Ճանապարհաշինական ծրագրերը չեն դանդաղի
Ճանապարհաշինական ծրագրերը չեն դանդաղի. 251 կմ հիմնանորոգված և 87 կմ վերականգնված ճանապարհ՝ մինչև տարեվերջ:
Տարեվերջին Հայաստանը կունենա 251 կմ հիմնանորոգված և 87 կմ վերականգնված ճանապարհներ: Այս մասին հայտնել է ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը:
Կորոնավիրուսային իրավիճակը ճանապարհաշինական ծրագրերը չի կասեցնի կամ դանդաղեցնի՝ վերահաստատել է փոխնախարարը: Ոլորտը կառավարության համար առաջնայիններից է և նաև համավարակով պայմանավորված՝ սոցիալական ճգնաժամի հաղթահարման նշանակություն ունի:
Ճանապարահաշինական ոլորտը կառավարության գերակա ուղղություններից է: Հաշվի առնելով նաև համավարակով պայմանավորված իրավիճակը՝ մի քանի անգամ մատնանշվել են այն գործողություններն ու միջոցառումները, որոնք պետք է ներդրվեն՝ ծրագրերը լիարժեք ու ժամանակին իրականացնելու համար: Հիմա ամենաեռուն շրջանում ենք: Վերլուծություններ դեռ կարվեն, այդ թվում այն մասով, թե որքանով են աշխատանքներում ներգրավվել արտագնա աշխատանքի չմեկնած քաղաքացիները՝ ասաց ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը․
«Պետք է արձանագրենք, որ այսպիսի բալանսավորված մոտեցումը հնարավորություն է տալիս իրականացնել այն պլանները, որոնք մենք նախանշել ենք մեզ համար: Որևէ ծրագիր չի դադարեցվել, թեև՝ որոշ գյուղերում, որտեղ եղել են մուտքերի սահմանափակումներ և այլն, այդ կարճ ժամանակահատվածում որոշակի կասեցումն եր եղել են՝ պարետի որոշումներով զուտ այդ տարածքի սահմանափակումներով պայմանավորված: Մեծ հաշվով՝ ծրագրերի դադարեցումներ և խնդիրներ չունենք արձանագրված»,- ասաց Ղալեչյանը:
Փոխնախարարը տեղեկացրեց, որ ճանապարհաշինական ծրագրերն իրականացվում են 10 մարզերում: Առանձնահատուկ ուշադրության կենտրոնում է սահմանամերձ տարածքների ճանապարհաշինությունը:
«Որովոհետև ճանապարհաշինությունը միայն ենթակառուցվածքային զարգացման ծրագիր չէ: Այն նաև հանգեցնում է աշխատատեղերի ստեղծմանը, սոցիալական խնդիրների լուծմանը, ուստի՝ ամբողջական պլանում դա նաև կարևոր է այդ ենթատեքստում»,- նշեց փոխնախարարը:
Այդ միտումն ու քաղաքականությունը շարունակական է լինելու նաև հաջորդող տարիների համար՝ հավելեց փոխնախարարը:
Պետական նշանակության ավտոճանապարհնրի հիմնանորոգման ծրագրի իրականացման նպատակով 2020 թվականի պետական բյուջեի միջոցներից տրամադրվել է շուրջ 21,6 մլրդ դրամ 10 մարզերում՝ շուրջ 251,6 կմ ընդհանուր երկարության ճանապարհահատվածների և թվով 8 տրանսպորտային օբյեկտների հիմնանորոգման նպատակով: Սրան զուգահեռ իրականացման փուլում են գտնվում շուրջ 31 կմ երկարությամբ ճանապարհահատվածները, որոնց աշխատանքները չեն ավարտվել 2019 թվականին:
ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը տեղեկացրեց, որ այս պահին 2020 թվականի ճանապարհաշինարարական աշխատանքների համար ամբողջությամբ ավարտվել են մրցույթները և կապալառուների հետ կնքվել են համապատասխան պայմանագրերը:
«Ամբողջ ծավալով անցել ենք շինարարության մեկնարկի փուլ: Մոբիլիզացվել են շինարարական ընկերությունները: Առջևում մեզ սպասվում են մեծածավալ շինարարական աշխատանքները՝ նախանշված բոլոր ծրագրերով, որոնք վկայակոչեցի»,-նկատեց Ղալեչյանը:
Այս տարի նաև կիրականացվեն շուրջ 87 կմ միջին նորոգման աշխատանքներ՝ փոխանցեց Քրիստինե Ղալեչյանը:
Կառավարությունը ճանապարհաշինությունն այս տարի հատկապես կարևորում է այն տեսանկյունից, որ ոլորտը համավարակով պայմանավորված տնտեսական ճգնաժամի հետևանքները վերացնելուն ուղղված նշանակություն ևս ունի: Այս առումով՝ բավականին ջանքեր են ներդրվել, որ բոլոր նախանշված ծրագրերն իրականացվեն լիարժեք ու ժամանակին: Փոխնախարար Քրիստինե Ղալեչյանը վստահեցնում է, որ որևէ բան, սակայն, չի արվելու որակի հաշվին, ինչը կառավարության համար սկզբունքային ուղենիշ է:
«Այս տարի ևս լրացուցիչ կարևորվել է որակի ցուցանիշների պահպանումը և ավելի բարձրացումը: Մենք նպատակադրված ենք առհասարակ մեր ներքին կարողությունների, ռեսուրսների, մասնագիտական ունակությունների բարձրացմանն ուղղված լայնածավալ ծրագրեր իրականացնենք»,-ասաց փոխնախարարը:
Պետք է համառորեն գնանք այն նպատակին, որ մի օր, ի վերջո, հնարավորություն ունենանք արձանագրլու, որ Հայաստանում ճանապարհային ցանցը գտնվում է բարեկարգված վիճակում, երթևեկության համար հարմարավետ և որ ամենակարևորն է՝ անվտանգ, եզրափակեց ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը:
Hy.armradio.am
ПОСЛЕДНИЕ ОТ АВТОРА
-
2023-09-30 16:4631
Мы шествие начинаем с Института древних рукописей имени Месропа Маштоца – Матенадарана, чтобы показать, что деятельность Рубена Варданяна как всего армянского символизирует образование и книгу. Происходящее не только преступление против человечества, но и против цивилизации. Об этом перед началом шествия в Ереване в поддержку Рубена Варданяна и других пленных Азербайджаном армян из Арцаха заявил исполнительный директор международной школы «Матена» Рубен Айрапетян.
-
2023-09-30 16:4433
С главой русской общины Нагорного Карабаха Александром Бордовым все в порядке, он недавно въехал в Армению, сообщил Sputnik Армения глава представительства Россотрудничества в Армении Вадим Фефилов, лично беседовавший с ним по телефону.
-
2023-09-30 16:4431
Наш отец говорил: «Быть честным выгодно, но чтобы жить честно, ты должен быть очень сильным». Мы все должны быть сильными. Об этом перед началом шествия в Ереване заявила сестра похищенного азербайджанцами экс-гоминистра Арцаха Рубена Варданяна, Марина Алэс.
-
2023-09-30 15:54145
В Азербайджане подтвердили, что Давид Бабаян также взят в плен. Об этом на своей странице в «Facebook» написал тюрколог Варужан Гегамян.