Գևորգ ԿՈՍՏԱՆՅԱՆ․ 2018Թ. ՓԱՇԻՆՅԱՆԻՆ ԱՆՁԵՌՆՄԽԵԼԻՈՒԹՅՈՒՆԻՑ ԶՐԿԵԼՈՒ ԱՎԵԼԻ ՕՐԻՆԱԿԱՆ ՀԻՄՔԵՐ ԿԱՅԻՆ, ՔԱՆ ԱՅՍՕՐ ԾԱՌՈՒԿՅԱՆԻՆ
ԲՀԿ առաջնորդ Գագիկ Ծառուկյանի նկատմամբ իրականացվող փաստացի քրեական հետապնդումն ապօրինի է և հակասահմանադրական։ Այս մասին News.am–ի հետ զրույցում ասաց ՀՀ նախկին գլխավոր դատախազ Գևորգ Կոստանյանը։
Նրա խոսքով՝ ներկա պահին չկա որևէ իրավական հիմք Ծառուկյանին ձերբակալելու, և եթե ԱԱԾ–ն գնա այդ քայլին, ապա այդ որոշումը կլինի ապօրինի։
«Քրեական դատավարության օրենսգրքով նախատեսված անձին ձերբակալելու հիմքերը որևէ առնչություն չունեն ԱԺ պատգամավորին ձերբակալելու հիմքերի հետ, քանի որ դրանք տրամաբանորեն տարբեր են։ Սահմանադրությամբ՝ պատգամավորի նկատմամբ քրեական հետապնդում կարող է հարուցվել միայն Ազգային ժողովի համաձայնությամբ: Պատգամավորն, առանց Ազգային ժողովի համաձայնության, չի կարող զրկվել ազատությունից, բացառությամբ երբ նա բռնվել է հանցանք կատարելու պահին կամ անմիջապես դրանից հետո: Գագիկ Ծառուկյանին առնչվող ենթադրյալ հանցագործությունը կատարվել է շատ ավելի վաղ և ամենամեծ ցանկության դեպքում անգամ նրան չեն կարող ձերբակալել, սակայն հաշվի առնելով, որ Հայաստանում իրականացվող քրեական արդարադատությունը որևէ կապ չունի քրեական իրավունքի հետ, նման ապօրինություն հնարավոր է»,–հայտարարեց նախկին գլխավոր դատախազը։
Գևորգ Կոստանյանի խոսքով՝ ապօրինություն կդիտվի այն, եթե գլխավոր դատախազը Գագիկ Ծառուկյանին անձեռնմխելիությունից զրկելու հարցով միջնորդություն ներկայացնի ԱԺ։
Նախկին դատախազի կարծիքով՝ 2018թ. ապրիլին, այն ժամանակ դեռևս ընդդիմադիր պատգամավոր Նիկոլ Փաշինյանին և ևս երկու պատգամավորի անձեռնմխելիությունից զրկելու համար ԱԺ միջնորդություն ներկայացնելու համար ավելի շատ օրինական հիմքեր կային, քան այսօր՝ Ծառուկյանի պարագայում։
«Այն ժամանակ երեք պատգամավորները, այդ թվում Նիկոլ Փաշինյանը ձերբակալվեցին ապօրինի հանրահավաքներ կազմակերպելու համար՝ հենց հանրահավաքի վայրից, այսինքն՝ ենթադրյալ հանցանք կատարելու պահին, մինչդեռ Գագիկ Ծառուկյանի դեպքում օրենքի այդ դրույթն ընդհանրապես կիրառելի չէ»,–ասաց նա։
Հարցին, արդյոք չի՞ փոշմանել Արթուր Դավթյանին գլխավոր դատախազի պաշտոնում իրեն փոխարինող «դարձնելու» համար, Գևորգ Կոստանյանն արձագանքեց։
«Ես շատ ցավում եմ, որ դատախազությունն, ըստ էության, կիրառում է այնպիսի գործելաոճ, որը հարիր չէ ո՛չ իրավական երկրին, ո՛չ էլ մասնագիտական էթիկային, իսկ հարցի բարոյական կողմին կանդրադառնամ հետագայում»։
Հարցին, արդյոք ԱԱԾ նորանշանակ տնօրեն Արգիշտի Քյարամյանն ունի բավարար փորձ և կշիռ քրեական հետապնդման ենթարկելու Հայաստանի ամենամեծ քաղաքական կուսակցություններից մեկի առաջնորդին, Գևորգ Կոստանյանը պատասխանեց.
«Ես չեմ ցանկանում անձնավորված դիրքորոշում հայտնել։ Գործողությունների հաջորդականությունը ցույց կտա՝ ԱԱԾ–ն օրինականության պաշտպան հանդիսանու՞մ է, թե՞ ոչ, սակայն փաստն այն է, որ այս պահին ԲՀԿ ղեկավարի նկատմամբ իրականցվող փաստացի քրեական հետապնդումը հակաիրավական և հակասահմանադրական է»։
Ի դեպ՝ Արգիշտի Քյարամյանը սկսել է աշխատել դատախազության համակարգում հենց Գևորգ Կոստանյանի՝ գլխավոր դատախազ եղած ժամանակահատվածում։
Անդրադառնալով հարցին, թե ներկա իրադարձություններն ինչպե՞ս կազդեն Հայաստանի միջազգային վարկանիշի վրա՝ հաշվի առնելով, որ ամբողջ աշխարհը պայքարում է համավարակի դեմ՝ հնարավորինս փորձելով ապահովել ներքին կայունություն, Գևորգ Կոստանյանը պատասխանեց.
«Տպավորություն է, որ այսօրվա իշխանություններն ընդհանրապես չեն մտածում Հայաստանի միջազգային վարկի մասին, իմ համոզմամբ ներկայումս իշխանություններն անում են հնարավորինս ամեն բան, որպեսզի Հայաստանի իրավական վարկն ընկնի հատկապես միջազգային իրավական հաստատությունների աչքում, քանի որ այն իրավական մոտեցումները, որոնք ցուցաբերում են ներկայիս իշխանությունները, որևէ առնչություն չունեն իրավունքի հետ»։
Ամփոփելով Կոստանյանը փաստեց, որ ներկայիս իշխանությունները արդարադատության համակարգն օգտագործում են անարդարության համար։
ПОСЛЕДНИЕ ОТ АВТОРА
-
2023-09-30 21:14328«Сегодня уже очевидно, что произошедшая с Арцахом трагедия стала следствием спланированных действий между президентом Азербайджана и премьер-министром Армении, который закрыл глаза на спланированный в Арцахе геноцид, о чем говорил открыто и враг», – заявил один из учредителей Национального комитета, координатор инициативы «АйаКве» Аветик Чалабян на митинге в Ереване.
-
2023-09-30 20:46556Мы с завтрашнего дня начинаем программу консолидации, чтобы люди разных политических взглядов поняли, что Национальный комитет не имеет монополии на что-либо. Об этом на митинге 30 сентября заявил бывший премьер-министр Армении Вазген Манукян.
-
2023-09-30 19:33368В преддверии предстоящей 5 октября в Гранаде встречи Алиев-Пашинян в 20 европейских городах пройдут акции протеста.
-
2023-09-30 19:32293Сообщение министерства обороны Азербайджана о том, что якобы в полдень 30 сентября подразделения ВС Республики Армения открыли огонь в направлении азербайджанских позиций, расположенных в восточной части границы, в результате чего погиб военнослужащий ВС Азербайджана, не соответствует действительности.
