2020-07-20 08:53
Информагентства
«Ֆուդ սիթի»-ում ընդունում են Հայաստանից եկող բեռնատարները
Մոսկվայում Հայաստանից բերված մրգերի վաճառքի հարցը կարգավորվել է, «Ֆուդ սիթի» շուկայում խոստացել են ընդունել տարածք մտնող բեռնատարները, հաղորդում է ՏԱՍՍ-ը՝ հղում անելով ՌԴ-ում ՀՀ արտակարգ և լիազոր դեսպան Վարդան Տողանյանը:
«Մենք հետևում ենք իրավիճակին «Ֆուդ սիթի»-ում: Եթե բեռնատարների տերերը որոշեն գնալ այնտեղ, մեզ խոստանում են, որ ամեն բան նորմալ կընթանա: Գիշերվա ըթնացքում շուկայում երկու մեքենա է ընդունվել»,- հայտնել է նա:
Տողանյանի խոսքով, ընդհանուր առմամբ բոլորը վերադառնում են սովորական աշխատանքի: Ընդ որում, դիվանագետն շեշտել է, որ Մոսկվայում և ՌԴ այլ մարզերում Հայաստանից բերված մրգերի առաքման և վաճառքի հետ կապված որևէ խնդիրներ չկան:
«Հետևենք, թե կցանկանա՞ն արդյոք նրանք, ովքեր ուղևորվում էին «Ֆուդ սիթի», այսուհետ գնալ առևտրի այդ կենտրոն, թե կընտրեն մեկ ուրիշը»,- ընդգծել է նա:
Շաբաթ օրը Տողանյանը հայտնել էր, որ ՀՀ-ում ՌԴ դեսպանությունը նույնպես հաղորդագրություն է ստացել հայկական ապրանքի արտահանողներից այն մասին, որ իրենց արգելում են առևտրով զբաղվել «Ֆուդ սիթի» շուկայում, քանի որ առևտրի կենտրոնը արգելափակել էր բեռնատարների համար մուտք գործելու հնարավորությունը:
Նախօրեին տեղեկություն հայտնվեց, որ մոսկովյան «Ֆուդ սիթի» շուկան, որը պատկանում է Ադրբեջանում ծնված ձեռներեցներ Գոդ Նիսանովին և Զարախ Իլիևին, փողոց է հանել տոննաներով հայկական ծիրան, ինչի պատճառով այն կարող է փչանալ: Շուտով Մոսկվայում և Սանկտ Պետերբուրգում հայկական ծիրանի համար վաճառքի նոր, այդ թվում ՝ անվճար վաճառքի կետեր են տրամադրվել: ՌԴ-ում ՀՀ դեսպանությունը նույնպես միջամտել է կատարվածին. դրա մասին տեղեկացրել Մոսկվայի համապաստախան գերատեսչություններին և իշխանություններին, ինչպես նաև դեսպանության ներկայացուցիչներն այցելել են շուկա, սակայն «Ֆուդ սիթի»-ի ադմինիստրացիան չի ցանկացել լսել դեսպանության ներկայացուցիչներին, չի խոսել նրանց հետ և «ուժի գործադրմամբ ուղեկցել է», տեղեկացնում է Newsarmenia.am-ը:
ПОСЛЕДНИЕ ОТ АВТОРА
-
New2025-07-22 18:06В июне 2025 года число туристов в Армении выросло на 19% по сравнению с тем же периодом прошлого года, сообщает Комитет по туризму.
-
New2025-07-22 18:04Председатель Национального Собрания Республики Арцах Ашот Даниелян выразил благодарность Палате представителей Королевства Бельгии.
-
New2025-07-22 16:33Президент США Дональд Трамп принял решение о выходе США из ЮНЕСКО. Об этом заявили в Белом доме.
-
New2025-07-22 16:31Свекрови бывшего мэра Эчмиадзина Дианы Гаспарян — Рузанне Асатрян, предъявлено обвинение в отмывании денег. Об этом сообщает издание ArmLur.am.