2020-07-06 14:16
Информагентства
0
Արմեն Ամիրյանը կդիմի դատախազություն
ՀՀ մշակույթի նախկին նախարար Արմեն Ամիրյանը դատի է տվել «Տատիկիս վարսերը» ֆիլմի ռեժիսոր Հովիկ Գալստյանին։ Այս մասին նա տեղեկացրել է Facebook-ի իր էջի միջոցով։
Ամիրյանը բացատրել է, որ այս քայլին գնալու պատճառն այն է, որ դատարանի որոշմամբ Հովիկ Գալստյանին արգելվել է իր վերաբերյալ անհիմն ու կեղծ տեղեկություններ տարածելը, սակայն նա շարունակաբար խախտում է դատարանի այս պահանջը։ «Այսօր դիմում ենք դատախազություն՝ Հովիկ Գալստյանին օրենքով սահմանված կարգով քրեական պատասխանատվության ենթարկելու համար»,–գրել է նա։
Նախկին նախարարը նշել է, որ Հովիկ Գալստյանին չի պատասխանում, որովհետև չի ուզում իջնել այդ «ստորին մակարդակին» և, ընդհանրապես, չի բանավիճում այն մարդկանց հետ, ում լեզվի մեջ չարը բույն է դրել։ «Ըստ Հովիկի՝ բոլորը «մեղավոր» են, որ ինքը կինո չի նկարում։
«Մեղավոր» եմ ես, ինձ հաջորդող բոլոր նախարարներն ու փոխնախարարները, տնօրեններն ու վարչությունների պետերը...
Եվ Հովիկը, կինո նկարելու փոխարեն, «արդարության սուրը» ձեռքին, որոշել է «պատժել» բոլորին, քանի որ բոլորն իրեն հետապնդում են, խանգարում են... Նման ախտորոշումը բժշկության մեջ կարծես շատ կոնկրետ անվանում ունի»,–գրել է Ամիրյանը։
Նա նաև առողջություն և շուտ ապաքինում է մաղթել բոլոր հիվանդներին, իսկ մնացյալին՝ ամուր առողջություն և վստահեցրել, որ Աստծո կամքով կհաղթահարենք այս համավարակը։
Հիշեցնենք, որ ՀՀ քննչական կոմիտեն հայտնել էր`2017թ. «Կաննի» կինոփառատոնին ՀՀ պատվիրակության մասնակցության ծախսերը հոգալու պատրվակով ՀՀ մշակույթի նախկին նախարարը «Տատիկիս վարսերը» ֆիլմի ռեժիսորից պահանջել և միջնորդավորված, մաս-մաս ստացել է նշված ֆիլմի նկարահանումների համար նախատեսված գումարներից շուրջ 6.800.000 դրամ գումար։ Քրեական գործն ուղարկվել է ՀՀ դատախազություն՝ հատուկ քննչական ծառայություն ուղարկելու միջնորդությամբ:
Ամիրյանի խոսքով` Կաննի հայաստանյան պատվիրակության ղեկավարը հենց Հովիկ Գալստյանն է եղել, սակայն մեկնելուց մեկ շաբաթ առաջ զեկուցել են, որ Կաննի ծրագիրը տապալվում է և տապալվում է ղեկավարի մեղքով։ Արագ որոշում է կայացվել փոխել ծրագրի ղեկավարին։
Գալստյանն ամեն բան փոխանցել է ծրագրի նոր ղեկավարին, որից հետո տեղավորվել են ժամկետների մեջ, և պատվիրակությունը, այդ թվում՝ Հովհաննես Գալստյանը, մեկնել է Կանն։ Վերադարձից հետո, ըստ Ամիրյանի, ներկայացրել են բովանդակային և ֆինանսական հաշվետվություն (օդանավի տոմս, հյուրանոց, օրապահիկ, տաղավար և այլն)։
Սակայն հետո Գալստյանն ԱՄիրյանին ասել է, որ հովանավորը մասամբ հրաժարվել է խոստումից։ Ամիրյանն էլ իր հերթին նշել է, որ կքննարկեն հարցը և անպայման լուծում կգտնեն, բայց կարճ ժամանակ անց հրաժարական է տվել։
ПОСЛЕДНИЕ ОТ АВТОРА
-
New2025-01-15 14:02Очевидная поспешность подписания между Республикой Армения и Соединенными Штатами Америки хартии понятна: данным документом США направляют приветствия президентам России и Ирана, которые 17 января в Москве планируют подписать соглашение о всеобъемлющем стратегическом партнерстве, пишет в Телеграм-канале «Восканапат» политолог Грант Мелик-Шахназарян.
-
New2025-01-15 13:48Армения подписала с Соединёнными Штатами хартию о стратегическом партнёрстве, выразив уверенность в том, что документ «сделает наше сотрудничество более амбициозным». Поднятие армяно-американских отношений до уровня стратегического партнёрства было оформлено в минувший вторник в Вашингтоне главами внешнеполитических ведомств двух стран.
-
New2025-01-15 13:42В январе текущего года сотрудники Международного комитета Красного Креста (МККК) в Баку посетили удерживаемых лиц армянского происхождения, информацию о которых подтвердила азербайджанская сторона.
-
New2025-01-15 13:32Торговля Еревана с ЕС в разы меньше, чем с Евразийским экономическим союзом (ЕАЭС), товарооборот Армении с Евросоюзом падает. Об этом заявил журналистам во Вьетнаме вице-премьер РФ Алексей Оверчук.