2020-06-30 12:04
Информагентства
«Փաստ». ՓԱՇԻՆՅԱՆՆ ԱՅՆՔԱՆ Է ՈԳԵՎՈՐՎԱԾ ՍԴ ՀԱՐՑՈՎ, ՈՐ ՀԱՆԳՍՏՅԱՆ ՕՐԵՐԻՆ ՓԱԿ ՀԱՆԴԻՊՈՒՄՆԵՐ Է ՈՒՆԵՑԵԼ
«Փաստ» թերթը գրում է. «Հունիսի 22-ին ԱԺ-ում իշխանական խմբակցության կողմից ընդունված սահմանադրական փոփոխությունները, իշխանությունների կարծիքով, ուժի մեջ են մտել հունիսի 26-ից։ Ըստ այդմ, ՍԴ երեք դատավորների՝ Ֆելիքս Թոխյանի, Ալվինա Գյուլումյանի և Հրանտ Խաչատրյանի լիազորությունները դադարեցվում են, իսկ ՍԴ նախագահ Հրայր Թովմասյանը շարունակում է պաշտոնավարել՝ միայն որպես ՍԴ դատավոր, թեպետ, ամեն ինչ, մեղմ ասած, դեռ այդքան էլ պարզ ու հստակ չէ։
«Փաստ» թերթի տեղեկություններով, իշխանություններն այնքան են շտապում ՍԴ սեփական դատավորներ «նշանակելու» հարցում, որ օրենքով նախատեսված երկու ամիսը չեն սպասելու: Ըստ տեղեկությունների, Նիկոլ Փաշինյանն այն աստիճան է ոգևորված ու շահագրգիռ այս հարցում, որ անգամ հանգստյան օրերին թեմայի հետ կապված մի քանի աշխատանքային քննարկում ու փակ հանդիպում է ունեցել ՍԴ դատավորների հնարավոր թեկնածուներից մի քանիսի հետ։
Մեր աղբյուրի փոխանցմամբ, չի բացառվում, որ հենց այս շաբաթվա ընթացքում հրավիրեն արտահերթ: Բայց մինչ այդ արտահերթով պետք է «Սահմանադրական դատարանի մասին» օրենքում փոփոխություն կատարեն, քանզի, սովորության համաձայն, «ոտքի» վրա արված վերոնշյալ փոփոխությունները կատարելիս այդ մասին «մոռացել» են, ինչի հետ կապված, մեր տեղեկություններով, վարչապետը ծանր խոսակցություն է ունեցել պատասխանատուների հետ: Սակայն այստեղ առկա է մեկ այլ խնդիր: Բանն այն է, որ «Իմ քայլի» մի քանի պատգամավորներ վարակվել են կորոնավիրուսով, իսկ ոչ քիչ թվով պատգամավորներ ինքնամեկուսացել են, ինչը կարող է խնդիրներ առաջացնել որոշումների ընդունման համար անհրաժեշտ քվեների հարցում»:
ПОСЛЕДНИЕ ОТ АВТОРА
-
New2025-05-24 05:23Глава МИД Ирана Аббас Аракчи заявил, что возможность прогресса на переговорах с США сохраняется.
-
New2025-05-24 05:20Евразийская экономическая комиссия (ЕЭК) завершает формирование повестки саммита ЕАЭС, который пройдет в Минске в конце июня. Об этом сообщила вице-премьер Беларуси Наталья Петкевич по итогам заседания комиссии в Москве под председательством белорусской стороны.
-
2025-05-23 19:30Бывший президент Армении обвиняется в получении взятки примерно в $3 млн., сообщает Антикоррупционный комитет республики.
-
2025-05-23 19:21Баку с нуля создает "исторический Азербайджан", а Армения отказывается от собственной истории, сказал в интервью Sputnik Армения политолог Карен Игитян.