2020-07-02 09:02
Информагентства
Պոմպեոն Թուրքիային կոչ է արել Սուրբ Սոֆիայի տաճարը մզկիթի չվերածել
Միացյալ Նահանգները Թուրքիայի կառավարությանը կոչ է արել պահպանել Ստամբուլում Սուրբ Սոֆիայի տաճարի կարգավիճակը, որպես թանգարան՝ դրանով իսկ մերժելով Թուրքիայի նախագահ Թայիփ Էրդողանի այն մզկիթի վերածելու առաջարկը։
«Թուրքական կառավարությունը Սուրբ Սոֆիայի տաճարը կառավարել է թանգարանի կարգավիճակով, որը ՅՈՒՆԵՍԿՕ-ի կողմից պաշտոնապես ճանաչվել է որպես Ստամբուլի պատմական հուշարձանների մաս և ընդգրկվել է Համաշխարհային ժառանգության ցանկում։
Մենք վճռականորեն կոչ ենք անում Թուրքիայի կառավարությանը շարունակել պահպանել Սուրբ Սոֆիայի տաճարը որպես թանգարան՝ որպես կրոնական ավանդույթների ու բազմազան պատմության հանդեպ իր հարգանքին հավատարմության օրինակ և այն հասանելի դարձնել բոլորի համար: Այս հազվագյուտ օբյեկտը գեղարվեստական և տեխնիկական հանճարեղության կրոնական արտահայտություն է, որն արտացոլված է նրա հարուստ ու բարդ 1500-ամյա պատմության մեջ:
Ավելին, տաճարի կարգավիճակը, որպես թանգարան, աշխարհի տարբեր երկրներից մարդկանց թույլ է տալիս վայելել այն և մտորել այս հոյակապ ձեռքբերման շուրջ:
Միացյալ Նահանգները Սուրբ Սոֆիայի տաճարի կարգավիճակի փոփոխումը դիտարկում է որպես այս հիանալի շենքի և կրոնական տարբեր ավանդույթների ու մշակույթների մարդկանց միջև որպես հիմնական կամուրջ ծառայելու նրա անգերազանցելի կարողության ժառանգության նվազում:
Մենք ձգտում ենք շարունակել աշխատել Թուրքիայի կառավարության հետ՝ փոխադարձ հետաքրքրություն ներկայացնող հարցերի լայն շրջանակի, այդ թվում՝ կրոնական և մշակութային վայրերի պահպանման շուրջ»,- նշվում է ԱՄՆ պետքարտուղար Մայք Պոմպեոյի հայտարարության մեջ, տեղեկացնում է News.am-ը:
ПОСЛЕДНИЕ ОТ АВТОРА
-
New2025-02-05 15:42Два человека задержаны после стрельбы, произошедшей в селе Мердзаван близ Еревана. Об этом сообщили Sputnik Армения в пресс-службе Следственного комитета.
-
New2025-02-05 15:39Число иностранных туристов, посетивших Армению в 2024 году, составило 2 208 179 против 2 316 210 за 2023 год, уменьшившись на 4,7%. Об этом сообщает Национальный статистический комитет республики.
-
New2025-02-05 15:37Министры иностранных дел Турции и Азербайджана встретились в январе в Баку и Стамбуле в рамках усилий по углублению экономического и торгового сотрудничества.
-
New2025-02-05 15:32В ходе визита главы МИД Британии Дэвида Лэмми планируется обсуждение дальнейшего сотрудничества и совместных проектов по усилению безопасности Украины. Об этом, как передает «Суспільне», сообщил посол Украины в Соединенном Королевстве Валерий Залужный.