Սերժ ՍԱՐԳՍՅԱՆԸ ՊԱՇՏՈՆԱԿԱՆ ԳՐՈՒԹՅԱՄԲ ԴԻՄԵԼ Է ԴՈՆԱԼԴ ՏՈՒՍԿԻՆ
«ՀՀԿ-ի թողած հարուստ դիվանագիտական ժառանգությունը Եվրոպական միության հետ հարաբերություններում մեր աչքերի առջև անխնա մսխվում է»,- այս մասին 168.am-ի հետ զրույցում ասաց Հայաստանի Հանրապետական կուսակցության փոխնախագահ Արմեն Աշոտյանը՝ ներկայացնելով այն քայլերը, որոնք ՀՀԿ-ն նախաձեռնել է ԵԽ-ում ընդունված աղմկահարույց հայտարարությունից հետո։
Հիշեցնենք, որ նախօրեին Եվրոպական խորհրդարանում կոշտ և ոչ հայանպաստ հայտարարություն է ընդունվել Հայաստանի և Լեռնային Ղարաբաղի միջև նոր մայրուղու կառուցման վերաբերյալ։ ԵԽ պատգամավորներ, Հայաստանի և Ադրբեջանի հարցերով համազեկուցողներ Տրայան Բեսեսկուն և Զելյանա Զովկոն, ինչպես նաև տարածաշրջանային երեք երկրների՝ Հայաստանի, Վրաստանի և Հայաստանի հետ խորհրդարանական համագործակցության կոմիտեի նախագահ Մարինա Կալյուրանդը համատեղ հայտարարություն են տարածել՝ արձանագրելով, որ նախագիծը չի նպաստում վստահության, խաղաղության և հաշտեցման համար նպաստավոր պայմանների ստեղծմանը։
«Այս ճանապարհը կառուցելու որոշումը կայացվել է առանց Ադրբեջանի իրավասու մարմինների համաձայնության՝ միջազգային իրավունքի խախտմամբ: Բացի այդ, այն կարող է խորհրդանշական կերպով ամրացնել Լեռնային Ղարաբաղի և դրա շրջակա տարածքների ապօրինի օկուպացումը: Ուստի մենք խորապես ցավում ենք այս նախաձեռնության կապակցությամբ, քանի որ այն չի նպաստում վստահության, խաղաղության և հաշտեցման համար նպաստավոր պայմանների ստեղծմանը: Մենք կրկին հայտարարում ենք մեր շարունակական աջակցության մասին ԵԱՀԿ Մինսկի խմբի համանախագահների ջանքերին և նրանց՝ 2009-ին ընդունված Հիմնարար սկզբունքներին: Որպեսզի այս միջնորդությունը հաջողություն ունենա, մենք Հայաստանի և Ադրբեջանի իշխանություններին կոչ ենք անում բարեխղճորեն ակտիվացնել իրենց ստանձնած պարտավորությունները հակամարտության խաղաղ կարգավորման բանակցություններում՝ Ադրբեջանի միջազգայնորեն ճանաչված սահմանների շրջանակներում»,- ասված է ԵԽ պատգամավորների ընդունած հայտարարության մեջ։
168.am-ի հարցին, թե ՀՀԿ-ն, երկար տարիներ լինելով ՀՀ արտաքին քաղաքականության համար պատասխանատու քաղաքական ուժը, մասնավորապես՝ պատասխանատու խորհրդարանական դիվանագիտության ասպարեզում, ի՞նչ քայլեր է ձեռնարկում, որպեսզի իր հնարավորությունների շրջանակում բարձրաձայնի ԵԽ երեք պաշտոնյաների համատեղ հայտարարության հետ կապված՝ Հայաստանի ազգային և պետական շահերի մասին, Արմեն Աշոտյանն արձագանքեց՝ ասելով, որ իրականում այդ աղմկահարույց հայտարարության հետ կապված՝ այսօր մի քանի անգամ տեսակետներ և վերլուծություններ անձամբ հայտնել է։
Նա տեղեկացրեց՝ հաշվի առնելով այն հանգամանքը, որ ՀՀԿ-ն նաև ԵԺԿ անդամ է, իսկ ԵԽ երեք պաշտոնյաներից երկուսը՝ Տրայան Բասեսկուն և Զելյանա Զովկոն, ԵԽ-ում ԵԺԿ խմբակցության անդամ են, այսօր ՀՀԿ նախագահ Սերժ Սարգսյանը պաշտոնական գրությամբ՝ նամակով, դիմել է ԵԺԿ նախագահ Դոնալդ Տուսկին։
Ամփոփելով՝ Արմեն Աշոտյանը շեշտեց, որ վերջապես Հայաստանի պետական կառույցները, ինչպես՝ ՀՀ ԱԳՆ-ն, այնպես էլ՝ ՀՀ Ազգային ժողովը պետք է լիարժեք ջանքեր գործադրեն Հայաստանի ազգային և պետական շահերը տարբեր մայրաքաղաքներում հավուր պատշաճի ներկայացնելու համար։
«Այդ պետական լծակներն ու հնարավորությունները, արդեն 2 տարի է, իրենց ձեռքերում են, և մեր թողած հարուստ դիվանագիտական ժառանգությունը՝ նաև Եվրոպական միության հետ հարաբերություններում, բոլորիս աչքերի առջև անխնա մսխվում է»,- նշեց Արմեն Աշոտյանը։
ПОСЛЕДНИЕ ОТ АВТОРА
-
New2021-10-19 16:34117Верховный капитулянт продолжает скрывать от армянского народа не только информацию о внутренней жизни страны, военных и послевоенных потерях, но и процессы, происходящие в контексте последних развитий в мире и регионе. Об этом написал на своей странице в Facebook заместитель председателя РПА Армен Ашотян.
-
New2021-10-19 16:08130СНБ Армении уже представила сообщение, связанное с горой Пела. Об этом заявил в беседе с журналистами в парламенте Армении 19 октября заместитель министра обороны республики Арман Саркисян.
-
New2021-10-19 15:5593У России и Армении есть все возможности для устойчивого и динамичного развития многопланового взаимодействия как в торгово-экономической и гуманитарной сферах, так и при осуществлении масштабных инфраструктурных проектов. Об этом заявил вице-премьер РФ Алексей Оверчук в своем видеообращении к участникам VIII Российско-армянского межрегионального форума.
-
New2021-10-19 15:21130«Я практически уверен, что сейчас власти и их главный игрок объявят: смотрите, мы такие демократичные, что наши оппоненты побеждают. Но это не так, это просто утешение», - заявил в эфире 24news.am член исполнительного органа Республиканской партии Армении Эдуард Шармазанов, касаясь поражения кандидатов от правящей партии «Гражданский договор» на выборах в органы местного самоуправления в Горисе и Гюмри.
