2019-09-11 19:50
Аревик ЧИЛИНГАРЯН
ՑԻՆԻԶՄԻ ԵՎ ՔԱՂԱՔԱԿԱՆ ԱՆՀԱՍՈՒՆՈՒԹՅԱՆ ՄԱՍԻՆ
Աշնանային նստաշրջանի մեկնարկի հետ խորհրդարանում սկսվեց քաղաքական ապահարզանների և նոր միավորումների գործընթացը։ Կհանձնի արդյոք մանդատն Արման Բաբաջանյանը, թե՞ կմնա անկախ պատգամավորի կարգավիճակում։ Այս հարցի պատասխանին սպասում էին ոչ միայն լրագրողներն ու հասարակայնությունը, այլև «Լուսավոր Հայաստան» խմբակցությունը, որը պատգամավորին կոչ է արել վերադարձնել ժողովրդից իր ստացած քվոտան…
Միչդեռ պահպանելով ինտրիգը մինչև վերջին պահը, «Լուսավոր Հայաստան» խմբակցության պատգամավոր Արման Բաբաջանյանը առանց խղճմտանքի հայտարարեց, թե հարգանքով է վերաբերվում ԼՀ-ի կոչին, բայց ինքը, իբր, պատասխանատու է իր ընտրողների առջև, որոնք պահանջում են, որ շարունակի իր պատգամավորական գործունեությունը։ Ուստիև կմնա խորհրդարանում անկախ պատգամավորի կարգավիճակով։
Այստեղ, թերևս, հարկ է նշել, որ Բաբաջանյանը խորհրդարան է անցել «Լուսավոր Հայաստանի» կուսակցական ցուցակով։ Նա առաջադրվել է նաև ռեյտինգային համակարգով, բայց ստացել ընդամենը 400 ձայն։ Ինքն էլ է ընդունում, որ դա բավարար չէ։ Բայց այժմ, հայտնվելով ԱԺ պատերի ներսում, Բաբաջանյանը վիթխարի ծրագրեր է կազմում։ Նա ոչ միայն մտադիր է, այլև վստահ է, թե իրեն կհաջողվի բազմապատկել այդ 400 ձայները և հասցնել ամբողջ 400 հազարի։ Այդ առնչությամբ նա արդեն սկսել է քաղաքական խորհրդակցությունները, իր իսկ խոսքերով՝ «շատ բանիմաց, տեխնոկրատ, բարձր որակավորում ունեցող մարդկանց հետ, որոնք կանգնած են 2018-ի փոփոխությունների ակունքներում»։ Նա հուսով է, որ իրեն կհաջողվի համախոհների հետ միասին ստեղծել ուժ, որը կհավակնի քաղաքական խաղի գլխավոր մասնակցի դերին…
Մինչդեռ չեն դադարում խոսակցություններն այն մասին, որ իշխանության խմբակցության պատգամավոր Էդգար Առաքելյանը, հավանաբար՝ Բաբաջանյանի և «Իմ քայլը» լքելու մտադիր այլ գործընկերների հետ միասին, կկազմեն անկախ պատգամավորների խումբ։ Թեև ինքը՝ Առաքելյանն այդ լուրերը, համենայն դեպս իր առնչությամբ, հերքեց, հայտարարելով լրագրողներին, որ մանդատը ցած դնելու իր որոշումը վերջնական է և մտադիր է շարունակել գործունեությունը IT-ոլորտում։ Առաքելյանի խոսքերով, ինքը չի տեսնում իրեն քաղաքականության մեջ։ Իր իսկ խոստովանությամբ՝ իրեն չբավականացրեց ցինիզմը և թեթև վերաբերմունքը կատարվող ամենի նկատմամբ։
Փոխարենը՝ քաղաքականության մեջ իրեն տեսնում է «Իմ քայլը» խմբակցության մեկ այլ պատգամավոր. Վարազդատ Կարապետյանը, որը փախուստ անվանեց Առաքելյանի հրաժարումը մանդատից։ Կարապետյանի առնչությամբ նշենք նաև, որ ակտիվ լուրեր են շրջում խորհրդարանում անկախ պատգամավորների խումբ ստեղծելու մտադրության մասին։ Այն բանից հետո, երբ Առաքելյանը օգոստոսի վերջին հայտարարեց մանդատից հրաժարվելու մասին, Վարազդատ Կարապետյանը նույնպես հրապարակավ դիմեց գործընկերոջը, նշելով, որ Առաքելյանի պես մարդիկ եզակի են, նրանք մնացած բոլորին ուժ ու կամք են տալիս չդավաճանելու սեփական սկզբունքներին, չհարմարվելու տաք աշխատասենյակներին, մեքենաներին, աշխատավարձին, էլիտար շրջապատին և չկտրվելու իրականությունից։ «Իմ համար 131-ից դու առաջինն ես, 87- ից՝ նույնպես… Վստահ եմ, որ այս որոշումը կայացնելիս թեթևություն ես զգացել, կարծես մի մեծ բեռ են ուսերցդ վերցրել։
