Последние новости

Ա.Հովհաննիսյան. Եթե այդ դիակներն իրենց տարածքում էին, ապա ինչու էին մնացել այդքան ժամանակ

Հայկական ԶՈւ վերահսկողության տակ էլի կան տարածքներ, որտեղ կան ադրբեջանական զինված ուժերի զինծառայողների դիակներ: Այս մասին այսօր` հուլիսի 16-ին, լրագրողների հետ հանդիպմանն ասաց Իջևանում լրատվական ճգնաժամային կենտրոնի պատասխանատու Արծրուն Հովհաննիսյանը:

«Օրվա ընթացքում հայկական ԶՈւ-ն թույլ է տվել ադրբեջանական զինված ուժերի ներկայացուցիչներին նախորդ գիշերը իրենց ունեցած կորուստներից մնացած դիակները դուրս հանել տարածքից, և մի հետաքրքիր բան պիտի ասեմ, որ սա միակ տարածքը չէր, այդպիսի տարածքներ էլի կան, որտեղ կան ադրբեջանական զինված ուժերի զինծառայողների դիակներ: Ադրբեջանական մամուլը այս մասով կեղծիքներ տարածեց և այստեղ առաջացել է զավեշտալի հակասություն: Եթե այդ դիակներն իրենց տարածքում էին, ապա ինչու էին մնացել այդքան ժամանակ, կամ եթե իրենց տարածքում էին, ապա ոնց էին մեր վերահսկողության տակ, և ինչու էին թույլատրություն կամ կրակի դադարեցում խնդրում, որեսզի այդ դիակները հանվեն: Հետևությունները թողնում եմ բոլորին»,- ասաց նա, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