2020-06-25 10:35
Марина МКРТЧЯН
0
«ՓԱՇԻՆՅԱՆԻ ԻՇԽԱՆՈՒԹՅՈՒՆԸ ԱԴՐԲԵՋԱՆԻ 5-ՐԴ ՇԱՐԱՍՅՈՒՆՆ Է»,- ՀԱՅՏԱՐԱՐԵՑ ԱԱՊՎ ՆԱԽԿԻՆ ՊԵՏ ԵՎ ՀԱՏՈՒԿ ՀԱՆՁՆԱՐԱՐՈՒԹՅՈՒՆՆԵՐՈՎ ՆԱԽԱԳԱՀԻ ԴԵՍՊԱՆ, ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ԴԱՎԻԹ ՇԱՀՆԱԶԱՐՅԱՆԸ
Հայկական հատուկ ծառայություններում «բակատինշչինայի» ժամանակաշրջան է
-Խորհրդարանում տեղի ունեցած հայտնի քվեարկություններից հետո իրավիճակը բաժանվեց «մինչ և հետո»-ի. ըստ ձեզ, ինչպե՞ս է այն զարգանալու հունիսի 22-ից հետո:
-Այն, ինչ տեղի ունեցավ հունիսի 22-ին, լիովին տեղավորվում է Փաշինյանի, իր կառավարության ու խորհրդարանական մեծամասնության կողմից արդեն 2 տարի շարունակ իրականացվող քաղաքականության հունի մեջ։ Այդ օրը փլուզվեցին սահմանադրական բոլոր նորմերը, ավարտին հասցվեց սահմանադրական կարգի տապալումը, ինչը սկսվել էր դեռևս 2018 թվականին, իրականացվեց ՍԴ-ի զավթում։ Այսուհետ Սահմանադրությունը չի գործում, իշխանությունն օրենքից դուրս է դրել իրեն։ Արդեն 2 տարի է, ինչ Հայաստանում իշխանությունը գտնվում է արտաքին կառավարման տակ։ Այն կենտրոնում, որտեղից իրականացվում է այդ կառավարումը, բաժնետոմսերի մի մեծ փաթեթ (հնարավոր է նույնիսկ՝ վերահսկիչ փաթեթը) պատկանում է Ադրբեջանին։
Իշխանությունը Ադրբեջանի 5-րդ շարասյունն է։ Ի տարբերություն այն 5-րդ շարասյան, որի մասին խոսում էր Ֆրանկոն, Փաշինյանի 5-րդ շարասյունը Հայաստանի և Արցախի Հանրապետության պետական ինստիտուտների վրա հարձակումը սկսեց շատ ավելի շուտ, քան գործի կդրվեն Ադրբեջանի մյուս շարասյուները։ Անդրադառնալով հունիսի 22-ին՝ նշեմ, որ օրը բնավ պատահական չէր ընտրված. այն, ինչ այսօր անում են Հայաստանի և Արցախի հետ, շատ նման է Խորհրդային Միություն ներխուժելու Հիտլերի ծրագրին, դա տեղի ունեցավ 1941 թվականի հունիսի 22-ին: Այն, ինչ տեղի է ունենում մեր օրերում, հիշեցնում է «Բարբարոսսա» ծրագիրը: Հենց որ Փաշինյանը հրաժարվեց մասնակցել հունիսի 24-ի զորահանդեսին, Բաղրամյան պողոտայից անհետացան հայ զորահրամանատարների դիմանկարները, որոնք ծանրակշիռ ավանդ են ունեցել ֆաշիզմի նկատմամբ տարած հաղթանակի գործում։
-ԱԱԾ-ի դիմումը բնակչությանը՝ 2017 թվականի ապրիլի 2-ի ընտրություններում «Ծառուկյան» դաշինքի կողմից տրված ընտրակաշառքների վերաբերյալ տեղեկություններ տրամադրելու խնդրանքով, վկայում է այն մասին, որ այդ հատուկ ծառայությունն արդեն գոյություն չունի մեզ համար սովորական դերում: Ի՞նչ է սա. վերադարձ զանգվածային մատնությունների դարաշրջանի ՆԳԺԿ-ի՞ն:
-Ընթանում է պետական կառույցների իսպառ ոչնչացում, 89 պատգամավորներ պետական հանցանք գործեցին, և թող ոչ ոք չկասկածի, որ նրանք բոլորը ձերբակալվելու են և կանգնելու դատարանի առջև: Շատ շուտով ընդդիմությունը ստիպված է լինելու լուծել այն խնդիրը, թե ինչպես պաշտպանի Փաշինյանին ու իր զինակիցներին ինքնադատաստանից, որպեսզի ամեն ինչ օրինական լինի, քանզի հունիսի 22-ին տեղի ունեցածից հետո ընդդիմության համար շատ դժվար կլինի իշխանափոխություն իրականացնել Սահմանադրության շրջանակներում։ Այդ օրը տեղի ունեցավ Սահմանադրության խմբային բռնաբարություն քաղաքական իմպոտենտների կողմից։
