Ղրղզստանում և Հայաստանում նկատվել է ոլորտի անկում համապատասխանաբար 0.4 և 16.3 տոկոսներով։
ԵԱՏՄ-ում մանրածախ առևտուրն աճել է 2 տոկոսով, որի գծով ամենաբարձր աճը գրանցվել է Հայաստանում՝ 8.2 տոկոս, ապա Ղազախստանում՝ 5.4 տոկոս։
Ուղևորաշրջանառության և բեռնաշրջանառության ծավալները ևս աճել են՝ համապատասխանաբար 6.6 և 1.2 տոկոսներով։
ԵԱՏՄ երկրների փոխադարձ առևտրի ծավալներն ընթացիկ տարվա առաջին կիսամյակում նախորդ տարվա նույն ժամանակահատվածի համեմատ կրճատվել են 5.4 տոկոսով, իսկ արտաքին առևտրի ծավալները կրճատվել են 2.2 տոկոսով։ Արտաքին առևտրի ծավալների աճ է գրանցվել Միության անդամ երկրներից միայն Հայաստանում և Բելառուսում, իսկ փոխադարձ առևտրի ծավալներն աճել են միայն Ղազախստանում։
ԵԱՏՄ անդամ երկրներից աճ են գրանցել հիմնականում տեքստիլ, տեքստիլ ապրանքներ և կոշկեղեն ապրանքախմբի արտահանումը, որն աճել է 7.1 տոկոսով, իսկ մետաղից և դրանից պատրաստված իրերի ներմուծումն ավելացել է 4.7 տոկոսով։ Արտահանման ապրանքային կառուցվածքում գերակշռում են հանքային ապրանքները (67,8%), իսկ ներմուծման կառուցվածքում մեծ տեղ են զբաղեցնում մեքենաներ, սարքավորումներ, տրանսպորտային միջոցները՝ 43.2 տոկոս, քիմիական արդյունաբերության արտադրանքը՝ 18.9 տոկոս, սննդամթերք և գյուղատնտեսական արտադրանքը՝ 12 տոկոս։ 2019 թվականի առաջին կիսամյակում ԵԱՏՄ անդամ պետությունների փոխադարձ առևտրի արտահանման ապրանքային կառուցվածքում ՀՀ-ից հանքային ապրանքների արտահանումն աճել է 66.5 տոկոսով։
ПОСЛЕДНИЕ ОТ АВТОРА
-
New2024-11-22 10:44При голосовании за антииранскую резолюцию в Совете управляющих МАГАТЭ голос Армении оказался в числе 12 воздержавшихся. Поддержали Иран всего трое - Россия, Китай, Буркина-Фасо. 19 – начиная с США, Британии, Франции, Германии и заканчивая Грузией - одобрили резолюцию.
-
New2024-11-22 10:13Смех — это универсальный язык, который помогает нам налаживать контакты, выражать эмоции и даже сглаживать конфликты. Но что на самом деле скрывается за этим простым и знакомым проявлением человеческой природы? Психологи из University of Virginia (США) утверждают: смех — это не всегда признак радости, а сложный социальный инструмент с множеством оттенков, сообщает Royal Society Publishing.
-
New2024-11-22 10:10Нынешний Налоговый кодекс Армении даже более неудачный, чем об этом заявляет премьер-министр Никол Пашинян, назвавший его "антигосударственным". Однако проблема в том, что даже после инициированных властями законодательных изменений новый Налоговый кодекс сохранит все тот же "антигосударственный" характер. Такое мнение высказал в беседе со Sputnik Армения председатель Палаты аудиторов Наири Саркисян. Ранее премьер-министр Армении Никол Пашинян заявил, что действующее налоговое законодательство не учитывает интересы страны и даже антигосударственное, так как не позволяет собрать нужные налоги.
-
New2024-11-22 10:04Конференция «50 лет холодному слиянию» в Ереване Международная конференция физиков под названием «50 лет холодному слиянию» проходит в эти дни в Ереване. Она организована Национальной академией наук Республики Армения и Объединенным институтом ядерных исследований (ОИЯИ, Дубна). Для участия в конференции собрались ученые из Европы, Азии и Америки.