2020-06-29 13:33
Информагентства
0
ՀՀԿ երիտթևը բողոքի ակցիա է անցկացնում ԵՄ գրասենյակի դիմաց (ՏԵՍԱՆՅՈՒԹ)
ՀՀԿ-ի երիտասարդական կազմակերպության ներկայացուցիչները բողոքի ակցիա են իրականացնում Հայաստանում ԵՄ գրասենյակի դիմաց: Նրանք նամակ հանձնեցին ԵՄ ներկայացուցչությանը:
ՀՀԿ երիտթևի ղեկավար Հայկ Մամիջանյանը լրագրողներին հայտնեց, որ իրենք այսօր նամակներ կհանձնեն նաև ԵԱՀԿ անդամ բոլոր երկրների դեսպանատներին, ՄԱԿ-ի գրասենյակին, ինչպես նաև ԵԽ գրասենյակին. «Նամակի բովանդակությունը հետևյալն է. ներկայացնում է նկարագրություն իրավական տեսանկյունից այն ամենաթողության, որ տեղի է ունենում Հայաստանում ՍԴ-ի հետ և առհասարակ ժողովրդավարական գործընթացների տրամաբանությամբ: Սկսել ենք ԵՄ գրասենյակից, որովհետև տիկին դեսպանն իր կողմնակալ խոսքով, իսկ հաճախ կողմնակալ լռությամբ տպավորություն է ստեղծում, որ եվրոպական կառույցները կողմ են կամ լուռ են այս գործընթացների նկատմամբ, այնինչ թե Վենետիկի հանձնաժողովը, թե Եվրոպայի խորհուրդը, թե Եվրոպայի ժողովրդական կուսակցությունը, բոլորը արդեն արտահայտել են իրենց կարծիքը այս ամենաթողության նկատմամբ»,-ասաց նա:
Մամիջանյանը հայտարարեց, որ արտակարգ դրությունը պահպանվում է միայն մեկ նպատակով, որ նման ակցիաներ հնարավոր չլինի իրականացնել: Իսկ այսօր իրենք ակցիայի մասնակիցները դիմակներով են, հնարավորինս պահպանում են սոցիալական հեռավորություն. «Այսքան մարդու հնարավոր չէ ամեն օր բերման ենթարկել: Մենք այս ակցիաները, ընդ որում, որոշել ենք սեղմ կազմով լինել, անում ենք, որ իշխանություննոերը հասկանան, որ իրենք ամեն ինչ անել չեն կարող: Վաղ թե ուշ, թե ներքաղաքական, թե միջազգային հարթակներում մեր իշխանությունների քիթը պետք է հատակին կպնի և իրենք հասկանան, որ իրենք ամեն ինչ չեն կարող անել: Չեն կարող ասել, որ լրագրողներն են մեղավոր կորոնավիրուսի դեմ պայքարը ծախողելու համար, չի կարող պարոն Փաշինյանն ինչ-որ պահի որոշել, որ ինքը կաթողիկոս է դառնում: Էդպես չի լինելու»,-ասաց Մամիջանյանը:
Անդրադառնալով Հայաստանում ԵՄ դեսպանին, նա ընդգծեց. «Երբ դու տեսնում ես, որ ինչ-որ վատ բան է արվում ու ոչինչ չես անում, դու նույնքան հանցակից ես: Մեր պայքարի ձևն էլ դեռ սա է»:
Ինչ վերաբերում է նամակի բովանդակությանը, Մամիջանյանն ասաց, որ ներկայացրել ենք իրավական և քաղաքական տեսանկյուններից Հայաստանում տեղի ունեցող գործընթացների հակաժողովրդավարական և հակասահմանադրական բովանդակությունը, տեղեկացնում է News.am-ը։
ПОСЛЕДНИЕ ОТ АВТОРА
-
New2024-04-19 16:30Армянская молодежная организация АРФ «Дашнакцутюн» в преддверии 109-й годовщины Геноцида армян организует факельное шествие в память 1,5 млн этнических армян, ставших жертвами Геноцида армянского народа в Османской империи.
-
New2024-04-19 16:28В Европейском парламенте состоялась конференция «Чтить память жертв Геноцида армян. Дорога к депортации наших дней», которая была проведена по инициативе и при содействии партии Рамкавар-Азатакан. Гостем конференции была депутат Европарламента от Ирландии Клэр Дали.
-
New2024-04-19 16:25Азербайджан нацелен на уничтожение историко-культурного и религиозного наследия в Арцахе, заявил профессор Пьер д'Аржан в ходе рассмотрения Международным судом ООН иска Армении против Азербайджана.
-
New2024-04-19 16:23Израиль и Иран не собираются наносить новые взаимные удары, сообщил телеканал CNN со ссылкой на источник в спецслужбах одной из стран.
