Արցախի ԱԺ խմբակցությունները դատապարտել են Ադրբեջանի գործողությունները
Արցախի Հանրապետության Ազգային ժողովի խմբակցությունները հայտարարություն են տարածել, որով դատապարտել են վերջին օրերին հայ-ադրբեջանական սահմանին Ադրբեջանի հրահրած մարտական գործողությունները։
երկայացնում ենք Արցախի Հանրապետության Ազգային ժողովի խմբակցությունների հայտարարությունը․
«Արցախի Հանրապետության Ազգային ժողովի խմբակցությունները խստորեն դատապարտում են վերջին օրերին հայ-ադրբեջանական սահմանին Հայաստանի Հանրապետության Տավուշի մարզի ուղղությամբ Ադրբեջանի հրահրած մարտական գործողությունները, որոնք հանգեցրել են մարդկային զոհերի:
Թիրախավորելով հայկական բնակավայրերը՝ Ադրբեջանի ռազմաքաղաքական ղեկավարությունը սեփական ժողովրդին ներքաշում է հերթական արկածախնդրության մեջ, որը հղի է իր իսկ համար աղետալի հետևանքներով:
Հավատարիմ մնալով հրադադարի պահպանման և ադրբեջանա-ղարաբաղյան հակամարտությունը բանակցային եղանակով լուծելու սկզբունքին՝ միաժամանակ, զգուշացնում ենք, որ Հայաստանի ու Արցախի պետական սահմանների հանդեպ ցանկացած ոտնձգություն կստանա համարժեք պատասխան:
Փաստում ենք, որ համավարակի արագ տարածման պայմաններում, երբ ողջ աշխարհը ուժերը միավորել է համաշխարհային ծանր առողջապահական ու տնտեսական ճգնաժամը հաղթահարելու համար, Ադրբեջանի և նրա ռազմական հովանավոր Թուրքիայի նման ագրեսիվ վարքագիծը վտանգավոր է ինչպես Հայաստանի ու Արցախի, այնպես էլ` ողջ տարածաշրջանի համար:
ԵԱՀԿ Մինսկի խմբին կոչ ենք անում վճռականորեն դատապարտել Ադրբեջանի նման պահվածքը և անհրաժեշտ մեխանիզմներ կիրառել իրավիճակի հետագա սրացումը կասեցնելու, տարածաշրջանում կայունությունն ու խաղաղությունը անխաթար պահելու համար»:
«Ազատ հայրենիք-ՔՄԴ» խմբակցություն
«Միասնական հայրենիք» խմբակցություն
Արցախի «Արդարություն» խմբակցություն
«Հայ հեղափոխական դաշնակցություն» խմբակցություն
«Արցախի ժողովրդավարական կուսակցություն» խմբակցություն
News.am
ПОСЛЕДНИЕ ОТ АВТОРА
-
2022-09-30 19:44279Базирующаяся в Армении компания Taco LLC включена в список организаций, подпадающих под новые санкции США против России, сообщается на сайте Минфина Соединенных Штатов.
-
2022-09-30 19:40261Президент Украины Владимир Зеленский заявил, что Украина сейчас отказывается от переговоров с Россией. По его словам, Киев готов к переговорам, но с другим президентом России.
-
2022-09-30 19:39271Онлайн-инструмент Hexowatch для мониторинга изменений и уведомлений, разработанный армянской компанией Hexact занял первое место в рейтинге программного обеспечения для анализа данных GetApp 2022, набрав максимальный 100 баллов. Об этом говорится в сообщении компании.
-
2022-09-30 19:36246США держат под прицелом все страны, в том числе соседей России по СНГ. Об этом заявил президент РФ Владимир Путин, выступая на церемонии принятия в состав страны четырех новых субъектов.
