Տարոն ՀՈՎՀԱՆՆԻՍՅԱՆ․ ԱԴՐԲԵՋԱՆԸ ՓՈՐՁՈՒՄ Է ԴՈՒՐՍ ԳԱԼ ՓՈՍԻՑ, ՈՐԻ ՄԵՋ ԻՆՔՆ Է ԸՆԿԵԼ
Տավուշում իրավիճակի սրացումը Ադրբեջանի ագրեսիվ հռետորաբանության շարունակությունն է: Այս մասին «Նովոստի-Արմենիա» գործակալության թղթակցի հետ զրույցում հայտնել է ադրբեջանագետ, «Օրբելի» վերլուծական կենտրոնի փորձագետ Տարոն Հովհաննիսյանը:
«Ադրբեջանական կողմը փորձում է հնարավոր ամեն առիթ օգտագործել ուժի սպառնալիք կիրառելու համար: Բացի այդ, մյուս կողմից էլ, իրենք իրենց հասարակությանը մշտապես «կերակրում են» ատելության քարոզչությամբ՝ տալով հույսեր, որ ադրբեջանական բանակը հզոր է, իսկ հայկական բանակը չունի որևէ ուժ: Այսինքն չափից մեծ հույսեր, և հանկարծ նրանք սադրիչ գործողություններ են դիմում և տեղում ֆիասկոյի են ենթարկվում»,- նշել է նա:
Փորձագետը նշել է, որ հիմա Ադրբեջանը փորձում են քայլեր իրականացնել իրենց իսկ ընկած փոսից դուրս գալու համար:
Այդպես, նրա խոսքով, Ադրբեջանը մշտապես փորձում է կեղծ տեղեկատվություն տարածելու փորձեր ձեռնարկել՝ իրենց կրած անհաջողություններից հասարակության ուշադրությունը շեղելու համար
«Սա, իր հերթին, արդեն հանգեցրել է երեկ գիշերը հրետանու և տանկի գործադրմամբ խախտման և առավոտյան վերսկսված խախտումների, ինչը, ըստ էության, վերածվել է ավելի երկարատև գործողությունների, որի ընթացքում փորձում էին շտկել ձախողումները, սակայն գիշերը ևս լուրջ վնասներ են կրել, այդ թվում, կա դեռևս չհաստատված տեղեկատվություն դիրք կորցնելու մասին»,- նշել է Հովհաննիսյանը:
Փորձագետը նշել է, որ այս պահի դրությամբ Ադրբեջանն իր համար շատ բարդ իրավիճակում է հայտնվել և փորձում է խորը բացերը փակել տեղեկատվական քարոզչությամբ, այդ թվում կեղծ տեղեկատվության տարածման միջոցով, որի հիմանական կետերից մեկն այն է, որ հայկական կողմը լուրջ կորուստներ է կրել:
Բացի այդ ադրբեջանագետը ուշադրություն է գրավել հարևան երկրի սոցիալ-տնտեսական բարդությունների վրա:
«Կարծում եմ, նրանք փորձում են մի քանի ճանապարհով բնակչության դժգոհությունը ցրել երկրի ղեկավարությունից»,- նշել է նա:
Ընդ որում Հովհաննիսյանը հայտնել է, որ հետագա սրացման հավանականությունը կախված է Ադրբեջանի նյարդերի ամրությունից:
«Եթե ադրբեջանական կողմի նյարդերը տեղի տան և հասկանալով իր այստեղի ձախողուումը որոշի մեկ այլ հատվածում դիմել սադրանքի, ապա սա կարող է վերածվել ավելի մեծ բանի: Եթե ոչ, ապա հայկական կողմն այստեղ արդեն իսկ զգալի առավելություն ունի, և որևէ խնդիր չկա հակառակորդին մեկ այլ հատվածում պատժելու կամ ճնշելու»,- նշել է փորձագետը:
Հայ-ադրբեջանական սահմանում իրավիճակի սրման մասին
ՀՀ ՊՆ-ի հաղորդմամբ հուլիսի 12-ին՝ ժամը 12:30-ի սահմաններում, Ադրբեջանի զինված ուժերի զինծառայողները, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո ադրբեջանական զինծառայողները, թողնելով ՈՒԱԶ ավտոմեքենան, վերադարձել են իրենց դիրք:
Ավելի ուշ, Ժամը 13:45-ին Ադրբեջանի ԶՈՒ զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և, կորուստներ կրելով, հետ շպրտվել:
Երեկոյան ադրբեջանական կողմը վերսկսել է հրետակոծել նույն դիրքի ուղղությամբ 82 մմ ականանետից և տանկից: Կրակոցները պարբերաբար տարբեր ինտենսիվությամբ շարունակվել են ամբողջ գիշերվա ընթացքում
Հակառակորդի բոլոր փորձերը թիրախավորվել են հայկական զինված ուժերի ստորաբաժանումների կողմից և չեզոքացվել:
Հուլիսի 13-ի առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։ ՀՀ ԶՈՒ ստորաբաժանումների կողմից տրվել է համարժեք պատասխան:
Հայկական կողմից կորուստներ չկան: ՊՆ խոսնակի հաղորդմամբ, այսօր թեթև մարմնական վնասվածներ են ստացել սահմանին մարտական ծառայություն իրականացնող երկու ոստիկան:
ПОСЛЕДНИЕ ОТ АВТОРА
-
2025-07-27 16:07
В День Преображения Господня сегодня, 27 июля, в Первопрестольном Святом Эчмиадзине состоялась церемония открытия Католикосской усыпальницы и молитвенного зала для зажигания свечей, построенных во дворе Кафедрального Собора под председательством Католикоса Всех Армян Гарегина Второго.
-
2025-07-27 10:00
В Армении сегодня отмечают праздник Преображения Господня — Вардавар. Это один из пяти больших праздников Армянской Апостольской церкви и один из самых любимых в народе.
-
2025-07-27 09:53
Священник отец Мхитар Алоян опубликовал публикацию под названием «От семинарских лет до католикосата: свидетельство из сердца».
-
2025-07-27 09:48
В программе «Есть вопросы» Aysor.am политический деятель Давид Шахназарян прокомментировал распространяемые сообщения о том, что Армения согласилась делегировать контроль над дорогой в Сюнике американской компании. Премьер-министр Армении не опроверг эту информацию, отметив, что не возражает против такого шага.