Ինչ վերաբերում է ԱԱԾ-ին, ապա ես այդ շենքից հեռացել եմ ավելի քան քառորդ դար առաջ։ Այդ ժամանակից ի վեր ոչ մի վատ բան չեմ ասել հայկական հատուկ ծառայությունների հասցեին։ Ոչ այնքան վաղուց ես կասկած հայտնեցի, որ Փաշինյանն իր պայքարում (ոչ միայն ներքաղաքական) կարող է օգտագործել ԱԱԾ-ում պահվող պետական գաղտնիքները։ Բոլոր հիմքերն ունեմ այն մտավախության համար, որ հայկական հատուկ ծառայություններում այսօր «բակատինշչինայի» ժամանակաշրջան է (Վադիմ Բակատինը ՊԱԿ-ի վերջին ղեկավարն էր, որին մեղադրում են Մոսկվայում ԱՄՆ դեսպանատանը տեղադրված գաղտնալսող սարքի եզակի սխեման ամերիկացիներին փոխանցելու մեջ. այդ ժամանակից ի վեր «բակատինշչինան» ազգային շահերի դավաճանության հոմանիշն է- Մ.Մ.), լուրջ կասկածներ կան, որ այսօր հայկական հատուկ ծառայությունները կառավարվում են նույն կենտրոնից, որտեղից կառավարվում է Փաշինյանի կառավարությունը։ Ես խոսում եմ ուղիղ կառավարման մասին՝ շրջանցելով վարչապետին…
Դրանք կլինեն ռազմատենչ հայտարարություններ
-Հենց այն կենտրոնից, որտեղ բաժնետոմսերի պատկառելի փաթեթը պատկանում է Ադրբեջանի՞ն:
-Այո, այս իշխանությունը սպասարկում է Ադրբեջանի շահերը։ Այդ կենտրոնում կան և՛ Սորոսի բաժինը, և՛ աշխարհաքաղաքական այլ ուժերի բաժնետոմսերը։ Նրանց խնդիրն է՝ թուլացնել Հայաստանի պետական կառույցները և առաջին հերթին նրանք, որոնք պատասխանատու են պետական անվտանգության համար, որպեսզի լուծեն ղարաբաղյան հակամարտության կարգավորման խնդիրն Ադրբեջանի սցենարով։
-Բանա՞կն էլ է ենթարկվում է փլուզման:
-Հակառակ այդ ուժերի ջանքերին, բանակը պահպանում է մարտունակությունը, սակայն պետք չէ մոռանալ, որ Փաշինյանի քաղաքականությունը մեզ տանում է դեպի նոր պատերազմ, ընդ որում Փաշինյանը պարտություն է ծրագրում է այդ պատերազմում: Զուր են, սակայն, Բաքվում հույսեր փայփայում, որ եթե իրենք նոր պատերազմ սանձազերծեն, ապա մենք թույլ կտանք, որ Փաշինյանը մնա իշխանության ղեկին. նա կհեռացվի՝ ընդհուպ մինչև ձերբակալում։ Մենք թույլ չենք տա, որ մարտական գործողությունները ղեկավարի մի անձնավորություն, որը սպասարկում է Ադրբեջանի շահերը, և ոչ մի մասշտաբային բռնաճնշումներ մեզ չեն կասեցնի։
-Ո՞վ է ձերբակալելու Փաշինյանին։
