2020-06-30 09:47
Информагентства
ԲՀԿ–ն չի մասնակցի Ազգային ժողովի արտահերթ նիստին
«Բարգավաճ Հայաստան» խմբակցության քարտուղար Արման Աբովյանը հայտնել է, որ վաղն Ազգային ժողովում արտահերթ նիստ կլինի, որին ԲՀԿ–ն չի մասնակցի։
«Հաշվի առնելով, որ նիստն ունի 1 նպատակ` օրենսդրորեն փորձել ամրագրել ՀՀ-ում սահմանադրական կարգի տապալումը, «Բարգավաճ Հայաստան» խմբակցությունը ինչպես չի մասնակցել այս գործընթացի առաջին արարին բոյկոտելով այն, այնպես էլ վաղը մեր խմբակցությունը չի մասնակցելու արտահերթ նիստին»,– Facebook սոցցանցի իր էջում գրել է Աբովյանը։
Նրա խոսքով` ի տարբերություն որոշ գործընկերների, որոնք, ըստ մամուլում շրջանառվող լուրերի, արդեն հունիսի 22-ին հանդիսանալով Covid-19–ի վարակակիր, անհրաժեշտ ձայներ ապահովելու համար մասնակցել են ԱԺ նիստին, ԲՀԿ պատգամավորներից շատերը, լինելով կոնտակտավոր, ոչ միայն ԱԺ` վաղվա նիստին չեն մասնակցի, այլև ԱԺ ընդհանրապես չեն գնա։
Ի դեպ, Աբովյանը նույնպես կորոնավիրուսով է վարակվել։ Ավելի վաղ հայտնի էր դարձել, որ Ազգային ժողովի փոխնախագահ, ԲՀԿ խմբակցության պատգամավոր Վահե Էնֆիաջյանի, ԲՀԿ–ական պատգամավոր Իվետա Տոնոյանի մոտ կորոնավիրուս է հաստատվել։
Նշենք, որ վաղն Ազգային ժողովն արտահերթ նիստի ժամանակ կքննարկվի «Սահմանադրական դատարանի մասին» օրենքում փոփոխությունների իրականացումը, ապրիլի 5-ին նշանակված հանրաքվեի չեղարկումը:
Հիշեցնենք` հունիսի 26–ից ուժի մեջ մտավ ԱԺ–ի ընդունած սահմանադրական փոփոխությունների նախագիծը, որով կասեցվում են 12 տարի պաշտոնավարած ՍԴ դատավորների լիազորությունները։ Նույն նախագծով ՍԴ նախագահ Հրայր Թովմասյանը նախագահից դառնում է ՍԴ դատավոր։ Շատերը նախագիծը որակում են օրենքի կոպիտ խախտում, քանի որ այն չի ստորագրել նախագահ Արմեն Սարգսյանը և չի ուղարկվել ՍԴ՝ քննարկելու դրա սահմանադրականությունը։
ՍԴ երեք դատավորների թափուր տեղերի համար թեկնածուների առաջադրման ժամկետը սկսվում է հունիսի 27-ից: Ըստ օրենքի՝ մեկական թեկնածու պետք է առաջադրեն ՀՀ կառավարությունը, ՀՀ նախագահն ու Դատավորների ընդհանուր ժողովը՝ հաջորդաբար, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2025-02-05 12:34«Гражданский договор» готовится к досрочным парламентским выборам, сообщает газета Iravunq со ссылкой на источники в правящей партии.
-
New2025-02-05 12:12У здания Правительства Армении 5 февраля проходит очередная акция протеста представителей хозсубъектов, недовольных изменением налога с оборота.
-
New2025-02-05 12:10Ереван и Анкара поддерживают постоянную связь, никаких препятствий для контактов нет. Об этом, по сообщению пресс-служба правительства РА заявил премьер Никол Пашинян в ходе выступления в Атлантическом совете, который он посетил в рамках рабочего визита в США.
-
New2025-02-05 12:06«Правительство обязано продолжать программы социальной поддержки арцахцев. Сложившаяся ситуация заставит многих задуматься о том, чтобы покинуть свою Родину», - считает секретарь фракции НС «Честь имею» Тигран Абрамян.