Նախագահը ստորագրել է գույքահարկի վերաբերյալ օրենքը` այն համարելով ժամանակավրեպ
ՀՀ նախագահ Արմեն Սարգսյանը ստորագրել է գույքահարկի վերաբերյալ օրենքը:
««Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» օրենքը Հանրապետության նախագահի ստորագրմանն է ներկայացվել 2020թ. հունիսի 26-ին: Հանրապետության նախագահի աշխատակազմը հանգամանալից ուսումնասիրել է Օրենքը և դրա հնարավոր սոցիալ-տնտեսական ազդեցությունը, ինչպես նաև Օրենքի վերաբերյալ հնչած` մասնագիտական հանրության և հասարակության ներկայացուցիչների տեսակետները, զանգվածային լրատվամիջոցների հրապարակումները և ներկայացրել Հանրապետության նախագահին:
Հանրապետության նախագահը Օրենքի շուրջ քննարկումներ է ունեցել մասնագիտական հանրության ներկայացուցիչների՝ իրավաբանների, ֆինանսիստների և տնտեսագետների հետ: Հանրապետության նախագահը տեղյակ է Օրենքի վերաբերյալ Կառավարության և Ազգային ժողովում հնչած հիմնավորումներին: Դրանք ընդունելով հանդերձ, ինչպես նաև հաշվի առնելով Օրենքի ազդեցությունը հասարակության սոցիալ-տնտեսական վիճակի վրա, Հանրապետության նախագահը կարծում է, որ օրենքի ընդունումը ժամանակավրեպ է:
Նույնիսկ եթե օրենքն անմիջապես չի կիրառվելու, կորոնավիրուսի համավարակի բարոյահոգեբանական հետևանքները, առաջացած ֆինանսատնտեսական խնդիրները դեռ երկար են զգացնել տալու: Ըստ տարբեր գնահատականների, համավարակով պայմանավորված տնտեսական անկման և եկամուտների նվազման պայմաններում Օրենքի կիրառման դեպքում հնարավոր է քաղաքացիների հարկային բեռի ավելացում: Առանձնապես կարող են տուժել թոշակառուները, բազմազավակ ընտանիքները, միայնակ ծնողները, ժառանգությամբ կամ նվիրատվությամբ գույք ստացած, բայց ներկայումս եկամուտներ չունեցող անձինք, հիփոթեքային վարկով անշարժ գույք ձեռք բերած սեփականատերերը և այլք:
Ցավոք, Հանրապետության նախագահը, ըստ Սահմանադրության, չունի օրենքն իր առարկություններով և առաջարկություններով, հետագա քննարկման համար Ազգային ժողով վերադարձնելու սահմանադրական լիազորություն, վետո կիրառելու իրավունք: Համաձայն Սահմանադրության, Հանրապետության նախագահը կարող է ստորագրել օրենքը կամ չստորագրել, որի արդյունքում միևնունն է օրենքը մտնելու է ուժի մեջ, կամ դիմել Սահմանադրական դատարան: Ըստ նախագահի աշխատակազմի ուսումնասիրությունների և իրավաբանների գնահատականների՝ առերևույթ Օրենքի սահմանադրականության խնդիր չկա: Հետևաբար, Հանրապետության նախագահը ստորագրել է Օրենքը:
Ստորագրելով հիշյալ Օրենքը, Հանրապետության նախագահը, Սահմանադրությամբ իրեն վերապահված լիազորությունների շրջանակում, շարունակելու է հետևել օրենքի կիրառման էվոլյուցիային, հանրության վրա դրա ազդեցությանն՝ ընթացքում Սահմանադրությանը համապատասխանության հնարավոր խնդիրների առաջացման պարագայում չբացառելով Սահմանադրական դատարան դիմելու հավանականությունը», տեղեկացնում է News.am-ը:
ПОСЛЕДНИЕ ОТ АВТОРА
-
2025-02-12 13:48
Спикер НС Армении Ален Симонян сегодня попытался сгладить свои вчерашние скандальные заявления о том, что "карабахцы должны были остаться и сражаться", но заявил, что ему не в чем извиняться. Для этого политик пригласил узкий круг журналистов, которым заявил, что его слова были адресованы конкретным лицам, а не всему народу Арцаха.
-
2025-02-12 13:46
Парламент Армении на заседании 12 февраля одобрил законопроект «О начале процесса вступления Республики Армения в Евросоюз».
-
2025-02-12 13:45
В настоящее время в Армении находятся 115388 беженцев, в том числе 36000 детей, которые прибыли в страну в конце сентября 2023 года или в сопровождении через Лачинский коридор с декабря 2022 года по сентябрь 2023 года, присоединившись к 26700 людям, перемещенным после конфликта 2020 года. Об этом говорится в отчете ЮНИСЕФ относительно гуманитарной ситуации в Армении, который был составлен в конце 2024 года.
-
2025-02-12 12:37
По моим прогнозам, в Армении назревает гораздо более глубинное потрясение, чем обычная смена власти. Это может быть даже больше, чем революция. Различные проявления и другие показатели в разных сферах общественной жизни свидетельствуют о том, что отложенное неизбежное происходит – общество начинает оскорбляться», – пишет член Группы Альтернативных проектов политолог Ваге ОВАННИСЯН.