«ՏԱՇԻՐ» ՀԻՄՆԱԴՐԱՄԸ ՀԱՅԱՍՏԱՆԻ ՊԵՏԱԿԱՆ ՇՏԱՊՕԳՆՈՒԹՅԱՆ ԾԱՌԱՅՈՒԹՅԱՆ ԲՈԼՈՐ ԱՇԽԱՏԱԿԻՑՆԵՐԻՆ ԴՐԱՄԱԿԱՆ ՊԱՐԳևԱՏՐՈՒՄ Է ՀԱՆՁՆԵԼ
Հունիսի 21-ին «Տաշիր» բարեգործական հիմնադրամը շնորհավորեց Հայաստանի բոլոր բժիշկներին մասնագիտական տոնի կապակցությամբ և հայտարարեց այս անգամ պետական շտապօգնության ծառայության աշխատակիցների դրամական պարգևատրման մասին։ Խոսքը 1346 բուժաշխատողի մասին է, որոնց թվում են բժիշկներ, բուժքույրեր/բուժեղբայրներ ու վարորդներ։ Աջակցության ընդհանուր ծավալը կկազմի ավելի քան 150 մլն ՀՀ դրամ։
Այս նախագիծը, ինչպես եվ Հայաստանում համավարակի հաղթահարմանն ուղղված նախորդ ծրագրերը, անձամբ «Տաշիր» ընկերությունների խմբի և նույնանուն հիմնադրամի նախագահ Սամվել Կարապետյանի նախաձեռնությունն է։ «Դժվար ժամանակներում ժողովրդին տրամադրվող աջակցությունը մեզ համար գերակա խնդիր է։ Մենք միշտ անելու ենք մեր ուժերից կախված ամեն ինչ օգնելու բժիշկներին ու պաշտպանելու մարդկանց առողջությունն ու կյանքը նման բարդ իրավիճակներում» , - նշում է գործարարն ու բարերարը։
«Տաշիր» բարեգործական հիմնադրամը համավարակի տարածման առաջին իսկ օրվանից աջակցել է դրա հաղթահարմանը բոլոր մակարդակներում։ Օժանդակություն են ստացել ոչ միայն բժշկական հաստատություններն ու վարակի հաղթահարմանն ուղղված կառավարական հիմնադրամները, այլ նաև բժիշկներն ու բնակչության առավել խոցելի խմբերն ու կազմակերպությունները՝ ծերանոցները։
Դեռևս մարտի սկզբին «Տաշիր» բարեգործական հիմնադրամը 50 մլն ուղղեց Նորքի ինֆեկցիոն հիվանդանոցին (հիվանդանոցի բժշկական անձնակազմի խրախուսման ու ժամանակակից սարքավորումներով վերազինման համար) և 50 մլն դրամ՝ ՀՀ կառավարության կողմից կորոնավիրուսի դեմ պայքարի համար բացված հատուկ հաշվեհամարին։
Մարտի 16-ին հիմնադրամը «Հայաստանի էլեկտրական ցանցեր» ընկերության հետ համատեղ որոշակի քանակության դիմակներ, ձեռնոցներ, ջերմաչափեր, ալկոգել ու ախտահանիչ միջոցներ տրամադրեց ՀՀ պաշտպանության նախարարությանը, Հայաստանում Կարմիր խաչի ներկայացուցչությանը, Հիվանդությունների վերահսկման և կանխարգելման ազգային կենտրոնին, Էջմիածնի քաղաքապետարանին, ինչպես նաև Հայաստանում գործող տարեցների շուրջօրյա խնամքի թվով 5 խնամքի կենտրոններին (Երևանի Նորքի և թիվ 1 տուն-ինտերնատներ, Գյումրու և Վարդենիսի տուն-ինտերնատներ, «Վանաձորի տարեցների տուն» հիմնադրամ):
Ապրիլ ամսին «Տաշիր» բարեգործական հիմնադրամը ևս 50 մլն դրամ փոխանցեց «Հայաստան» համահայկական հիմնադրամին։ Միջոցների մի մասն ուղղվեց կորոնավիրուսի հաղթահարմանն ուղղված միջոցառումներին, մնացած մասը՝ Ռուսաստանի տարածքում մնացած Հայաստանի քաղաքացիների տեղափոխման ֆինանսավորմանը, որոնք սահմանների փակման պատճառով հնարավորություն չունեին վերադառնալ հայրենիք։ ՀՀ քաղաքացիների մեծ մասն այդ օրերին գիշերում էր օդանավակայաններում։ Խնդրի լուծման համար «Տաշիր» -ը այս տարվա մարտից մինչև հունիս դեպի Հայաստան անհրաժեշտ քանակության չարտերային չվերթներ կազմակերպեց։
Լրացուցիչ տեղեկատվություն
Տարիներ շարունակ «Տաշիր»-ը Հայաստանում առողջապահության ոլորտի կարևորագույն ծրագրեր է իրականացնում, աջակցում դրանց։ Իր գործունեության 20 տարիների ընթացքում Հիմնադրամը տասնյակ սոցիալական օբյեկտներ է կառուցել, այդ թվում նաև՝ բժշկական ու կրթական հաստատություններ ու մանկապարտեզներ։
