ՄԻՊ. ՈՍՏԻԿԱՆՆԵՐԻ ԳՈՐԾՈՂՈՒԹՅՈՒՆՆԵՐԸ ՊԵՏՔ Է ԼԻՆԵՆ ՀԱՄԱՉԱՓ
Ոստիկանության ծառայողների կողմից քաղաքացու բերման ենթարկելու վերաբերյալ սոցիալական ցանցերում տեսանյութի հրապարակումից անմիջապես հետո Մարդու իրավունքների պաշտպան Արման Թաթոյանի հանձնարարությամբ արագ արձագանքման խումբ է մեկնել ոստիկանության բաժին՝ բերման ենթարկված քաղաքացու հետ առանձնազրույցի, նրա իրավունքներին վերաբերող այլ անհրաժեշտ գործողություններ իրականացնելու համար: Ինչպես տեղեկացնում է «Արմենպրես»-ը, «Ֆեյսբուք»-ի իր էջում այս մասին գրել է Արման Թաթոյանը։
«Այս պահին կարող եմ ասել, որ բերման ենթարկելու պատճառ է քաղաքացու դիմակ պարտադիր կրելու Պարետի որոշման պահանջի չկատարումը: Այսօրվա հրապարակված տեսանյութն առերևույթ վկայում է, որ Ոստիկանության գործողություններն անհամաչափ են:
Մասնավորապես, չնայած Ոստիկանության ծառայողների քանակական գերակշռությանը, ոստիկաններին ուղղված քաղաքացու հորդորներն առ այն, որ ենթարկվում է ոստիկանի պահանջին և կհետևի նրանց, Ոստիկանության ծառայողները շարունակել են անձի նկատմամբ ֆիզիկական ուժի և հետո նաև հատուկ միջոցի գործադրումը»,- գրել է Թաթոյանը։
ՄԻՊ-ի կարծիքով՝ օրենքն, իհարկե, ոստիկանությանը վերապահում է ֆիզիկական ուժ կամ հատուկ միջոց, այդ թվում՝ ձեռնաշղթա գործադրելու լիազորություն, սակայն դա պետք է լինի հետապնդվող նպատակին և կոնկրետ իրավիճակին համաչափ՝ նաև հաշվի առնելով այն ենթադրյալ իրավախախտումը, որի կապակցությամբ ֆիզիկական ուժը կամ հատուկ միջոցը գործադրվում է:
«Իհարկե, ուժեղ ոստիկանությունը մարդու կարևոր պայման է մարդու իրավունքների երաշխավորման համար, սակայն ոստիկանության ծառայողների գործողությունները ցանկացած պարագայում չեն կարող ուղեկցվել նաև անձի արժանապատվությունը ոտնահարող գործողություններով: Իրավախախտում թույլ տված յուրաքանչյուր անձ պետք է ենթարկվի պատասխանատվության, սակայն այդ կապակցությամբ պետական մարմնի գործողությունները պետք է լինեն համաչափ։ Ուստի, բոլոր հարցերը պետք է պարզվեն ստուգմամբ»,- գրել է Թաթոյանը։
Մարդու իրավունքների պաշտպանը բոլոր քաղաքացիներին կրկին կոչ է անում անվերապահ պահպանել կորոնավիրուսի կանխարգելման կանոնները։
Համացանցում տեսանյութ է տարածվել, որտեղ երևում է, թե ինչպես են ոստիկանության աշխատակիցները ձեռնաշղթա հագցնում և բերման ենթարկում քաղաքացուն։ Տեսանյութի հետ կապված ոստիկանությունից հայտնել էին, որ ոստիկանության օրինական պահանջը չկատարելու համար տվյալ քաղաքացին բերվել է ոստիկանություն։
Անդրադառնալով դեպքին՝ ՀՀ վարչապետ Նիկոլ Փաշինյանը «Ֆեյսբուք»-ի իր էջում գրել է, որ ոստիկանությունը ուժային կառույց է, և սահմանված կանոնների նկատմամբ բացահայտ արհամարհանք ցույց տվողների նկատմամբ, օրենքով սահմանված կարգով կարող է և պետք է ուժ կիրառի:
ПОСЛЕДНИЕ ОТ АВТОРА
-
New2022-07-01 04:5719Движение сопротивления соберется завтра утром у входа в Национальное Собрание, на улице Демирчяна. Об этом сообщил на своей странице в Facebook основатель инициативы «Голос молодежи» Оганес Арутюнян.
-
New2022-07-01 04:5326В случае изменения маршрута Лачинского коридора жители села Ахавно могут быть размещены в общинах Хин Шен и Мец Шен. Об этом сообщил омбудсмен Арцаха Гегам Степанян.
-
New2022-07-01 04:5033США в 2023 году выделят Армении финансовую помощь в размере 60 миллионов долларов, еще 2 миллиона планируется предоставить Нагорному Карабаху, сообщает Армянская ассамблея Америки.
-
New2022-07-01 04:4439После стычки, произошедшей в Ереване между родственниками погибших военнослужащих и двумя гражданами, один человек был подвергнут приводу. Об этом сообщили газете "168 жам" в пресс-службе полиции.
