2020-07-09 15:20
Информагентства
0
ՍԴ դատավորների գործը ՄԻԵԴ-ում ներկայումս գտնվում է քննության փուլում. Դիմումատուների ներկայացուցիչ
Մարդու իրավունքների եվրոպական դատարանում Սահմանադրական դատարանի նախագահի եւ դատավորների դիմումի վերաբերյալ ՄԻԵԴ-ում դիմումատուների ներկայացուցիչ Սիրանուշ Սահակյանը հայտարարություն է տարածել։
Հայտարարությունում ասվում է.
«Երեկ երեկոյան ակտիվորեն ապատեղեկատվություն էր տարածվում այն մասին, թե իբր Մարդու իրավունքների եվրոպական դատարանը մերժել է Սահմանադրական դատարանի նախագահի եւ դատավորների դիմումն ընդդեմ Հայաստանի։
Հանրությանը տեղեկացնում ենք, որ Սահմանադրական դատարանի նախագահի եւ դատավորների գործը ներկայումս գտնվում է քննության փուլում։ Ավելին, Եվրոպական դատարանը, հաշվի առնելով խախտումների բնույթը եւ բարձրացված հարցերի կարեւորությունը, հանձնառել է գործի անհապաղ քննություն։ Սույն թվականի հունիսի 26-ին ներկայացված տեղեկատվության հիման վրա արդեն իսկ հուլիսի 2-ին Կառավարությանն ուղղվել են մի շարք հարցեր։ Դատարանը, սահմանված ընթացակարգերին համապատասխան, շարունակում է կողմերին տրամադրել դիրքորոշումներ ներկայացնելու ժամկետներ։ Այդ նպատակով Եվրոպական դատարանն արդեն իսկ սահմանել է նոր ժամկետ՝ սույն թվականի օգոստոսի 28-ը, ինչը հավելյալ վկայում է գործի կարեւորության նկատմամբ առկա ուշադրության մասին։
Իրականությանը չեն համապատասխանում նաեւ այն պնդումները, թե իբր Եվրոպական դատարանը մերժել է Սահմանադրական փոփոխությունների գործընթացը կասեցնելու Դիմումատուների խնդրանքը։ Սույնով տեղեկացնում ենք, որ Եվրոպական դատարանի կողմից լուծվում են ոչ թե այս կամ այն երկրում ընթացող օրենսդրական զարգացումներին առնչվող, այլ անձի իրավունքի խախտումներին վերաբերող կոնկրետ հարցեր։ Ուստի Եվրոպական դատարանի առջեւ բարձրացվել էր Դիմումատուների իրավունքների շարունակական խախտումները կանխելուն, ինչպես նաեւ կայացվելիք վճռի կատարումն ապահովելուն ուղղված միջանկյալ միջոցի կիրառման հարցը։
Հայտնի է, որ միջանկյալ միջոցի հնարավոր կիրառումը գտնվում է Եվրոպական դատարանի՝ լայն հայեցողություն ենթադրող դատական քաղաքականության տիրույթում, որի շահառուները ոչ միայն դիմումատուներն են, այլ նաեւ Մարդու իրավունքների եվրոպական դատարանը, որն այդ կերպ կարող է երաշխավորել իր վճռի կատարումը։
Պատահական չէ, որ սույն թվականի հունվարի 31-ին դատական տարվա բացմանը նվիրված միջոցառմանը Եվրոպական դատարանում քննարկվել է հենց միջանկյալ միջոցների վերաբերյալ դատական քաղաքականության փոփոխության անհրաժեշտությունը՝ որպես «Մարդու իրավունքների էկոհամակարգի» ուժեղացման միջոց, ինչը Եվրոպական դատարանին հնարավորություն կտար իրավունքի խախտումը բացահայտելու վաղ փուլերում դիմակայել դատավորների անկախությանը սպառնացող կառուցվածքային փոփոխություններին։
Այդուհանդերձ, Եվրոպական ընտանիքում դատական իշխանության անկախության պաշտպանությունը նոր մակարդակի բարձրացնելու իրական հնարավորության պայմաններում, Եվրոպական դատարանը նախընտրել է բավարարվել իր՝ պետության պատասխանատվությունը ճանաչող, անձի խախտված իրավունքի հատուցում եւ վերականգնում ապահովող դերով՝ ինքնասահմանափելով իր կանխարգելիչ գործառույթի տիրույթը։
Լուրեր Հայաստանից - NEWS.am
ПОСЛЕДНИЕ ОТ АВТОРА
-
New2024-10-12 15:05«Перекресток мира» может быть интегрирован с турецким проектом «Средний коридор», заявил премьер-министр Армении Никол Пашинян в ходе форума «Перекресток мира: объединяя безопасность и демократию».
-
New2024-10-12 15:03Уголовное дело в отношении военно-политического руководства Азербайджана в связи нападением на Нагорный Карабах в 2020 г. все еще находится на этапе предварительного следствия, сообщили в Следственном комитете в ответ на запрос Sputnik Армения.
-
New2024-10-12 14:40Министерство образования Турции решило внести изменение в школьные учебники истории. Термин «Центральная Азия» из пособий удалят, вместо этого регион на границе с Россией будут называть Туркестаном. Подчеркивается, что новшество внедрят уже в этом учебном году, сообщают «Известия».
-
New2024-10-12 14:25Член группы «Альтернативные проекты» Ваге Оганесян написал: «Власти вновь передали в суд дело о событиях 1 марта: искусственно, с трудом, но настойчиво. Их задача – еще раз продать эту эмоциональную тему нашему обществу, уставшему и ошеломленному суровой реальностью. Конечно, на этот раз она продается не очень хорошо. На фоне войны, потерянного Арцаха и новых экстремальных угроз нет прежнего резонанса. Никол превратил дело о событиях «1 марта» темой для двух человек: его и Р. Кочаряна. Когда ему нужно, он нападает, а другой вынужден защищаться. На самом деле это вообще не тема их обоих, это тема общества, которому, однако, не до этих сложных тем.