Հիշեցնենք, որ 2013թ.-ին «Տաշիր» ընկերությունների խումբը Արցախի մայրաքաղաք Ստեփանակերտում նորագույն տեխնոլոգիաներով համալրված և ժամանակակից ստանդարտերին համապատասխան, միջազգային առաջատար բուժհաստատությունների մակարդակի բժշկական կենտրոն է կառուցել։ Տասը հազար քառակուսի մետր տարածքով կենտրոնը կառուցվել է նվազագույն ժամկետներում և հագեցած է նոր սերնդի առաջատար բժշկական-դիագնոստիկ, վիրաբուժական ու վերակենդանացման սարքավորումներով։
Տարածաշրջանում նմանը չունեցող հաստատությունը նաև երկու ժամանակակից վերակենդանացման մեքենա է ստացել, որոնք հնարավորություն են ընձեռում շտապօգնության ամենապրոգրեսիվ ստանդատներն օգտագործել։
Ավելի վաղ՝ 2012թ.-ին, «Տաշիր» բարեգործական հիմնադրամը ֆինանսական աջակցություն է ցուցաբերել «Օգնեմ» հիմնադրամին արյան քաղցկեղ ունեցող երեխաների բուժման համար։ 2017թ. Հիմնադրամն օժանդակել է նաև Երևանում վիրավոր և հաշմանդամ ազատամարտիկների վերականգնողական ժամանակակից կենտրոնի ստեղծմանը։ Առողջապահության ոլորտի շատ այլ նախաձեռնություններ շարունակում են աջակցություն ստանալ Հիմնադրամից։
ПОСЛЕДНИЕ ОТ АВТОРА
-
2023-06-09 16:09345В 2023 году количество подписок на фиксированные услуги Viva-MTS увеличилось на 25%, использование облачных сервисов увеличилось на 50%, а мобильных B2B услуг – на 12%, сообщает пресс-служба компании.
-
2023-06-09 10:021142В Афинах состоялась ежегодная конференция Европейского Союза судей. Конференция приняла резолюцию, касающуюся независимости и вызовов судебной власти в Армении, сообщает Союз судей Армении.
-
2023-06-08 09:361783Действующее правительство пользуется поддержкой около 15% населения, а это означает, что должны быть проведены внеочередные выборы, чтобы новое правительство могло сформулировать, реализовать ожидания населения, говорится в статье онлайн-ресурса Армянского центра стратегических и национальных исследований «ACNIS ReView. Взгляд из Еревана». Либо власть пользуется доверием своего народа, опираясь на которое строит свои отношения с внешним миром, либо не имеет этого доверия, чтобы удержать власть, и посредством внешних игроков, вопреки желанию собственного народа, пытается продлить свое пребывание у руля страны, получая внешнюю поддержку. В случае второго варианта, власть должна идти на уступки в ущерб национальным интересам своей страны, что мы и видим во внешнеполитических шагах нынешнего правительства Армении, отмечается в публикации «Правительство Армении выставило на международный рынок национальные интересы Армении». Статью полностью приводим ниже.
-
2023-06-07 18:0512847 июня представители компаний «Южно-кавказская железная дорога» и «Грузинская железная дорога» в ходе встречи в Ереване обсудили вопросы текущего взаимодействия и возможности более тесного сотрудничества железнодорожных организаций двух стран. Стороны договорились также о начале летнего сезона пассажирского движения 2023 года.
