2020-07-10 16:25
Информагентства
Ոստիկանները բերման ենթարկեցին Բաղրամյան 26-ի դիմաց բողոքի ակցիա անողներին, այդ թվում Չախալյանին ու Աղեկյանին
Հայկական արժեքների պաշտպանության «Կամք» հասարակական նախաձեռնության հիմնադիր Վահագն Չախալյանը եւ նախաձեռնության անդամներն այսօր՝ հուլիսի 10-ին, Բաղրամյան 26-ի դիմաց բողոքի ակցիա են իրականացրել։ Նրանք ավելի վաղ հայտարարել էին, որ ցանկանում են նամակ հանձնել նախագահին եւ մամլո ասուլիս տալ։
«Մենք նամակ ենք բերել հանձնելու Հանրապետության նախագահին, ամոթանք տալու Լանզարոտեի կոնվենցիայի ընդունման համար: Այս մարդիկ ուզում են այսպիսի ճնշումներով մեր դպրոցներից վերացնեն հայոց եկեղեցու պատմությունը, թուլացնեն հայոց լեզուն եւ հայ ժողովրդի պատմությունը եւ դրա փոխարեն սեռական դաստիրակաության եւ այլասերության քարոզ մտցնել, որպեսզի կարողանան իրենց ծրագիրը կյանքի կոչեն:
Այնպես են անում, որ բողոքող ուժերը իրավունք չունենան ակցիա անելու եւ ակցիա անելու մոնոպոլ իրավունքը տրված է Նիկոլ Փաշինյանի սիրելի քաղաքական գործիչներին: Մենք դժգոհում ենք այն խտրականության դեմ, որ ՀՀ իշխանությունները դրսեւորում են իրենց հաճո կամ անհաճո ուժերի հանդեպ: Մենք չենք հանդուրժելու, որ ՀՀ-ում լինեն արտոնյալներ»,-նշեց Վահագն Չախալյանը:
Նրա խոսքով, ոստիկանությունը խտրական վերաբերմունք է ցուցաբերում, երբ ակցիա են անում ծխախոտի մաքսանենգության դեմ, կամ սահմանադրական փոփոխությունների վերաբերյալ, ոստիկանությունը թույլ է տալիս ակցիան, բայց երբ խոսքը վերաբերում է ազգային արժանապատվությանը, թույլ չեն տալիս։
«Մենք բերել ենք նամակ հանձնենք, նաեւ ուզում ենք մամուլի ասուլիս անել, ինչպես մի քանի օր առաջ այստեղ այլ ուժի ներկայացուցիչներ ասուլիս են արել»,-ասաց Չախալյանը, ով դիմակ չէր կրում։
Ոստիկանությունը երկու րոպե ժամանակ տվեց վայրը լքելու համար, որից հետո նրանց բերման ենթարկեցին: Բերման ենթարկվողների մեջ էին Վահագն Չախալյանը,Սոնա Աղեկյանը, ով եւս դիմակով չէր։
Լուրեր Հայաստանից - NEWS.am
ПОСЛЕДНИЕ ОТ АВТОРА
-
New2025-06-13 19:56Президент США Дональд Трамп заявил, что представители иранских властей звонят ему с просьбой заключить соглашение по ядерной программе Тегерана.
-
New2025-06-13 19:55Международный аэропорт "Звартноц" принял три рейса иностранных авиакомпаний, запросивших вынужденную посадку. Об этом Sputnik Армения сообщили в Комитете гражданской авиации.
-
New2025-06-13 19:53Совет безопасности ООН сегодня соберется на внеочередное заседание в связи с израильской атакой на Иран. Об этом сообщил постпред России при ООН Дмитрий Полянский.
-
New2025-06-13 19:48Учитывая ситуацию, сложившуюся в Иране, призываем граждан РА, находящихся на территории ИРИ, сохранять бдительность, следовать официальным инструкциям, а в случае возникновения чрезвычайной ситуации обращаться в посольство по адресу электронной почты ([email protected]), страницам в социальных сетях (Facebook, Instagram), а также по следующим телефонным номерам - +98 21 66704833, мобильный: +989053774966.