-Ով որ հարկն է։ Այսօր ես վստահ չեմ, որ Հայաստանի հատուկ ծառայությունները տեղեկություններ ունեն այն մասին, թե ինչ հայտարարություններ են մեզ սպասում հունիսի 26-ին Ադրբեջանից։ Համոզված եմ, որ դրանք կլինեն ռազմատենչ հայտարարություններ, որոնցում ընդգծված կլինի, որ միջազգային հանրությունն իրենց իրավունք է տվել լուծելու հակամարտությունը պատերազմի միջոցով։ Նկատի ունեմ Եվրախորհրդարանում օրերս քվեարկության դրված բանաձևը, համաձայն որի՝ ուժի չկիրառման և հակամարտության խաղաղ կարգավորման սկզբունքը չի վերաբերում ղարաբաղյան հակամարտությանը, իսկ Եվրամիությունն ու Եվրոպայի երկրները աջակցելու են տարածքային ամբողջականության և սահմանների անձեռնմխելիության սկզբունքների կատարում պարտադրող ջանքերին։ Խոսքը, ինչպես հասկացաք, Ադրբեջանի սահմանների մասին է։
-Այդ հայտարարություններին կհաջորդեն կոնկրետ գործողություննե՞ր:
-Ես դա չեմ պնդում, բայց պատերազմն անխուսափելի է, քանի դեռ իշխանության ղեկին Փաշինյանն է, թեև նրա կառավարմանը արդեն քիչ է մնացել։
Նախորդ իշխանության եղունգն անգամ չարժեն…
-Ի՞նչ հիմքեր ունեք նման կանխատեսման համար:
-Ընդդիմությունը հզոր գործընկեր ունի իշխանությանը տապալելու գործում, դա ինքը՝ Փաշինյանն է։ Այնքանն էլ բավական է, թե ինչ վիճակի է նա հասցրել երկիրը կորոնավիրուսի տարածման առումով։ Ես չեմ կարծում, թե այս վիճակը անկարողության կամ անգրագիտության հետևանք է. համոզված եմ, որ մենք գործ ունենք հայ ժողովրդի դեմ ուղղված միտումնավոր քաղաքականության հետ։ Դա նպատակաուղղված քաղաքականություն է։ Ցավոք, ընդդիմության ճամբարում ոչ բոլոր ուժերն են իրապես գնահատում իրավիճակը. կցանկանայի, որ այդ ճամբարում ավելի հաճախ հնչեր «Մենք», քան «Ես»։
-Այսօր ընդդիմություն են դառնում նրանք, ովքեր վախենում են, որ իրենց նստեցնեն, կամ էլ նրանք, ովքեր ինքնադրսևորվում են Նիկոլի հաշվին ու ինքնահաստատվում նախկին իշխանությանը քննադատելու միջոցով։ Նիկոլն արդեն հասկացել է, որ կոնկրետ գործողություններին դեռ շատ ժամանակ կա։ Ձեռքը դնելով սրտին՝ նշենք, որ այս խոսարանը արդեն շատերին ձանձրացրել է։ Կոնկրետ ի՞նչ պետք է ձեռնարկի ընդդիմությունը, որպեսզի դիմակայությունը խոսքերից անցնի կոնկրետ գործողությունների։
-Կա ճակատային գիծ, և եթե ինչ-որ մեկը ցանկանում է կրակել երկու ուղղությամբ, ապա այդ հրաձգությունը դատապարտված է ձախողման: Իսկ նրանց, ովքեր փորձում են շահաբաժիններ հավաքել նախկին իշխանություններին քննադատելու հաշվին, ես ամենայն վստահությամբ կասեմ, որ նրանք նախորդ իշխանության եղունգն անգամ չարժեն։ «Նախկիններից» անջրպետվելու փորձերը միայն թուլացնում են ընդդիմությանն ու ջուր լցնում Նիկոլի ջրաղացին։ Այսօր դիմադրության բևեռներ շատ կան, բայց չկա այն քաղաքական կառույցը, որին հասարակությունը կընկալեր որպես գործող իշխանության այլընտրանք։ Վստահ եմ, որ մոտ ժամանակներս նման կառույց կհայտնվի…
-Դուք խոսում եք Ազգային համաձայնության կառավարության մասի՞ն:
-Հակաճգնաժամային կառավարության գաղափարը կյանքի կոչելու համար՝ նախ պետք է ձևավորել այն քաղաքական ինստիտուտը, որն իշխանության իրական այլընտրանքի դեր կխաղա հասարակության աչքում։
ПОСЛЕДНИЕ ОТ АВТОРА
-
