Դատավոր Արսեն Նիկողոսյանի հասցեին սպառնալիքներ հնչեցնելու կապակցությամբ քրգործ չի հարուցվել, թեեւ սպառնացողի ինքնությունը հայտնի է
Վերաքննիչ քրեական դատարանի դատավոր Արսեն Նիկողոսյանի հասցեին սպառնալիքներ հնչեցնելու փաստի առթիվ ՀՀ ոստիկանությունում նյութեր են նախապատրաստվում։ Այս մասին «Փաստինֆո»-ի հետ զրույցում ասաց ՀՀ ոստիկանության լրատվության վարչության պետի տեղակալ Էդգար Ջանոյանը։
Հիշեցնենք, որ հունիսի 18-ին Վերաքննիչ քրեական դատարանը՝ նախագահությամբ դատավոր Արսեն Նիկողոսյանի, մասնակի բեկանել է Երևանի ընդհանուր իրավասության դատարանի որոշումը եւ ՀՀ երկրորդ նախագահ Ռոբերտ Քոչարյանի նկատմամբ որպես խափանման միջոց սահմանել գրավը՝ 2 մլրդ ՀՀ դրամի չափով։
Դատական ակտի հրապարակումից հետո դատավոր Արսեն Նիկողոսյանի նկատմամբ սկսվել են ճնշումներ։ Մասնավորապես սոցիալական ցանցերում որոշ օգտատերերի կողմից արշավ է սկսվել նրա դեմ՝ հնչեցնելով վիրավորական եւ սպառնալից արտահայտություններ։
Նրա նկատմամբ հակաքարոզչությանը միացել էր նաեւ Հանրային խորհրդի նախագահ Ստյոպա Սաֆարյանը։Դատավորը ԲԴԽ նախագահին դիմում էր հասցեագրել՝ նշելով, որ իր և իր ընտանիքի անդամների հասցեին սկսել են տարածել վիրավորանք և սպառնալիքներ պարունակող գրառումներ, ինչի կապակցությամբ ԲԴԽ-ն նախ հանդիպեց դատավորի հետ, ապա հայտարարեց, որ դիմել է ոստիկանություն՝ սահմանված կարգով համապատասխան միջոցառումներ ձեռնարկելու։ Այժմ ոստիկանությունն ապահովում է նրա անվտանգությունը։
Դեռեւս հուլիսի 1-ին պաշտոնապես ոստիկանությունը տեղեկացրեց, որ սպառնալիքներ հնչեցրած անձի ինքնությունը պարզվել է, սակայն քրեական գործ առ այս պահը չի հարուցվել։
Հատկանշական է, որ դատավոր Արսեն Նիկողոսյանը այն գիտնական իրավաբաններից է, որը մեծ հարգանք ու վարկանիշ ունի փաստաբանների շրջանում, մասնագիտական համայնքում, իսկ նրա նախագահությամբ դատական նիստերը կարելի է համարել օրինակելի։
Նշենք, որ դատավոր Արսեն Նիկողոսյանի վարկանիշը հուլիսի 1-ի դրությամբ 66 միավոր է։
ПОСЛЕДНИЕ ОТ АВТОРА
-
2024-04-23 10:58
Владимир Путин 22 апреля провел переговоры с Ильхамом Алиевым — президент Азербайджана прибыл в Москву с рабочим визитом. Последний раз он был в российской столице почти год назад — в мае 2023-го на трехсторонних переговорах по урегулированию карабахского конфликта.
-
2024-04-23 10:50
Полковника запаса Миграна Махсудяна, участвующего в борьбе против сдачи территорий в Тавуше, вызвали в Следственный комитет. Об этом он сообщил в беседе с корреспондентом Sputnik Армения.
-
2024-04-23 10:49
Группа американских конгрессменов во главе с Диной Титус планирует представить на этой неделе законопроект о санкциях против Азербайджана. Об этом вашингтонскому корреспонденту Turan стало известно из источников в Конгрессе.
-
2024-04-23 10:46
Глава администрации села Киранц Тавушской области Армении Камо Шагинян решил покинуть пост. Об этом, как сообщает корреспондент Sputnik Армения, сам Шагинян заявил сельчанам.