2020-07-06 19:51
Информагентства
Ադրբեջանի հատուկ ծառայությունների աշխատակիցը կապ է հաստատել ՀՀ բարձրաստիճան սպայի հետ․ ԱԱԾ
ԱԱԾ մամուլի ծառայությունը տեղեկացնում է, որ ձեռնարկված օպերատիվ-հետախուզական միջոցառումների ընթացքում պարզվել է, որ Ադրբեջանի հատուկ ծառայությունների աշխատակից-օգտատերը, Facebook սոցիալական ցանցում գրանցված մտացածին էջով (կեղծ) նամակագրական կապեր է հաստատել ՀՀ ԶՈւ բարձրաստիճան սպայի հետ և փորձել է նրանից կորզել տեղեկություններ ՀՀ ԶՈւ վերաբերյալ:
«Ադրբեջանի Հանրապետության հատուկ ծառայությունների «արհեստավարժ հետախույզները», հավատարիմ մնալով իրենց բնորոշ պարզունակ գործելաոճին և օգտագործելով արդի տեղեկատվական տեխնոլոգիաների հնարավորությունները, շարունակում են համացանցի սոցցանցերում գրանցել արտերկրում բնակվող հայերի անուններով կեղծ էջեր և ներկայանալով որպես գործարար-բարերարներ, կամ ՀՀ ԶՈՒ նախկին զինծառայողներ, ծանոթություններ են հաստատում հայ զինծառայող-օգտատերերի, կամ նրանց հարազատների հետ ու շփումների ընթացքում փորձում են կորզել ռազմական բնույթի տեղեկություններ»,- գրված է հաղորդագրության մեջ։
Նշվում է, որ Ադրբեջանի Հանրապետության հատուկ ծառայությունների գործողություններն այնքան նույնաբովանդակ և պարզունակ են, որ ՀՀ ԶՈւ զինծառայող-օգտատերերը գրեթե առաջին իսկ արտահայտությունից հասկանում են, որ գործ ունեն ադրբեջանական «հզոր հետախույզի» հետ և դադարեցնում են նրանց հետ շփումներն ու անմիջապես իրազեկում համապատասխան մարմիններին:
«Չնայած նշված հանգամանքին՝ այնուամենայնիվ, ՀՀ ԶՈՒ-ում դեռևս կան առանձին զինծառայողներ, այդ թվում հրամանատարական կազմի շրջանում, ովքեր միամտորեն կարծելով, որ հաղորդակցվում են իրենց նախկին ծառայակիցների կամ ենթակաների հետ, նամակարգրությունների ընթացքում քննարկում են զինվորական ծառայությանը վերաբերող հարցեր»,- հայտնում են ԱԱԾ-ից:
Ազգային անվտանգության ծառայությունը ևս մեկ անգամ հորդորում է ՀՀ քաղաքացիներին՝ հատկապես զինծառայողներին, զերծ մնալ սոցիալական ցանցերում անծանոթ օգտատերերի հետ շփումներից և չքննարկել զինվորական ծառայությանը վերաբերող թեմաներ, իսկ նման իրադրության մեջ հայտնված անձանց և զինծառայողներին, իրենց իսկ շահերից ելնելով, խնդրում ենք անհապաղ դիմել Ազգային անվտանգության ծառայություն:
ПОСЛЕДНИЕ ОТ АВТОРА
-
New2025-04-16 16:32Многолетние переговоры завершились в среду, когда страны-члены Всемирной организации здравоохранения (ВОЗ) согласовали текст знакового соглашения о том, как бороться с будущими пандемиями, чтобы избежать ошибок, допущенных во время кризиса COVID-19, пишет AFP.
-
New2025-04-16 16:29Вице-премьер Армении Мгер Григорян обсудил с генеральным директором компании Corporacion America Airports Мартином Эрнекяном вопрос оптимизации концессионного соглашения по ереванскому аэропорту «Звартноц».
-
New2025-04-16 16:26Я буду уважать кресло премьер-министра, но как они будут себя вести, тут уже будет принцип: каков привет, таков ответ. Об этом заявил в беседе с журналистами в мэрии Гюмри 16 апреля мэр города Вардан Гукасян.
-
New2025-04-16 16:24Скандальный видеоблогер Вардан Гукасян, также известный под прозвищем "Дог", не будет экстрадирован в Армению. Об этом он сам сообщил через свою партию "Док", информация опубликована в ее официальных соцсетях.