2019-09-18 17:07
Информагентства
«Պրոմտեխնոլոգիան» դատի չի տվել ՀՀ ՊՆ-ին
Ռուսական «Պրոմտեխնոլոգիա» ՍՊԸ-ն հանդես է եկել հայտարարությամբ, որ դատի չի տվել Հայաստանի պաշտպանության նախարարությանը սպառազինության գնման տենդերի տապալման պատճառով:
ՀՀ քննչական կոմիտեն օգոստոսի 26-ին հայտնել է, որ քրեական գործ է հարուցվել սպառազինության գնման տենդերի տապալման պատճառով, որում մասնակցել է ռուսական ընկերությունը: Մասնավորապես, ORSIS ընկերության («Պրոմտեխնոլոգիա» խմբի մաս) փաստաբան և ներկայացուցիչ Ալեքսանդր Սիրունյանը հայտարարել է, որ խոշոր խմբաքանակի սպառազինության գնման հարցով ՀՀ ՊՆ–ի փակ տենդերին մասնակցելու նրանց հայտը մերժվել է գնահատման հանձնաժողովի կողմից կեղծ փաստարկների հիման վրա: Սույն հայտարարության հիման վրա ՀՀ քննաչական կոմիտեում հարուցվել է քրեական գործ ՀՀ քրեական օրենսգրքի 376-րդ հոդվածի (Անփույթ վերաբերմունքը ծառայության նկատմամբ) 1–ին մասի հատկանիշներով։
«Հայաստանի ՊՆ տենդերից «Պրոմտեխնոլոգիա» ՍՊԸ-ի անհիմն և ոչ պատճառաբանված բացառման վերաբերյալ ԶԼՄ-ներում տարածված տեղեկատվության, ինչպես նաև «Պրոմտեխնոլոգիա» ՍՊԸ-ին մատակարարների սև ցուցակում ներառելու հետ կապված հայտնում ենք, որ ներկա պահին քրեական գործի շրջանակում քննություն է տարվում նշված փաստերի վերաբերյալ», - նշվում է ընկերության տարածած հաղորդագրությունում:
Հայտարարությունում նշվում է նաև, որ «Պրոմտեխնոլոգիա» ՍՊՆ-ն դատի չի տվել ՀՀ պաշտպանության նախարարությանը:
«Ընկերությունը տարակուսանքի մեջ է ստեղծված իրավիճակի պատճառով և հույս է հայտնում, որ Հայաստանի Հանրապետության քննաչական կոմիտեն կանի հնարավոր ամեն ինչ` բոլոր հանգամանքները պարզելու համար, և բոլոր մեղավորները պատասխանատվության կենթարկվեն ՝ անկախ զբաղեցրած պաշտոնից և կարգավիճակից», - նշվում է հաղորդագրությունում:
Ընկերությունը նաև հույս է հայտնում, որ գործընկերային և արդյունավետ հարաբերությունները կվերականգնվեն։
Ավելի վաղ հայտնի է դարձել, որ ՀՀ պաշտպանության նախարարությունը պատմության մեջ առաջին անգամ մրցույթ է հայտարարել մի քանի միլիոն դոլարի ռազմական տեխնիկայի մատակարարման համար: Որակավորման պահանջները բավարարել է միայն ռուսական ORSIS ընկերությունը: Ավելի ուշ հայտնի է դարձել, որ տենդերը փակել են առանց որևէ բացատրության: ORSIS ընկերությունը դիմել է բողոքարկման հանձնաժողով և փաստաբանին, որոնք Հայաստանում ներկայացնում են իր շահերը, ինչի արդյունքում հայտ է ներկայացվել: Տեղի ունեցածի մասին տեղեկացվել է նաև Ռուսաստանում Հայաստանի դեսպանատան ռազմական կցորդը:
«Պրոմտեխնոլոգիա» խմբի մաս կազմող ORSIS ընկերությունը տարիներ շարունակ զենք, փամփուշտներ և օպտիկա է մատակարարել Հայաստան, տեղեկացնում է Newsarmenia.am-ն:
ПОСЛЕДНИЕ ОТ АВТОРА
-
2025-06-13 19:56Президент США Дональд Трамп заявил, что представители иранских властей звонят ему с просьбой заключить соглашение по ядерной программе Тегерана.
-
2025-06-13 19:55Международный аэропорт "Звартноц" принял три рейса иностранных авиакомпаний, запросивших вынужденную посадку. Об этом Sputnik Армения сообщили в Комитете гражданской авиации.
-
2025-06-13 19:53Совет безопасности ООН сегодня соберется на внеочередное заседание в связи с израильской атакой на Иран. Об этом сообщил постпред России при ООН Дмитрий Полянский.
-
2025-06-13 19:48Учитывая ситуацию, сложившуюся в Иране, призываем граждан РА, находящихся на территории ИРИ, сохранять бдительность, следовать официальным инструкциям, а в случае возникновения чрезвычайной ситуации обращаться в посольство по адресу электронной почты ([email protected]), страницам в социальных сетях (Facebook, Instagram), а также по следующим телефонным номерам - +98 21 66704833, мобильный: +989053774966.