2024-12-25 09:38Экс-министр иностранных дел Ара Айвазян под занавес уходящего года предельно точно сформулировал те трансформации, которые переживает современный мир. По его словам, на смену эпохе ценностей идет эпоха интересов. В современном мире главный вектор смещается в сторону силы, ценности (общечеловеческие) уходят на второй план. И происходит это не только в большой политике, но и на межличностном уровне. В 21 веке вдруг оказалось, что дали трещину самые незыблемые, самые прочные связи детей и родителей, старших и младших поколений в составе одной семьи. Отошли в прошлое такие понятия, как порядочность, дружба, взаимовыручка, жертвенность и сострадание. Трансформации на глобальном уровне никогда не имели столь зеркального отражения на буднях социума.
-
2024-12-24 11:30После наших прогнозов о том, что Пашиняну придется пожертвовать соросятами ради контактов с администрацией Дональда Трампа, который негативно относится к Джорджу Соросу и его адептам, в верхнем эшелоне ГД наметился раскол. Не исключено, что его спровоцировал сам Пашинян, чтобы оттеснить адептов Сороса на запасные позиции в руководстве своей партии.
-
2024-12-23 10:07Внутрипартийные обличения в духе заводских партсобраний первых пятилеток строительства коммунизма в последние месяцы используются Пашиняном с целью привлечь внимание к себе и своей партии. Ради этого главарь режима обнародует подробности своей личной жизни, демонстрирует меню своей семьи за завтраком, ведет активную переписку в соцсетях, словом, делает вид, будто он, его семья и его партия, по-прежнему, вызывают живой общественный интерес. На деле никакого интереса нет, есть всеобщее отвращение при виде безобразий, которые вылезли наружу в результате внутрипартийных обличений. Армянское общество устало от Пашиняна, от его лжи и бесконечных профанаций.
-
2024-12-23 10:02"Следует четко усвоить, что деятельность Джорджа Сороса в Армении никак не связна и не является отражением позиции правительства США. Скажу больше: Сорос имеет серьезные личные проблемы с президентом США Дональдом Трампом и его администрацией", - заявил политолог Сурен Саркисян еще на этапе первого президентского срока Трампа, а буквально на днях на эту тему высказался лидер партии "Во имя республики" Арман Бабаджанян. Он осудил офисы "Ай Дата" в США за то, что они информировали членов Республиканской партии о той роли, которую адепты Сороса играют в кадровой политике Пашиняна. Бабаджанян охарактеризовал этот факт не иначе, как подрывную работу против интересов Армении. Этот господин вообразил, что избранный президентом США республиканец получает сведения о нашей стране только из офисов "Ай Дата".