Արթուր Վանեցյանն ու Դաշնակցությունը կրկին քննադատել են իշխանություններին
Հայաստանի արտախորհրդարանական ընդդիմադիր կուսակցությունները Սահմանադրության օրվա կապակցությամբ արված իրենց հայտարարություններում քննադատության են ենթարկել Հայաստանի գործող իշխանություններին։
«Հայրենիք» կուսակցության ղեկավար Արթուր Վանեցյանն իր հայտարարության մեջ նշել է, որ անձնական շահադիտությամբ Սահմանադրության խախտումը չի կարող անհետևանք լինել: Նա նաև անթույլատրելի է համարել հիմնական օրենքի ոտնահարումն ու խախտումը։
«Սահմանադրական խախտումների այն ծավալը, որ վերջին օրերին արտակարգ դրության պայմաններում տեղ գտավ Հայաստանում, ծանր հարված էր մեր պետական համակարգին, իրավունքին և ներհասարակական մթնոլորտին», – ասված է Վանեցյանի հայտարարության մեջ:
Նա վստահություն է հայտնել, որ առաջիկայում Հայաստանի զարգացումը, բանական կառավարումը և ներքին համերաշխության մթնոլորտում մեր պետության հաջողությունները զուգակցվելու են բոլոր սահմանադրական ապօրինությունների վերացմամբ։
Իր հերթին ՀՅԴ Գերագույն մարմինն իր հայտարարության մեջ ընդգծել է, որ Սահմանադրության առկայությունն ինքնին չի կարող երաշխիք լինել, երբ այն չի արժևորվում, երբ, շահարկելով ժողովրդի անունը, Սահմանադրությունը մեկնաբանվում և կիրառվում է նեղ անձնական ու քաղաքական շահախնդրությամբ՝ անտեսելով հանրային և ազգային-պետական շահը:
«Ցավոք, տևական ժամանակ է՝ օրվա քաղաքական իշխանությունը ցուցաբերում է հենց այս վարքագիծը՝ պառակտելով հասարակությունը, կազմալուծելով սահմանադրական ինստիտուտները, թուլացնելով պետության դիմադրողականությունը, ձևավորելով անվստահություն ապագայի հանդեպ՝ ստեղծելով նոր մարտահրավերներ ու սպառնալիքներ», – ասված է կուսակցության հայտարարության մեջ:
Սրանով Դաշնակցությունը վերահաստատեց նաև իր հանձնառությունը՝ համազգային համախմբումով երկիրը վերադարձնել սահմանադրականության և բնականոն զարգացման ազգային-պետական ուղեգիծ:
ПОСЛЕДНИЕ ОТ АВТОРА
-
New2022-05-26 22:08121Завтра Движение сопротивления продолжит акции неповиновения, акции пройдут и в областях Армении. Об этом на митинге Движения сопротивления 26 мая заявил представитель Верховного органа АРФ Дашнакцутюн, вице-спикер парламента от оппозиции Ишхан Сагателян.
-
New2022-05-26 19:45228Генерал-майор юстиции Татул Петросян на импровизированном митинге Движения сопротивления у стен здания правительства Армении обратился к полиции.
-
2022-05-26 19:05203Чрезвычайный и Полномочный посол России в РА Сергей Копыркин в рамках рабочей поездки в Сюникскую область Армении встретился с губернатором области, мэрами городов Мегри и Капан.
-
2022-05-26 18:08236Шествие Движения сопротивления подошло к зданию правительства. Протестующих приветствуют сигналами проезжающие автомобили.
