2019-09-23 19:47
Информагентства
Ընկերները պահանջում են պատժել փոխգնդապետին ծեծողներին
Վայոց ձորի մարզում ծեծի ենթարկված ՀՀ ԶՈՒ փոխգնդապետ Արա Մխիթարյանի մարտական ընկերները կառավարության դիմաց ակցիա են իրականացնում՝ պահանջելով պատժել փոխգնդապետին ծեծողներին։
«Վայոց ձորի մարզպետն իր կլաններով ինչքան ուժ ունի փորձում է առաջինն իր մասնակցությունը դուրս բերի այդտեղից, երկրորդը՝ մեղավորությունը բարդի սպայի վրա», - լրագրողների հետ զրույցում ասաց փոխգնդապետի ընկերներից մեկը, տեղեկացնում է Aysor.am-ը։
Նրանք պահանջում են այս հարցում արդար քննություն։
«Արա Մխիթարյանն էսօր կռիվ է տալիս իր կյանքի համար, նրա ապրելու հնարավորությունը մեկ տոկոս է, Աստված չանի, որ նա մահանա», - ասաց ընկերը։
Նրանք կոչ արեցին ՀՀ գլխավոր դատախազին, որպեսզի այս գործի քննությունը վերցնի անմիջապես իր հսկողության տակ։
«Որովհետև Վայոց ձորի ոստիկանությունն ամեն ինչ անում է, որ տվյալ անձնավորություններին արանքից հանի», - ասաց Արա Մխիթարյանի ընկերը։
Փոխգնդապետի մյուս ընկերն էլ ասաց, թե մարզպետը սպառնում է բոլոր վկաներին։
«Մարզպետը ասում է՝ եթե ինչ-որ մեկն իր անունը տա, խիստ կպատժվի», - ասաց նա։
Հիշեցնենք՝ սեպտեմբերի 18-ին՝ ժամը 00:20-ին, անգիտակից վիճակում «Եղեգնաձոր բժշկական կենտրոն» է տեղափոխվել Շիրակի մարզի բնակիչ, ՀՀ ՊՆ զորամասի սպա Արա Մխիթարյանը։
Ձեռնարկված միջոցառումների արդյունքում պարզվել է, որ սպան մարմնական վնասվածքն ստացել է 2019թ. սեպտեմբերի 17-ին՝ ժամը 23:40-ի սահմաններում, Եղեգնաձոր քաղաքի շենքերից մեկի բակում պարզաբանումներ ստանալու հարցի շուրջ առաջացած վիճաբանության ժամանակ: Ենթադրյալ հանցագործություն կատարած անձը, ով Եղեգնաձոր քաղաքի բնակիչ է՝ ծնված 1991թ, բռունցքով մեկ անգամ հարվածել է սպայի գլխին, որի հետևանքով վերջինս վայր է ընկել:
Դեպքի առթիվ ՀՀ ոստիկանության Եղեգնաձորի բաժնում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով, որով նախաքննությունն իրականացվում է ՀՀ քննչական կոմիտեի Վայոց Ձորի մարզային քննչական վարչությունում:Նախաքննությամբ պարզվել է, որ նշված վիճաբանության ժամանակ բացի վերը նշված սպայից մարմնական վնասվածքներ են ստացել նույն զորամասի ևս երկու սպա:
Վայոց Ձորի մարզում տեղի ունեցած միջադեպի առթիվ հարուցված քրեական գործի շրջանակներում Վայոց ձորի մարզպետի օգնական Հարություն Գրիգորյանին մեղադրանք է առաջադրվել դիտավորությամբ անձին ծանր մարմնական վնաս պատճառելու համար: Նրա նկատմամբ որպես խափանման միջոց է ընտվել կալանավորումը:
Վայոց Ձորի մարզային քննչական վարչությունում քննվող քրեական գործի շրջանակներում ձեռնարկվում են անհետաձգելի քննչական գործողություններ, մարզում տեղի ունեցած միջադեպին Վայոց Ձորի մարզպետի մասնակցությունը ստուգելու ուղղությամբ։
ПОСЛЕДНИЕ ОТ АВТОРА
-
New2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
New2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
New2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
New2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).