2019-09-24 13:33
Информагентства
Միհրան ՊՈՂՈՍՅԱՆ. ՔՆՆԻՉԻ, ԴԱՏԱԽԱԶԻ ԳՈՐԾՈՂՈՒԹՅՈՒՆՆԵՐԸ ԿԱՐՈՂ ԷԻՆ ՀԱՆԳԵՑՆԵԼ ԻՆՔՆԱՍՊԱՆՈՒԹՅԱՆԸ
Հայկ Հարությունյանի մահը կարող է կապ ունենալ «Մարտի 1-ի» գործի հետ, չի բացառվում, որ պահանջ է դրված եղել գործի վերաբերյալ այս կամ այն ցուցմունքը տալ: Այս մասին Tert.am-ի հետ զրույցում ասաց փաստաբան Միհրան Պողոսյանը, ով «Մարտի 1-ի» գործով Յուրի Խաչատուրովի պաշտպանն է:
«Արդեն որերորդ դեպքն է, երբ ՀՔԾ-ում քննվող քրեական գործերով վկան, մեղադրյալը ինքնասպանություն են գործում, սակայն որևէ քննություն չի տարվում քննիչի, դատախազի գործողությունների վերաբերյալ։ Խոսքը վերաբերում է թե՛ նախկին իշխանությունների ժամանակահատվածում գործերին, թե՛ այս իշխանության:
Օրինակներ բերեմ՝ հենց նույն ՀՔԾ-ում քննվում էր քրեական գործ Արարատի ոսկու հանքից հափշտակություններ կատարելու հետ կապված. մեղադրյալներից մեկը ինքնասպանություն կատարեց: Կարող ենք արձանագրել նաև նույն Հաց բերողի դեպքը, ով թեև ինքնասպանություն չէր գործել, բայց իր գործողությունները՝ բուժումից հրաժարվելը և այլն, ուղղված էին կյանքի հետ անհամատեղելի իրավիճակի հետ: Այդ առումով էլ՝ երկու տարի է քննվում է, բայց ոչինչ չկա, թե քննիչը ինչ գործողություններ էր կատարել, որ անձը գնացել էր այդ քայլին: Մի քանի դեպքեր ևս կան»,-մանրամասնեց նա:
Անդրադառնալով hayeli.am-ի այն հրապարկմանը, որ դեպքը տեղի է ունեցել վկաների ներկայությամբ, և Հայկ Հարությունյանը ներկաներին ասել է, որ գլխավոր դատախազն ու Սասուն Խաչատրյանը պարտադրում են սուտ ցուցմունք տալ Ռոբերտ Քոչարյանի և Գեղամ Պետրոսյանի դեմ, Միհրան Պողոսյանն ասաց.
«Ես տեղյակ չեմ, որ նման հայտարարությունն է կատարել: Եթե նման հայտարարություն իսկապես եղել է, կասկածը առավել հիմնավոր է դառնում: Սա վատ տենդենց է, որովհետև պահի ազդեցության տակ ցուցմունք տալ պարտադրելով՝ անձի կյանքի, արժանապատվության հետ են խաղում: Եթե ժամանակագրությամբ էլ նայում ենք` նույն ՀՔԾ պետի և ԱԱԾ նախկին տնօրենի խոսակցությունը... ինչի՞ համար էին ուզում կալանավորել (Յուրի Խաչատուրովին/խմբ.), կալանավորում են, որ ցուցմունք տան, չեմ բացառում, որ այս պարագայում էլ դա եղել»,-ընդգծեց նա:
Միհրան Պողոսյանը կարծում է, որ քննիչի, դատախազի գործողությունների վերաբերյալ անհարժեշտ է, որ քննություն տարվի:
tert.am
ПОСЛЕДНИЕ ОТ АВТОРА
-
New2025-06-11 15:06Апелляционный уголовный суд под председательством судьи Мхитара Папояна сегодня, 11 июня, продолжает рассмотрение по существу апелляционных жалоб на приговор в отношении бывшего командующего Армией обороны Арцаха Джалала Арутюняна.
-
New2025-06-11 14:59Руководитель оппозиционной парламентской фракции "Честь имею" Айк Мамиджанян на своей странице в соцсети Facebook опубликовал необходимый для запуска процедуры объявления вотума недоверия премьер-министру Армении Николу Пашиняну бланк с подписями 6 депутатов.
-
New2025-06-11 14:57Видимо, часть документов, полученных в ходе сложной операции иранской разведки, посвящена тайным связям Израиля с Баку. Об этом в соцсетях написал иранский политолог Шуайб Бахман.
-
New2025-06-11 14:54В результате взрыва в доме в Чамбараке госпитализированы 11 пострадавших. Об этом сообщает Министерство здравоохранения Республики Армения.