Բայց էդ բեռը հետո կա՛մ չի բաշխվի որևէ կերպ, կա՛մ հավասարապես չի բաշխվի։ Դու ցանկանում ես թողնել մի դեր, որի կրողը չկա… Էս նամակի հիմնական իմաստը մեկն է՝ դու մենակ չես ու ինձ դու պետք ես»,- գրեց այն ժամանակ Կարապետյանը։
Բայց Առաքելյանն անհողդողդ է։ «Այն ինչի մասին ասում են իմ գործընկերները, դա ինքնին առաքելություն է,- հայտարարեց նա երեկ լրագրողների հետ զրույցում։- Իսկ առաքելության մարդիկ գնում են վառվռուն աչքերով. դժբախտ սրտով առաքելության չեն գնում»։ Պատգամավորը խոստովանեց, որ իրեն բռնացրել է այն մտքի վրա, որ արդեն տևական ժամանակ դժբախտ սրտով է կատարում այդ առաքելությունը։
Դե ինչ… Այս ամենը վկայում է լոկ քաղաքական ռոմանտիզմի և անհասունության մասին։ Թե 87-ից ում կբավականացնի, ըստ պատգամավորի, ցինիզմը, իսկ իրականում՝ գիտելիքները, փորձն ու քաղաքական հասունությունը, որպեսզի դրսևորի իր սկզբունքայնությունը ոչ թե փախուստով, այլ ուրիշ կերպ, ցույց կտան արդեն առաջիկա իրադարձությունները։
ПОСЛЕДНИЕ ОТ АВТОРА
-
2023-12-13 14:17Вопрос Арцаха не закрыт, конфликт еще более углубился и Азербайджан должен понести ответственность за свою преступную деятельность, заявил руководитель фракции «Армения» Сейран Оганян на последнем в этом году брифинге в НС, который, по его словам, проходит в трагических для Арцаха и Армении обстоятельствах.
-
2023-12-12 15:3415 млн драмов за уклонение от службы в армии, ну или 10 млн, но тогда придется отслужить месячишко рядовым солдатом, или 5 млн, если согласен отслужить 6 месяцев, на худой конец 2,5 млн драмов, но в этом случае придется год отслужить, если же денег нет, то долг отдавать родине придется натурой – все 24 месяца. Такова логика придуманных депутатом Айком Саркисяном поправок в закон «О военной службе и статусе военнослужащего».
-
2023-12-12 13:56Правящая фракция созвала внеочередное заседание НС, чтобы повысить внешний долг еще на 50 млн евро. Взять очередной кредит – на этот раз 50 млн евро – на текущие расходы госбюджета, который, однако, правительство упаковало в красивый фантик, украсив его еще и бантиками. Так охарактеризовала оппозиция в лице фракции «Армения» один из вопросов повестки внеочередки – ратификацию НС кредитного соглашения между РА и ОПЕК под названием «Программа зеленого и инклюзивного развития».
-
2023-12-05 14:39Оказывается, оппозиция должна быть благодарна правящей силе за то, что последняя спасает ее лицо, отказываясь даже включить в повестку НС инициативу «Айакве» по криминализации признания Арцаха частью Азербайджана. Об этом заявил спикер НС Ален Симонян в ходе заседания очередной сессии парламента.